HARPS откри 32 нови егзопланети
09.11.2009
Астрономите открија 32 нови егзопланети, планети надвор од нашиот Сончев систем, со помош на HARPS (High Accuracy Radial Velocity Planet Searcher) спектрографот во 3.6 метарскиот телескоп на Европската Јужна Опсерваторија (ЕЅО). HARPS е уникатен, екстремно прецизен инструмент кој што е идеален за откривање на други светови. Бројката на досега познати егзопланети изнесува 406, од кои HARPS самиот пронајде над 75 егзопланети во 30 различни планетарни системи.
При последното пребарување се пронајдени неколку планети со “мала маса“ или т.н. „Супер Земји“ кои се со големина колку Нептун. На сликата уметнички е прикажана планета со 6 пати поголема маса од Земјата која орбитира околу својата ѕвезда на растојание од 1/20 од растојанието Земја-Сонце. Уште две други планети беа откриени претходно околу оваа ѕвезда.
HARPS досега откри 24 од 28 познати планети со маса помала од 21 Земјина маса. Останати познати откритија на HARPS за 5-те години работа се: првата супер-Земја во 2004 (µ Ara; ESO 22/04); во 2006 трио од планети со големина колку Нептун околу ѕвездата HD 69830 (ESO 18/06); во 2007 Gliese 581d, првата супер-Земја која се наоѓа во населливата зона околу својата ѕвезда; и во 2009 најсветлата егзопланета откриена до сега Gliese 581e.
Најново откритие е потенцијалниот свет со густина слична на Земјата, најверојатно покриен со лава. Овие резултати им ја доловија на астрономите големата разновидност на планетарни системи и им помогна да разберат како се тие формирани.
www.astronomija.com.mk
