Благодарам Сабер.
Целосна забрана за управување автомобили во главниот град, на кое ќе му претходи воведување функционален јавен транспорт, со многу почести линии кои поврзуваат многу повеќе точки во градот, зголемување плата на возачите, воведување нов современ транспорт.
Зошто? Па бидејќи сме говеда ете зошто. Џабе се радуваат некои дека со Сејф Сити ќе се реши проблемот. Нашиот менталитет е да бараме само дупки во системот, начин да го злоупотребиме. Веднаш ги научија каде има камери и сега пред камерите само ќе се успори, а на споредни улици и на места на булевари каде што нема камери пак се шиба. Едноставно не може “благи“ мерки за нас, за нас мора најригорозното. И втора причина е дека автомобилот се злоупотребува, а и истиот физички не парализира, не прави мекуши.
- Ми се смачи да гледам како нема каде мајки со колички да поминат бидејќи двата тротоари се узурпирани со возила.
- Ми се смачи да гледам како дибекот што оди во БКВ мора да ја паркира колата до вратата и оди преку тревата во паркингот на Веро во кој што е спуштена рампата (не сака да плати), и тоа тревата сега е цела со кал и дупки оштетена.
- Ми се смачи да гледам како реферати се пишуваат статуси за гужвата, а автомобилот го користат луѓе што се на 2-3км од работа. Како 2 часа се враќале од работа, извини ама за 2 часа ќе беше дома, ќе јадеше и ќе дремнеше.
- И навистина, навистина ми се смачи да гледам како палиме свеќи по плочници, организираме протести, бидејќи некој решил да дивее по градот и да убива луѓе. И стварно ми е гајле што затворската казна се зголемила, што Сејф Сити сега ќе стигале автоматкси казни, што ќе одзимале возило, се ова ќе помине, детето прегазено од гроб нема никој да го врати. Налет нека одат и коли и курчење и луксуз и се, ако треба сите да се откажеме од се, само да нема жртви со 2 раце потпишувам.
Како ова ќе биде спроведено? Сите стари лица кои ќе имаат ограничена мобилност ќе имаат бонови за возење со такси кои може да ги користат за докторски прегледи, лекарства и се што им е потребно. Полицијата, брзата помош и пожарната секако си остануваат во функција. Останатите добиваат субвенции за користење на електричен тротинет или велосипед за да одат до работа, други обврски, ако не сакаат да го користат јавниот превоз. Јавниот превоз би бил постојан, на секоја минутка, најпрво би почнал преку зголемен број на автобуси и воз, а потоа и преку трамвај, метро. Мора прво да се расчисти градот од сообраќај, пред да има капитални инвестиции (сега ако копаш метро, пиши пропало). И секако возач на автобус ќе биде работа од соништата тука, плата надпросечна, ако мисли некој дека не е стресно се лаже. Имаме многу квалитетни возачи кои отидоа секаде да возат, бидејќи се изложени на мизерни услови тука, а и голема стапка на невработеност, се тоа задржи тука. А и многу луѓе би имале желба да се возачи со ваков растеретен сообраќај и во општество без приватни автомобили.
Ова е само за Скопје, постепено би било спроведено за секој град (за сите други градови е ултра полесно). Колите би останале за патувања надвор од државата. А да секако многу ми е гајле за тоа што ако нема коли ќе нема како да се оди по невеста, да се веат знамиња со пола газ надвор на прозор и да се пука од пиштол возејќи, мораме менталитетот да го смениме или ќе се собираме само на нов протест за прегазено дете, ќе пишуваме статуси на Фб и ќе си ставаме тажни реакции, дур дојде вечерта и не отидеме да се испијанчиме на некоја журка.
