Кое е твоето контроверзно мислење? (Тема 23: @Lester Freamon - Да се откажеме од аплицирањето во ЕУ, да си останеме во НАТО...)

[Rollo Tomassi]

И ќе трубиш уште многу зашто едноставно не е изводливо. А јавниот превоз во последно време е жив ужас, не може да се потпреш на него, автобусиве кога сакаат идат, кога сакаат каснат, кога сакаат пропуштаат тура, а згора на тоа се и оретчени.

Јас се кладам дека се немате возено во ЈСП уште од свои рани 20ти, само коментирате.

 

[YoucancallmeV]

Јас се кладам дека се немате возено во ЈСП уште од свои рани 20ти, само коментирате.

Демек е добар или лош јавниот транспорт, не можам баш да сфатам, извини.

 

[Гостин]

Јас се кладам дека се немате возено во ЈСП уште од свои рани 20ти, само коментирате.

Како да се возам кога не идат? Мајка ми зашто не вози ја носиме секој втор ден до работа зашто автобусот касни или испушта тура. Јас се кладам вие што зборите сите да одиме со автобуси сте блиску до центар, па имате автобуси на претек. Лесно е ако си од Карпош да се движиш со бус. Оди да те видам некаде кај што има 1 линија и таа иде на саат и нешто.

 

[Rollo Tomassi]

Демек е добар или лош јавниот транспорт, не можам баш да сфатам, извини.

Колку и да е лош, во централно градско подрачје имаш милион автобуси што идат. Немој да ми кажеш дека не можеш да стигнеш од Карпош до рекорд да речеме брзо со автобус. Било кој автобус да е ќе ти дојде за 2мин максимум. Ама ние ќе запалиме кола и ќе платиме паркинг 5 пати повеќе него ли билетот за автобус.
Научени сме со коли и затоа и не се практикува и се наоѓаат изговори. И метро да ни донесат Македонче пак ќе иде со кола. Кој ќе иде сега до метро станица, па да почека 5мин па да се вози со некој што се под негово ниво.

 

[KaWa]

Треба да се воведат повеќе автобуски линии, и многу добра идеја според мене е да се воведат „експресни“ линии, нека бидат тоа мали автобуси или комбиња, кои што ќе имаат веќе постоечки рути, но ќе имаат 4-5 станици кај што ќе застануваат на главните/најпрометните станици. Пример ќе земам за 15-ка што беше пред 10-тина години како рута.

Сити Мол - Лептокарија - Симпо - Рекорд - Југодрво - Железничка - Бисер/Капитол - Ново Лисиче (последната станица). Би ги скратил и уште Симпо и Југодрво пример, за да се убрза протокот.

И наместо да се застанува на секоја станица, тие што одат на работа од Карпош во Центар, или од Аеродром во Карпош и обратно, да се убрза транспортот, и наместо да се клацкаат 40-50 минути во правец, тоа да биде максимум за 20-25 минути.

Така за повеќе линии може да се направи, а кој сака да си оди со стандардните, станица за станица, ќе му биде и на него растеретено и побрзо.

Во шпиц термините, кога луѓе одат најчесто на работа/училиште и се враќаат, да има зачестени автобуси. Да се зголеми цената на паркинг на сите прометни места, за да не може било кој да паркира кај ќе му текне. На тротоари и слично, да бидат казнувани и отстранети сите, без селективна правда.

 

[Rollo Tomassi]

Како да се возам кога не идат? Мајка ми зашто не вози ја носиме секој втор ден до работа зашто автобусот касни или испушта тура. Јас се кладам вие што зборите сите да одиме со автобуси сте блиску до центар, па имате автобуси на претек. Лесно е ако си од Карпош да се движиш со бус. Оди да те видам некаде кај што има 1 линија и таа иде на саат и нешто.

Било каде да си од Скопје до центар имаш линија барем една, во поголем број случаеви и повеќе линии ти поминуваат. Карпош, Тафталиџе, Аеродром, Кисела Вода, Автокоманда, Ѓорче, Маџари, сите овие имаат повеќе од 2 линии што идат накај центар. Максимум што ќе почекаш ти е 5-10мин.
Мајка ми 40год иде со автобус од Маџари до Рекорд , ене ја на 67год уште иде, дали еднаш месечно се случува да дојде покасно пола саат од вообичаено. И тоа најчесто заради гужва не зошто немало автобус.
Тие што работат во Центар, администрација најголем дел, е срамота да одат секој ден со кола. Кај тие да направиш промена, Скопје многу полесно ќе дише.

И знам дека нема поврзаност и слабо автобуси што одат надвор од центар. Ама јас во мојот пост напоменив Центар. Тие луѓе што работат на пример во Кисела Вода, се живеат во Ченто е сосема оправдано.

 

[Zlatikevichius]

Јас се кладам дека се немате возено во ЈСП уште од свои рани 20ти, само коментирате.

Јас се возам со ЈСП, скоро секојдневно. Во право е @Гостин . Пред само неколку дена, кога падна снегот, вработен кај една колешка и се јавува и и вика дека не може да дојде на работа зашто немало автобуси. Оваа се јавила директно во ЈСП, и кажале дека заради снегот не пуштале автобуси до тоа село од кај што е тој, сега не знам кај беше точно. И како да се возат луѓето со ЈСП?

Второ: ај со оваа Данела што беше хаос, беше - де приватните не возат, де другите немаат нафта, па пак приватните не возат... Ужас беше. 2024/25 зимата на тој студ и тој смог по 2 саати сум чекал автобус да дојде. Ќе дојде, преполн, или нема да застане, или ќе застане, нема да можам да се качам и пак чекај. Сега малку се подоправија со возниот ред, ама пак е лошо. А заврне дожд, тие приватните автоматски се исклучуваат од сообраќај. Не знам кој им е филмот, ама такво самоволие не сум видел. Пред две недели кога врнеше обилно, иста слика како зимата со Данела беше. Само на ЈСП автобус на еден саат, преполн, не можеш да влезеш, и бараш такси.

Не е дека не се возиме со јавен превоз и само коментираме, факт е дека е ужас јавниот превоз.

 

[PloTwist]

Мојата идеја, за наредниот круг, беше надградба на твојата. Сметам дека во секој автобус треба да има еден редар, облечен како батлер, залижана коса, оделце, и да има повеќе улоги. Прво нема да смее да пушта усмрдени патници. Ако труеш на цигари, мирисаш на пот, смрдиш на чопари или зрачиш на лук, нема да влезеш. Потоа ако фати некое копиле како го уништува автобусот, ги гори седиштата со запалка или шкрта, или пак ако некој пуши во автобус, да смее да го фрли од малото прозорче од вториот спрат. Ако автобусот нема втор спрат, да го фрли од кров (еднокатните автобуси ќе имаат и пожарникарска скала кај резервната опрема за оваа намена). Ако не го собира од малото прозорче, од кров! Ќе биде регулатор колку патници можат да се возат, колку торби да се внесат, кој платил карта, а кој не. Наместо контролорите цел ден да играат џамлии во канцеларија, ќе ги средиме и ќе ги направиме редари.

Се сложувам со Фичо со неговата идеја (за автомобилите, не за оние што просат, јас не би им дал ништо, ни социјално ако се работоспособни, работа има, не сакаат да работат, па затоа ќе работат Непалци), со добра организациска поставеност и со дополен број на автобуси и ревидирани автобуски линии, нема да има потреба од приватни возила. Има заобиколници, нека фаќаат приклучоци, онаму каде што можат.

Градот ни е презагушен, премногу автомобили, премногу загаденост, премногу гужба и премногу паркинг простор кој може и треба да се пренамени во поинакви услови. Сепак, дел од идеите се на раб на утопистички, но заслужуваат сериозно проследување. Помалку сообраќај, значи побрз и поекспедитивен транспорт, побрзо стигнување од точка А до точка Б. Градот не е проектиран да биде дом за 600.000 граѓани, а оваа бројка се зголемува. Се градат нови и нови згради, иако преку 100.000 станови се празни односно не се користат! За некого се план Б, за некого се инвестиција, за некого се за поколение... Небитно, треба сериозна опсервација каде оди градот и до која мера може и треба да се шири.

Во оваа состојба во која ни се наоѓа јавниот превоз, крпеници, недостаток на возачи и возила, недостаток на делови, огромни долгови, секогаш најавени нови автобуси и никако да пристигнат, па некои еко-варијации кои парцијално треба да го амортизираат аерозагадувањето...оваа идеја е далеку од реалност. Но ако постои алтернатива која ќе доаѓа точно според возниот ред, без да има гужби и турканици, како што е во Германија, верувам дека многумина би ги оставиле своите автомобили дома. Културата не се менува преку ноќ, ама културата е и релултат на надворешните услови кои го диктираат ова темпо на живот.

И да, лично сметам дека малолетниците нема потреба да се наоѓаат зад волан, ниту да полагаат за возачка. Полнолетството треба да е предуслов за оваа привилегија. Исто така лицата над одредена возраст (тука ќе мора да се сложам со Кремче), да немаат право да ја обноват својата возачка дозвола. Опаѓаат и рефлексите и концентрацијата, па и видот е значително ослабнат, ова се суштествените услови за слобосноста за управување со моторно возило. Возат килаво, ко жени, нервираат народ, ко жени. Потврдата издадена од овластено меицинско лице, не секогаш, те прави погоден за волан.

Така, бел бумбар за идејата на Фичо за автобусите, (а црн за семафорџиите).

 

[wot]

Точаците се за деца, тротинетите за педерчиња, автобусите за пензионери.

Еден вистински маж ќе помине цел саат екстра на семафори за вечерта силен да напише во виртуелен драга кајганка дневник колку многу го испровоцирал сообраќајниот метеж. Малееее кајгана, кур да пушат неписмениве говеда во улиците!!! Прв пат ли гледаат дожд?!?!!!

 

[Del Boy]

Забрана за коли оти 35 години неспособни не водат а немат познавања од основни ствари, камоли сообраќајна инфраструктура.

 

[Византиецот]

Еден вистински маж ќе помине цел саат екстра на семафори за вечерта силен да напише во виртуелен драга кајганка дневник колку многу го испровоцирал сообраќајниот метеж. Малееее кајгана, кур да пушат неписмениве говеда во улиците!!! Прв пат ли гледаат дожд?!?!!!

Доста соја момци предлог, би се сложил и њот и Византиски со фашистот

 

[Rollo Tomassi]

Јас се возам со ЈСП, скоро секојдневно. Во право е @Гостин . Пред само неколку дена, кога падна снегот, вработен кај една колешка и се јавува и и вика дека не може да дојде на работа зашто немало автобуси. Оваа се јавила директно во ЈСП, и кажале дека заради снегот не пуштале автобуси до тоа село од кај што е тој, сега не знам кај беше точно. И како да се возат луѓето со ЈСП?

Второ: ај со оваа Данела што беше хаос, беше - де приватните не возат, де другите немаат нафта, па пак приватните не возат... Ужас беше. 2024/25 зимата на тој студ и тој смог по 2 саати сум чекал автобус да дојде. Ќе дојде, преполн, или нема да застане, или ќе застане, нема да можам да се качам и пак чекај. Сега малку се подоправија со возниот ред, ама пак е лошо. А заврне дожд, тие приватните автоматски се исклучуваат од сообраќај. Не знам кој им е филмот, ама такво самоволие не сум видел. Пред две недели кога врнеше обилно, иста слика како зимата со Данела беше. Само на ЈСП автобус на еден саат, преполн, не можеш да влезеш, и бараш такси.

Не е дека не се возиме со јавен превоз и само коментираме, факт е дека е ужас јавниот превоз.

Значи правиме муабет за градски населби, а не село. Правиме муабет за некој што иде од Аеродром до центар со кола или Карпош до Центар.
Колку сака нека е лош ЈСП, треба да не постои за да ти не стигнеш од овие населби до Центар. 5мин пред Бисер да седиш ќе ти дојде 5ка, 15ка, 23ка, 3ка и ќе отидеш до некое министерство што се наоѓа во Центар.
Ама не им се чека ич, и не им се иде ни малце пешки. Сакаат со колата од пред зграда да може да влезат директно таму кај што тргнале.

 

[Zlatikevichius]

Значи правиме муабет за градски населби, а не село. Правиме муабет за некој што иде од Аеродром до центар со кола или Карпош до Центар.
Колку сака нека е лош ЈСП, треба да не постои за да ти не стигнеш од овие населби до Центар. 5мин пред Бисер да седиш ќе ти дојде 5ка, 15ка, 23ка, 3ка и ќе отидеш до некое министерство што се наоѓа во Центар.
Ама не им се чека ич, и не им се иде ни малце пешки. Сакаат со колата од пред зграда да може да влезат директно таму кај што тргнале.

Карпош ко што знам јас не е село. Јас правам муабет за автобуската пред Сити Мол.

 

[FORZA ACM]

Еден вистински маж ќе помине цел саат екстра на семафори за вечерта силен да напише во виртуелен драга кајганка дневник колку многу го испровоцирал сообраќајниот метеж. Малееее кајгана, кур да пушат неписмениве говеда во улиците!!! Прв пат ли гледаат дожд?!?!!!

Не знам по колку си врвите вие на семафор, мене поќе од пола минута не ме фаќа па нема зошто да ме провоцира метежот.

 

[Емкаа]

Јас се возам со ЈСП, скоро секојдневно. Во право е @Гостин . Пред само неколку дена, кога падна снегот, вработен кај една колешка и се јавува и и вика дека не може да дојде на работа зашто немало автобуси. Оваа се јавила директно во ЈСП, и кажале дека заради снегот не пуштале автобуси до тоа село од кај што е тој, сега не знам кај беше точно. И како да се возат луѓето со ЈСП?

Второ: ај со оваа Данела што беше хаос, беше - де приватните не возат, де другите немаат нафта, па пак приватните не возат... Ужас беше. 2024/25 зимата на тој студ и тој смог по 2 саати сум чекал автобус да дојде. Ќе дојде, преполн, или нема да застане, или ќе застане, нема да можам да се качам и пак чекај. Сега малку се подоправија со возниот ред, ама пак е лошо. А заврне дожд, тие приватните автоматски се исклучуваат од сообраќај. Не знам кој им е филмот, ама такво самоволие не сум видел. Пред две недели кога врнеше обилно, иста слика како зимата со Данела беше. Само на ЈСП автобус на еден саат, преполн, не можеш да влезеш, и бараш такси.

Не е дека не се возиме со јавен превоз и само коментираме, факт е дека е ужас јавниот превоз.

Пред две недели во Стокхолм заврна снег и скоро пола од јавниот транспорт имаше проблеми. Автобуси, воз, метро, трамвај.
И тоа е очекувано, крај краева Скопје врне снег 2 пати годишно, да било само таа инстанца некако и ќе ја заборавиш.
Ама тука пример, ако превозникот те закасни на одредена дестинација, плаќа пенали или покрива такси трошоци/бензин. Мислам дека 30-40 мин каснење те квалификуваат за компензација. Секако мора да имаш купен билет како доказ. Ова мислам дека е ефикасен начин да се натера претпријатието да превземе одговорност спрема патниците и да започне да работи рентабилно.

Иначе на темава, сум против. Мора да има пристап за автомобили, но со функционален градски превоз нивниот број би се намалил значително. Мора да се воведе функционален јавен превоз, со почести, навремени автобуски линии. Да се активира пругата за патување од еден до друг крај на градот, или да се прошири до Тетово/Гостивар/Велес/Штип, со брзи возови. Да се користи обиколницата или да се изгради уште еден брз автопат кој ефикасно и брзо би ги поврзувал деловите од градот. Не може Партизанска да биде тесно грло, кај и да одиш мора да поминеш таму.
И кога се ова ќе се направи, би вовела такса за влегување во центарот на градот со автомобил.