Постови на неделата

Македонци, на linkedin, што си коментираат меѓусебно по објави... на англиски.

Ова што ќе го пишам се мислев дали вреди да се пишува на Форум, бидејќи се малку лични теми, но ако барем влијаам на свеста на еден човек што ме чита, тогаш вредело.

Од Пржино ако се упатиш накај првиот видиковец/паркинг што е на патот до Средно Водно има една патека која се вика Бабина Патека, но има и карпи (веднаш под паркингот на минутка пешачење), на кои сега се собираат млади да пијат, но порано за едни други млади биле светост, благодет и есенција. Тие карпи биле вежбалиште за алпинистите во 90тите, односно место кое е најблиску до градот, особено за тие кои живеат во близина, да не мораат да одат до Матка за да качуваат. Сега тие карпи се обраснати околу и речиси непроодни (од левата страна на карпите), не се користат за ништо освен за пијанчење, клиновите оставени во нив служат како потсетник за некое друго време. Би бил среќен ако малку повеќе почит имате кон тие карпи, бидејќи на една од нив има спомен плоча која беше покриена, веројатно и газена од луѓе што не ја знаеле нејзината локација. Таа спомен плоча е поставена од еден многу скромен човек кој е жива легенда, како и од страна на едно момче младо кое гине во лавинска несреќа на Солунска Глава во 98ма година на свои 19 години, а истата плоча е посветена на Исак Русо, алпинист со еврејско потекло од Македонија кој исто така прерано починува. Е сега тие карпи таму што се на само 1 минута до паркингот, се со клинови заковани од страна на 4ца врвни алпинисти кои настрадуваат во лавинската планинска несреќа на Солунска Глава во 98ма година што ви ја спомнав, еден од тие починати таму е и мојот татко. Тие карпи вертикали ги носат нивните имиња, секоја од нив именувана по човекот кој ги поставил клиновите првично, секоја од нив била омилена на некој од нив. Таа Бабина патека која може ја знаете на Водно, не е именувана така бидејќи е за спори лица (баби), туку поради синот на човекот жива легенда што ви го спомнав, кој често одел на Водно со татко му на таа патека. Тоа дете го носело прекарот Бабин и починува на свои 18 години од болест. Татко му во негова чест ги има поставено и сите тие табли и му ја има посветено патеката. Во еден момент таа патека се спојува и со “Новогодишната“, но кога таму поставил рачно изработена табла за “Бабина патека“, истата била тргната, бидејќи поприоритетно е очигледно тоа делче од патеката да е именувано според ден во годината, а не по млад згаснат живот.

Веројатно ви дојде многу, многу рано згаснати животи и трагедии, но сега ќе стигнеме до целта на ова мое мислење. Под тие карпи што ви ги спомнав има изнафрлено лименки, шишиња од луѓе што седат и се собираат на тие карпи. Во тревата околу паркингот што е на една минута (познат и како паркинг на швалерите), има тоништа искористени влажни марамици после сексуален однос, презервативи, лични работи како хулахопки, гаќи, како и хартии од изедени тостови, лименки, флаши, шишиња, местото е во ужасна состојба. Само преку патот има неофицијална гробница на кучиња, место каде што луѓето си ги закопуваат милениците. Но тоа го прават на погрешен начин, на погрешно место, обично на 30 сантима до земјата и само во кебенце, истите тие починати животни се раскопани од дивите свињи што ги има многу во тој дел и сега местото изгледа толку ужасно, што мислам е најдобро да запрам тука со описот. А на 10тина метра има и нешто како треил патека за трчање рамна кружна од некои 100 метра, каде што трчаат фудбалери и други спортисти.

И сега кога веќе добивте слика, во колку ужасна слика е ова место и колку тоа место е од сентиментална значајност за некои луѓе, би ве замолил да не го фрлате отпадот, бидејќи грото луѓе таму се со кола дојдени, сметам дека нема да и тежи на колата да го пренесе до прв контејнер. А ако случајно закопувате починати домашни миленици, би ве замолил да најдете друго место, или барем да го направите тоа на подобар начин, поголема дупка, метална кутија со катанче, трупци дрва и камења одозгора откако ќе закопате.

Да ги испочитуваме луѓето кои не се веќе меѓу нас, а на кои им било драго тоа место, да не е во толку лоша состојба, барем толку мислам можеме.

На денешен ден 2020 година, ја, Џонтра, Клипче и Пеја гледаме Наполи-Милан (или Јуве беше не сум сигурен пошо излив имав таа вечер), седиме, се зезаме... На сред утакмица Син пишува на еден заеднички чат со Интераши што го имаме, цитирам: " хаха Стек што е ова бе Коби умрел?, нормални ли се порталиве? " Јас секако му упатив сув цинизам, у стилу хаха да да секако, не само што умрел него и воскреснал во меѓувреме.... И во истиот момент отварам ФБ и ме облева ладна пот. Не постоеше портал, страница, личност, ватева, што немаше објавено за смртта на Коби. Инстант сменив боја на фаца, почнаа овие да ме прашуваат абе што ти е друже, што се деси, а у меѓувреме како отвараа социјални мрежи така и они менуваа бои на фаци и остануваа занемени.

Идолот од дете, човекот на кој му ги имам студирано движењата буквално од А до Ш, човекот на кого беа трошени последните мегабајти од месечниот интернет, човекот со кој растев и ми беше рол модел за спортист, загина во хеликоптерска несреќа... Цели ебани 6 години поминаа од тогаш, и ден денес имам солзи во очите кога ќе се присетам на тој мизерен 26ти јануари 2020 година. Замина еден од најголемите спортисти во историјата, човек кој треба да е пример и идол на секое дете кое има соништа и кое машта за нешто во животот, човек кој беше идол и на детето кое ги трошеше последните мегабајти од месечниот интернет, и засекогаш ќе биде.

Почивај во мир голем човеку.

Не знам кој како ќе ме сфати и дали е за тука ова размислување, можеби е и за осуда не знам.

Работев јас пред 8 години во центар за деца со посебни потреби. Премногу добро ги знам аутистичните деца кои не се генијалци како на филм и не можат да бројат карти, него се деца што не живеат во овој свет, викаат, агресивни се, немаат осет ни свест, само едно тело кое се движи и вика. Не знаат за никакви потреби, нњ гледаат во очи, не зборуваат и никако не комуницираат.
Не е ова ништо кажано што не е така, ќе видиме и зошто.

Пред некое време се појави некоја извесна Амела ли како беше, со аутистично дете, борец, мајка жртва, ноќи непроспиени, солзи, гнев, зошто јас, зошто моето дете...

Детето не само што нема ни еден симптом на аутизам, него и пее и настапува пред публика, а за аутистите тоа богами е и погубно. Течно зборува, чита, со мајка му шетаат низ градови и прават промоции на книги за аутизмот и мајка му а и тој раскажуваат колку е тешко и колку никој не разбира како е.
На крајот и чита поезија и настапува. Нормално дете.

Дали драга Амела или како и да е, знаеш ли дека правиш погрешна слика за аутистичните деца? Да, аутизмот е спектар, ама твоето дете фала богу е здраво, право и напредно. За жал другите со таа дијагноза што не знам ни дали ја има се далеку од тоа.

На оние кои дома имаат аутист и се борат за нивните права како родители, им се мочаш у врат на маката и реалната слика на аутизмот.
Нешто најхрабро е родител на аутист. И јас ги гледав и нив и нивните деца и нивните маки, а ова нешто не е ни приближно до таму. Дај боже аутизмот да е тоа што го прикажуваш

Ама не е. Твоето дете нема аутизам, ти имаш некоја болна потреба да бидеш видена, слушната, славна, не знам што сакаш да бидеш, да се продаваат повеќе книгите ли, да има донации, да се восхитуваме на твојата храброст? Не знам.
Знам дека родител на аутист нема време на секои 10 минути да објавува километражни објави за тешкиот живот со аутизмот.

Не знам зошто ова веќе неколку дена ме нервира и ме јаде, јас 8 години немам контакт со такви деца, ама многу добро се сеќавам на нив и сликата за нивната болест не е таква.

Ако пишам кај неа народот ќе ме распне, па и тука не дека нешто поарно ќе поминам, ама греота се бе родителите со маките нивни.

Не знам повеќе што да кажам.

Moji su drugovi žestoki momci velikog srca
I kad se pije i kad se ljubi i kad se puca

Dzokica87 напиша:

Секој еден што бил на гостување, барем еднаш, после видеово се осетил лошо, тргнале со цел да го бодрат својот клуб, за гордоста и честа на групата, градот, државата....
Еве пошто никој до сега не напиша, иако ривали во секоја смисла, јас сум за да се покаже големина и да се извади парола, нека почиваат во мир.

Кликни за повеќе...

Напротив никогаш не би се согласил за парола. Сабајле прочитав дека во крвта на возачот било пронајдено кокаин и марихуана, тргаш на пат каде ја поминувааш пола Европа и те вози некој пијан и дрогиран. И да не е така неможам да се сожалам на некој што цел живот не негира како нација како народ. Далеку од тоа дека се ситам, греота млади животи згаснале се тоа стои ама далеку дека нешто се трогнав. Можеби за некој ќе бидам глуп и ограничен ама вадењето парола за грци поготовоо поготово за Паок ќе биде само непоштовање по себе.

Ти благодарам @FilipMKD007 за укажаната прилика. Морав да ја освежам темата со нешто глупаво и без многу филозофирање, иако може да не покрене дискусија затоа што не измислува топла вода.

Знам дека иницијалната замисла на @Io Sono Interista беше инспирација од what's your take, односно полабави теми кои нервираат, ама и не толку, и иако @wot уште одма го постави стандардот, морав да се приклучам.

Мојата тема: Мажи над 30 години не смеат да се радуваат на родендени и да ги слават

Во ред е, еве ќе прифатам 30ка за последно, као демек 30 е новото 20 и нека се искористи финтата со носење табла јајца за подарок. Не е толку страшно.

Сѐ после тоа е за осудување. Целиот дискурс низ историјата е дека жените не се прашуваат за години, но никој не се сети дека мажот е едноставно мизерен после 30ка, не му се слави и поубаво му е да го остават на раат затоа што едноставно е уморен од животот. Нема жена што може да разбере дека поубаво му е осамен и мизерен.

Никако славење роденден во кафана или било каде со друштво. Никако оставање датум на раѓање на фејсбук за да ти честитаат. Исклучуваш нотификации на вибер дека one of your contacts has a birthday today. Нема што фиљан човек да се дрзне да ти пише порака за да собира поени кај тебе затоа што може да му треба услуга во иднина.

Тие што се сетиле нека ти честитаат, најчесто после 30 се тие што те родиле, брат/сестра, најдобри другари (не секогаш - најдобар другар ако не ти честита, не земај за зло зашто реално не е обврзан да ти честита ниту да ти памти роденден).

Ако си во тазе врска, тркни до ресторан или помини со некој бургер, можеш и од волт да нарачаш затоа што не стигнавте да зготвите ручек дента и еве со себапов да каснете нешто.

Ако си со фамилија, максимум што можеш да си дозволиш е жена ти да направи некоја торта или да купи мафин набрзина, да им каже на твоите деца колку добар татко си, да дувнеш свеќа и потоа да се повлечеш во себе. Ако имаш син - служи му за пример уште отсега, многу подоцна ќе сфати што всушност се случувало со тебе затоа што ќе го оди истиот пат. Сликите што ќе ги направиш со децата си ги чуваш за себе.

Ако недајбоже некој се осмели да те покани на журка по повод роденден, категорично одбиваш без да дадеш причина и го чкрташ со еден голем Х. Не ти требаат такви токсични луѓе околу тебе со main character syndrome.

Мажи секогаш треба да се потсетуваат, на својот роденден, дека се создадени да бидат осамени и дека животот натежнува многу повеќе откако ќе прекорачиш 30, па така нема никаква причина за искрена радост.

Што помалку луѓе ти честитаат роденден од година во година, толку погорделив и поуспешен човек стануваш.

Од сите овие 240 страни, најконтроверзното мислење е дека Рон вртел женски! Уште не ми се верува, а верувам и нему!

Harry the dog напиша:

Тоа е фер мислење, мада и кај нив е доста комплицирана ситуација и тешко е да се офарбаат сите со иста четка.

Најголем дел од грчите групи се лево ориентирани. На пример ПАОК, маат мал милион подгрупи, голем дел се лево (анти-фашисти), дел се аполитични, дел се десно (накај ултра-десно), и меѓу себе имаат понекогаш судири. Има и доста Македонци што навиваат за ПАОК и Арис, што живеат во Солун и околина. Слична комплицирана ситуација е и кај другите групи кај нив. АЕК, се генерално лево. Олимпијакос (Г7) се најголем дел аполитични, мал дел лево, и мал али влијателен дел ултра-десно (Златна Зора десно). До тој степ десно што кога член на Златна Зора убива грчки музичар пред десетина години (Павлос Фисас, анти-фа), Г7 е една од ретки групи во Грција што не поставува банер со "почивај во мир". Предходно ги спомна и Србија (Делије) - и кај нив е комплицирана ситуација. Дел од првата екипа (и основачи) им се мешани, иако како група се националисти, што е интересно.

Од аспект на држава-со-држава, имаме проблем со негирање идентитет со Грција и не е спорно. Шкаклива тема е до ден денес и кај нив и кај нас. Од друга страна, како држава имаат згрижено доста од децата од Кочани кога се случи пожарот, и едни со други системи сме си помагале во невољи во некои сегменти (пожари, мигрантски кризи, и тн.), и одмагале во други (интеграции во алијанси, образование на наши малцинства во Грција и тн), али тоа е веќе политика и нема везе со навивање.

Како и многу други работи во нашиот регион, релативно комплицирани и шарени односи се во прашање. И они се како нас и сите други народи на балканов "најстар народ на свет", пола младина им е иселена, тапкаат во место со години ради лоши политики (меѓу кои и таа кон малцинствата во Грција).

На страна политика, лесна им земја.

Кликни за повеќе...

Кога станува збор за идеологија на трибина мене ми се најзабегани дефинитивно цска софија , баш пред некое време ми излезе видео во некое клубче закачени на ѕид слики од Хитлер, тој педерот генералот шо му прат панихиди апла фашист, и цела та иконографија 1488 и такви глупости а до нив закачена црвената петокрака и ЦСКА .А ништо поарни не се ни србите, транспарент четници , преку него закачен чича дража и грбот на звезда.И ко ќе ми кажи некој од овие народи криза на идентитет сме имале ние

Dear K,

Совети за брза заработка:

Шпанската ЛаЛига решиле да плаќаат 50 евра на секој што ќе пријави нелегални канали со стримови од нивните натпревари.

Сега е време да влезете во Костич-мод, да креирате 500 канали и да активирате по 10 секое коло, притоа пријавуваќи се самите себеси. Чисти 500 евра неделно.

Некогаш добрите идеи ти светнуваат инстантно, додека седиш на веце шолја.

You are welcome