Самиот назив на темата е интересен и има неколку интересни аспекти.
Всушност концептот на гравитацијата не дозволува појава на антигравитација па оттаму сакав да видам за што навистина станува збор. Излезе дека антигравитација е само термин кој се користи за дополнително рекламирање на нешто што се нарекува THE HUTCHISON EFFECT (имаше напишано нешто на почетокот но без никакво објаснување).
Само накратко - John Hutchison, канадски истражувач тврди дека успеал да открие неколку различни феномени. Најзначајни се два, првиот со кој може големи предмети да левитираат, и вториот кога две материи потполно различни практично се спојуваат (парче дрво без никаков проблем навлегува во парче метал како некаков вид на легура). Објаснувањето на првиот феномен е како влијание на определени високи фрекфенции, најчесто генерирани од Ван де Графов (Van de Graaff) генератор - генератор на истоимен полнеж и неколку Теслини намотки, врз кристалната решетка на материјалот кој подоцна левитира. Објаснувањето на вториот феномен е преку значајно зголемување на Ван дер Валсовите (Van der Waals) сили кај разнородни атоми (молекули) со што доаѓа до целосна интеракција меѓу материи кај кои до тоа не треба да дојде.
Значи сево ова би отворило ново поглавје во физиката а господинот Hutchison ако не Einstein ќе беше нарекуван Faraday на 20 век. Сепак крај на научното во овие истражувања ги поставил еден господин Марк Милис (Marc G. Millis) од НАСА кој рекол - цитирам:
„This "Hutchison Effect" has been claimed for years, without any independent verification — ever. In fact, its originator can't even replicate it on demand. This has been investigated more than once, been part of documentaries on The Discovery Channel, but still never seems to pass critical muster. This is in the category of folklore. In general, the "American Antigravity" web site caters to such folklore and its enthusiasts.“ или во превод (скоро слободен) - „Овој „Хачисонов ефект“ е посочуван со години, без никакви соодветни потврдувања - било кога. Всушност ниту неговиот пронаоѓач не може да го репродуцира кога тоа ќе биде побарано. Ова е истражувано повеќепати, беше дел од документарци на Дискавери Канал, но сепак никогаш не доби доволно критична маса. Ова спаѓа во категоријата на фолклор. Всушност веб страната на „Американската Антигравитација“ им послужува ваков фолклор на ентузијастите“.
Епа во горниве пасуси има споменато се и сешто освен гравитација па самиот поим антигравитација не е воопшто соодветен за наслов на оваа тема. Можеби Hutchison Effect е доволна причина за посериозна дебата кај Мистериите но дајте конечно да ги нарекуваме работите со нивното вистинско име.
Конечно нешто што беше поблиску до некаков концепт на антигравитација е споменувањето на егзотичната материја (exotic matter). Имено ова е хипотетичка материја во квантната физика која како главна карактеристика ја има негативната маса. Соодветно на ова бидејќи масата создава гравитација тогаш честичките со негативна маса би создавале антигравитација. Сметам дека натамошниот тек на темата треба да биде во оваа насока, а за оние кои сакаат да говорат за Hutchison Effect можат многу лесно да отворат нова тема.
stotie toa, a ako oblikot na nekoe telo e, odlu;uva;ki za anti gravitacija togas mozebi si vo pravo