Се повеќе и повеќе информации излагаат за продажба на удел во Интер. Упорно се споменуваат BC Partners инвестициска компанија од УК, како заинтересирани за купување на малцински или мнозински пакет на акции. Не ми е јасно зошто Сунинг сега би продавал мнозински удел во Интер, кога приходите на Интер се во слободен пад, а во трка се да освојат титула после долг период, што значи вредноста на тимот би можела да порасне ако почекаат ситуацијата со пандемијата да стивне. Ама, никој не знае каква е моменталната финансиска позиција на Сунинг. Се збори и дека е можно, по игра на случајности, Интер да премине во сопственост на Алибаба, ама не знам тоа колку е веројатно.
Информацииве, нормално, ги пласира најмногу Cds, тој abomination од весник, каде фудбалски новинари се паралелено и економски аналитичари, па даваат прогнози за економски индикатори во Кина, трансакции помеѓу големи компании во Кина и каква е судбината на Џек Ма.
Ќе видиме што ќе испадне, меѓутоа ако Интер добие нов сопственик, тоа ќе биде 4та промена на сопственост во 10 години, што воопшто не е добро за клубот. Секаква стабилност оди низ прозор и клубот може лесно да се врати пак во бантер ерата. Тоа би можело да значи дека, на крај на сезона, пак ќе има промени во менаџмент, тренер, играчи, односно турбуленции. Ако, искочи вистина дека клубот се продава зимава, не знам колку ќе биде можно клубов да освои Скудето и да имаат стабилна сезона, со оглед на несигурноста која би настанала во цел клуб.
Да се случи тоа, а не се чека летото за такви промени, би било штета, зошто сезонава им е кец на десет за да одат еден чекор погоре.
