Тоа што пробувам да го кажам е дека, играчите, ростерот на тимот не е за ранг на екипа како Интер. Барем историскиот ранг на Интер, не моменталниот. Тоа прави разлика помеѓу борба за титула и 6 или 7 место на крај, не квалитетот на тренерот. Тренерот може да те кошта титула кога конкурираш за врвот, или пролаз во елиминациски натпревари. Не може само тренерот да биде разлика помеѓу 2 и 7 место, ни може само тренерот да биде разлика помеѓу плус/минус 25 бода во една сезона. Особено што, Интер имаше revolving door политика во однос на тренерите, последните 7 сезони. Спалети е првиот тренер по Мурињо што останал 2 сезони, како тренер. Ако елиминираш можни причини за проблемот, подобро од 11 тренери за 8 сезони не ни можеш да побараш. За тие години, најдобар пласман на Интер беше 4то место со Манчини.
Плус, можеби Интер немаше тренери од самиот крем на фудбалот, меѓутоа и не беа сите аналфабети станати од столица додека играат фудбал менаџер. Еве Гасперини очигледно игра Барселона фудбал. Мацари завршуваше втор со Наполи пред да дојде во Интер, плус сега има сосема солидна сезона со Торино. Пиоли имаше добри сезони со Лацио и сега не е воопшто лош со Фиорентина. Дури и Манчини, колку и да не го почитувам, има титули со Интер и со Сити во домашни првенства. Спалети пред да дојде во Интер, имаше рекордна сезона со Рома, каде освои 86 бода. Сите овие, комплетно заборавија како да си ја вршат професијата во моментот кога стапнаа во соблекувалната на Интер? Или решија да си ја саботираат кариерата или скриените потенцијали на играчите на Интер?
Во 2012 Јувентус освои лига со 84 бода. Тоа се четри победи плус од бодовите кои лани Интер ги освои. За споредба лани Наполи заврши со 91 бод, а пак беше на второ место. Огромен успех, меѓутоа и добри околности. Милан беше тргнат во фаза на реконструкција и подготовка за продажба, Интер беше во фаза на продажба, а останати конкуренти скоро и да немаше. Со ова не сакам да го намалам успехот на тимот, туку да кажам дека Конте го извади максимумот од тој тим, а тој максимум не беше голем. Со тие бодови сега би биле едвај трети, без разлика што Конте би направил. И со овој тим на Интер Конте би бил трети, па ако сака и на глава нека застане. Затоа што тоа е максимумот на овој моментален тим.
А тој стар Пирло и недокажан Видал е подобра средина за две класи од се што средината на Интер понудила во последните 6-7 години, од периодот кога играа Камбијасо, Мота и Снајдер.
Не викам дека Конте не е добар тренер, еден од најдобрите светски тренери е. Подобар од Спалети, тука и двајцата ќе се согласиме. Викам дека не е магионичар и дека најголем дел од играчите ќе изгледаат исто и под него. Некои би играле подобро од сега, други би играле полошо од сега, генерално квалитетот на тимот би бил ист. Единствена разлика би биле плус неколку бодови од сега, кои на свои вештини би ги извлекол од тимот. Ама тие плус бодови, не би биле доволно за да се конкурира на Јувентус, или да се мрдне од 3то место.
Исто како што тој тим на Јувентус под Конте не беше доволно добар да направи нешто во ЛШ, ни Италија беше доволно добра да игра за титула на Европско, што, оправдано, никој не му го зема за зло во кариерата на Конте.
Јас и претходно имам спомнато, би сакал да имаше некоја можност да го видам Конте или друг наместо Спалети, со овој тим, во оваа сезона, само за да добиеме конечен одговор на ова прашање и да завршиме со кооперациски “абе не знае овој да ги игра“ муабети. Или, да го потврдиме дека стварно не знае да ги игра.
Јас мислам дека и Конте, к*р ќе скршеше со овој тим. Гаљардини ќе си беше пак Гаљардини, Весино ќе беше Весино, а ние ќе баравме отказ и за него.
