Една од најголемите форумски легенди, во овој момент на пат кон Македонија, минува низ премрежје кое ја се надевам дека глатко ќе го преживее, ама во исто време осеќам и потреба оваа легенда достоинствено да се испочитува на форумов.
Stef Angel, Stef Shef, Stef Bachatero, а од неодамна Crypto Stef денес даде изјава за бугарски медиум околу состојбата во Украина:
Стеф во видеото дава хирушки прецизна естимација за ситуацијата во Украина. На бугарски јазик. Нешто што, нас, староседелците на форумов, не не зачудува, затоа што Стеф не е само полиглот со двојно државјанство, туку е многу нешта.
Првично зачленет како Stef Angel во неговите доцни тинејџерски години, Стеф на форумов стана познат по неговата поезија. Во таа рана фаза, на темата „Ваша поезија“, има напишано еден добар том љубовни песни, неретко по цели страни исполнети само со негови дела. Еве неколку извадоци од само една страна во темата:
Да не спамирам, ако сте заинтересирани (а треба да сте, ќе научите многу) повелете на темата и прочитајте. За жал, Стеф пребрзо го живее животот за да се навраќа и да ја издаде оваа поезија, па да ужива и пошироката јавност.
Имаше, како што има секаде каде творат големи луѓе, и detractors, малцинство малициозни кои го напаѓаа неговото творештво...
Но додека тие се давеа во завист и омраза, Стеф еволуираше. Не само во неговиот content, туку и во презентацијата. По неколку пилот проби кои денес ги нема нигде на интернет, а во кои Стеф неговата поезија ја пренесе на аудио-визуелниот медиум, на Јутјуб, Стеф стана истовремено селф-хелп гуру и стенд-ап (или сит-даун) комичар и извади неколку разорувачки во критиката, но комични во презентацијата, видеа.
Овој нов начин на презентација се покажа како доста успешен, па Стеф наиде и на мејнстрим популарност, кога дел од неговите видеа беа забележани и од најчитаниот онлајн македонски медиум, Офнет:
Стеф, за разлика од многу други, не дозволи популарноста да го стагнира неговиот напредок и да влезе во магичен круг каде ќе се копира себеси за да се одржи во очите на јавноста. Наместо да ја продолжи стенд ап кариерата, реши да спасува животи. Се појавија видеа од корпулентен, високопротеински Стеф, во кои тој, преку личен пример, дава се од себе да ја внесе апатичната и флегматична машка популација во алфа зоната, kicking and screaming.
Како и во секој друг потфат, Стеф ништо не остава недоработено. Направи сајт кој сега, за жал, веќе го нема (
https://motivirajse.wordpress.com/2012/10/13/вежбајте-p-h-a-t-за-да-го-стопите-салото/) и беше на добар пат да отвори студио во кое ќе штанца вистински мажи.
Ако сакате подетално да се запознаете со овој сегмент од кариерата на Стеф, има една тема, сега веќе заклучена, во која можеби се кријат некои од видеата што сум ги испуштил. Само, ве молам, игнорирајте го хејтот кој го има во изобилие. Знаете како е тоа „зад добриот коњ“ или како и да беше. Може има хејт и од мене на некои страни, кога ме изулавела љубомората.
Не можам да го сублимирам Стеф. Еве, пробав. Стеф е премногу нешта. Поет, танчер(знае румба, самба, ча-ча-ча...), психолог, психијатар, бодибилдер, полиглот, граѓанин на светот, комичар....астролог...
А денес, и крипто-експерт. Crypto Stef.
На неговиот канал ќе најдете многу совети за тоа како да се снајдете на крипто берзата, кога да купувате, а кога да продавате. Ја не се разбирам, така шо и не знам кое видео да го споделам како најдобар приказ, ама верувам дека Стеф има помогнато, како неброени пати досега, на многу луѓе, овојпат да го наполнат нивниот виртуелен паричник.
Ние, неговите фанови, некои од почеток, како
@Тапетарот Петар , a други, како мене, малку подоцна, искрено сме со мислите и молитвите кај Стеф и се надеваме дека безбедно ќе стигне до Скопје. Или Софија. Сеедно.
некое детенце однесе и на натпревар за бодибилдинг, се надевам само дека не му даде стероиди.
