Пресов што се одржа, подобро и да не се одржеше, оти очигледно немаат доволно информации во самата истрага, а излегуваат да држат прес и да одговораат на новинарски прашања(кои беа прилично глупи, ама очекувано од нашите новинари).
Многу од одговорите што ги даваа беа нејасни и нецелосни, најмногу поради тоа што делува како да немаат доволно докази, односно конкретни докази иако имаат притворени осомничени лица.
Изминативе денови изјавија дека направиле повеќе разговори, претреси и добавување на информации и докази, но на пресов што го одржаа некако не делуваше така бидејќи се уште не го знаат мотивот зошто нажалост се убиени и киднапирани дедото од Велес и Вања, освен тоа што го имаат класифицирано како користољубие за кое што не дадоа конкретен одговор дека стварно е тоа.
Друга работа, особено со киднапирањето на Вања, не ми е јасно како во влез ја киднапирале Вања без да се вознемири зградата каде што е киднапирана, бидејќи како што кажаа, била врзана, ставена во вреќа за спиење и потоа ставена во гепекот на ситроенот.
Таква работа да направиш сигурно не е малку работа, бидејќи девојчето е 175цм, и се тоа во влез да го правиш без притоа никој, апсолутно никој да не излезе во тој интервал кога се одлучиле да ја киднапираат и без да испушти глас...
Линк: Спасовски: Девојчето со врзани раце и нозе е ставено во вреќа за спиење и убиено
Потоа го имаме делот и со возилото на дедото за кое што немале трага тие денови, или како што кажаа не ни знаеле дека имале возило кое било во сопственост на дедото за кое било некако извозено до Скопје и потоа преминато на еден тон камери низ центарот само за да ја киднапираат Вања и да прават изнуда.
Следува другото што го кажаа, а нема смисла, или не се изразија како што треба, а тоа е дека го направиле во страв и дека потоа ќе барале изнуда, едноставно како ќе го правиш тоа кога сите ќе бидат свртени кон извршеното убиство?
Не знаат дали и таткото е инволвиран или не, бидејќи од една страна наводно комуницирал им давал податоци, а од друга страна не знаат дали е така...
Во превод, детективите изминативе саати од кога ги приведоа, а и во претходните разговори што ги имале со потенцијалните осомничени испаѓа дека не си ја завршиле работата за да дознаат кој бил мотивот за ова да го направат и да убијат две личности на свиреп начин.