Мене ептен ми е конфузна ситуацијата моментално.
Од една страна ич не ми се свиѓа тоа најсилните клубови уште повеќе да се полнат со пари и да играат во лига во која немаат ризик од испаѓање, да се зголеми уште повеќе разликата помеѓу нив и останатите клубови и некој послаб клуб да нема шанси да го достигне нивното ниво. Сите се заебаваат со начинот на кој Челзи, ПСЖ, Сити станаа компетитивни, ама со ова дури и тој пат се блокира. За да влезе некој и да направи послаб клуб компетитивен ќе мора да инвестира многу повеќе од тоа што ќе можат да го инвестираат основачиве на СЛ, со цел после некое време да се избори за учество во нивната лига, а не гледам како некој до толку би се нафатил да инвестира. Ако добро го сфатив Перез, спасот на помалите клубови го гледа во тоа што јакиве ќе можат повеќе пари да им плаќаат за најдобрите играчи. Ок, ама што после со тие пари. И да ги инвестираат на ептен добри таленти кои ќе се докажат, пак во првата прилика ќе им ја земат. Уствари на некој начин клубовите на ниво под овие од СЛ ќе мора да станат како Дортмунд. Клуб чија цел ќе биде само да собира таленти, да ги развива и да ги продава на основачите на СЛ, без никаква амбиција за градење компетитивен тим кој ќе остане подолго време заедно и ќе може да освојува трофеи.
Е од другата страна е УЕФА, па и ФИФА. Редно време беше некој да се побуни против нивниот монопол и да бара промени. Ако некој мисли дека нив им се важни навивачите, дека им се важни слабите тимови и дека не прават се за пари (кои ги лапаат баш поради овие јаки клубови), ептен се лаже. И они не гледаат за општото добро на фудбалот, туку само како да ги наполнат своите џебови. Друго, разгледајте го баш новиот формат за ЛШ кој го изгласаа вчера. Мене не ми звучи нешто баш поразлично од СЛ. Големи групи кои ќе се играат во лигашки формат, загарантирани места за елитни клубови, и така натаму. Ама така они ќе го собираат најголемиот дел од парите, наместо клубовите кои ќе им го носат.
Затоа гневот на навивачите не смее да биде насочен само кон СЛ, а да се поддржува УЕФА, туку треба да се протестира против двете организации. Дали тоа ќе смени нешто? Искрено, не верувам. Еве и да има огромен бунт од навивачи и некако да успеат да ги убедат клубовиве да се повлечат од СЛ идејата. Ако тоа значи само враќање под крило на УЕФА под нивни правила, пак сме се заебале.
Фудбалот веќе е ептен отиден во бизнис правец и нема шанси тоа да се смени. Единствено решение на сето ова е ако седнат заедно и најдат нешто што ќе им одговара на сите. Пак нема да биде идеално, ама ваљда ќе биде на некоја средина, прифатливо. СЛ и во првичната објава, а и Перез во интервјуто нагласија јасно дека они сакаат сега да седнат со УЕФА и да преговараат за како точно ќе се реализира се. За да ги прилагоди УЕФА и своите натпреварувања, па во 5те слободни позиции секоја сезона да влагаат најдобрите тимови од УЕФА натпреварувањата. Тоа им е идејата колку што разбрав.
Што ќе испадне од сето ова, не знам. Веќе сите се длабоко навлезени и тешко дека ќе има мирен излез и добра соработка. Промени треба и ќе има во секој случај.
