Ракометната репрезентација на Македонија (мажи)

Член од
4 март 2017
Мислења
2.033
Поени од реакции
5.477
Фарски Острови - Македонија (29-30)

Кизиќ (9 одбрани, 2 седмерци), Серафимов 9, Костески 6, Кондев 5, Џигероски 5, Симонски 3, Каковски 1, Карапалевски 1

По сите основи лош меч, особено второ полувреме. Тепавме благодарение на Кизиќ кој одбрани пенал осум секунди пред крај на мечот по кој Брестовац побара тајмаут, па со два бекови и два пикери успеавме да ја навлечеме одбраната нивна на лева страна при што се отвори простор голем за Костески, кој успеа да поентира во последна секунда и да дојдеме до победа.

Огромни црни дупки во текот на целиот меч, некаде на крајот на прво имавме четири гола водство и за неполни две минути си примивме четири гола, поштено! Премногу млако во одбрана одигравме, левиот бек и десното крило ни дадоа заедно околу 20 голови, како на тренинг да се. Среќа Кизиќ бранеше добро денеска па не ни се случи поголема катастрофа. Оваа репрезентација има проблем што нема деснак бек шутер според мене. Во ситуации кога одбраната на противникот е подвижна и дуел играта или играта 2 на 2 не ни функционираат, се останува на Серафимов да се дигне на шут и да проба да шутне преку блок и да поентира. Не знам зошто толку се плаши Брестовац да го форсира Ѓоргиев во такви ситуации, има и шут и висина детето иако рака на срце техниката не му е јака страна.

Не знам што да очекувам за утрешниот меч против Швајцарија. Ми се чини дека се најсилна репрезентација во групата, па после еден ваков истоштувачки меч ќе видиме колку сме спремни да одговориме на предизвикот.

Костески ли е, Чупиќ ли е :P
 
Последно уредено:
Член од
4 март 2017
Мислења
2.033
Поени од реакции
5.477
Македонија - Швајцарија (32 - 31)

Кизиќ (12 одбрани), Серафимов 10, Симоноски 5, Каковски 5, Ѓоргиев 4, Костески 3, Џигероски 3, Кондев 2

Очекував ваков падни-стани меч после оној вчера со Фарски Острови. Водевме од почеток до средина на второ полувреме, па почнавме многу да грешиме па дури во еден момент Швајцарија дојде во водство. Но што е тука е, за очекување е овие играчи да имаат дупки, да паѓаат, да грешат со оглед на нивната возраст, но ако нешто навистина треба да се испочитува е што во ниту еден момент на овие четири мечеви до сега не се откажаа. Дури и кога противниците водат уште од старт или па уште пострашно - ни прават пресврт не паѓаат психички туку се борат до крај, што за мене е повеќе од одлично! Ден пауза, па Естонија.
:oeoeoe:
 
Последно уредено:
Член од
5 април 2013
Мислења
3.311
Поени од реакции
6.533
Засега солидно им оди на кадетите. Навистина интересна екипа која покажува карактер и самодоверба, победува и кога не им оди на начини на кои не сме навикнале од наши екипи. Единствено ме загрижува до кога ќе вадат вакви тесни победи - среќата евентуално ќе им го сврти грбот.

За играчите, Костески засега одличен се развива веќе во убиствено крило иако е многу млад. Серафимов топло ладно но генерално добро се носи со улогата на лидер. Кизиќ почна слабо но се подобрува од натпревар во натпревар. Симоноски солиден во двата правци, доста пргав, борбен и подвижен пикер. Џигероски многу неконвенционален интелигентен, стварно чуден стил на играч, баш ме интересира како ќе се развива. Од останатите Ѓоргиев и Каковски си имаат своја улога и важни моменти иако лев бек ни е генерално слаба позиција. На лево крило сме катастрофа тука многу фали Гајиќ - по малку и чудно левата страна која е најлесна за пополнување во ракомет нас ни е убедливо најслаба. Василевски имаше свои моменти на голот. Не ми е најјасно зошто толку малку игра Митиќ, но факт е дека Симоноски сосема коректно си ја врши задачата засега. Карапалески слабо засега, влезовите му се главно безопасни.

Факт е дека делумно и заради повреди помала ротација има овој состав во однос на јуниорскиот и ќе видиме дали со 10 играчи ќе може да се издржи турнирот до крај.

Следи Естонија, меч на кој треба да се уигруваат сите. Јас би ги пуштил оние 5-6 играчи кои малку играа да играат барем 20тина минути.

Потоа доаѓа вистинскиот тест. Белорусија, Италија од Б групата заедно со Македонија, Швајцарија и Луксембург од А се најјаките екипи на шампионатот и тие ќе разигруваат во полуфиналето (освен Луксембург кој иако имаше можеби најдобар тим, доста неискусно ги изгуби клучните натпревари). Белорусија и Италија се сериозни екипи и ќе ни требаат изданија најмалку како против Луксембург ако сакаме титула.
 
Член од
4 март 2017
Мислења
2.033
Поени од реакции
5.477
На лево крило сме катастрофа тука многу фали Гајиќ - по малку и чудно левата страна која е најлесна за пополнување во ракомет нас ни е убедливо најслаба.
Која е всушност причината што фали Гајиќ? Мене Кондев ми се допаѓа како играч, али пак затоа Божиновски воопшто не ме импресионира.[DOUBLEPOST=1534414932][/DOUBLEPOST]Македонија - Естонија (26 - 22)

Василевски (11 одбрани, 3 седмерци и 1 гол), Симоноски 7, Џигерсоки 4, Костески 4, Ќосевски 2, Ѓоргиев 2, Серафимов 1, Каковски 1, Тодевски 1, Божиновски 1, Витанов 1, Митиќ 1
 
Последно уредено:
Член од
5 април 2013
Мислења
3.311
Поени од реакции
6.533
Која е всушност причината што фали Гајиќ? Мене Кондев ми се допаѓа како играч, али пак затоа Божиновски воопшто не ме импресионира.[DOUBLEPOST=1534414932][/DOUBLEPOST]Македонија - Естонија (26 - 22)

Василевски (11 одбрани, 3 седмерци и 1 гол), Симоноски 7, Џигерсоки 4, Костески 4, Ќосевски 2, Ѓоргиев 2, Серафимов 1, Каковски 1, Тодевски 1, Божиновски 1, Витанов 1, Митиќ 1
Гајиќ го оперираше коленото колку што прочитав. Тој и Мелоски - исто повреда на колено, фалат од очекуваниот состав.

За Кондев, дефанзивно имаше моменти ама во напад е слаба карика - барем засега.
 

dragonsky

Hate leads to suffering
Член од
25 декември 2010
Мислења
42.811
Поени од реакции
83.989
Утре во 1/2 финалето играме против Белорусија. Во 17:45 ќе се игра мечот, подоцна од вообичаениве мечеви.

Во групната фаза Белорусија имаше 2 порази ( и тоа богами не беа ептен тесни) против Италија и против домаќинот Грузија.
 

dragonsky

Hate leads to suffering
Член од
25 декември 2010
Мислења
42.811
Поени од реакции
83.989
Толку од првенствово :(

Цело првенство добро се држат...и на крај лагано изгубија од Белорусија.

То е.

30-32 победа за Белорусија, очајно прво полувреме и до крај цело време се бркаше резултат...
 
Член од
4 март 2017
Мислења
2.033
Поени од реакции
5.477
Македонија - Белорусија (30 - 32)

Кизиќ (10 одбрани), Серафимов 15, Симоноски 4, Ѓорѓиев 3, Костески 3, Џигероски 2, Митиќ 2, Карапалевски 1

Нека ги тестираат Белорусиве цел тим за допинг после мечов, машини! :D
Шала на страна, заслужена победа на Белорусија, не ги имав гледано до сега но ако играат вака и на финалето ќе го освојат турниров. Имавме неколку шанси да фатиме резултатски приклучок, особено блиску бевме во последните три минути, но не бевме доволно концентрирани во тие моменти. Серафимов од петни жили се трудеше да го износи на грб тимот, но не беше доволно. Реално, ротацијата е она што е главниот проблем на оваа генерација, немаме доволно долга клупа. Истата постава игра мање-више цело првенство. Здравје.
 
Член од
4 март 2017
Мислења
2.033
Поени од реакции
5.477
Пораз и од Швајцарија за крај, завршивме како 4-ти. Според некои можеби не, меѓутоа според мене исходот е мошне реален. Најголемата слабост ни беше ограничениот ростер, одигравме 7 мечеви во период од 9 денови, а располагавме со мал број на играчи. Односно, квалитетот на играчите кои требаше да претставуваат замена за првотимците се мошне слаби. Со исклучок (можеби?) на пикерската позиција, каде што Митиќ во тие моменти кога влегуваше солидно си ја вршеше работата како замена за Симоноски (барем во офанзивниот дел), сите други позиции ни беа лошо покриено. Тука особено мислам на позициите лев бек и лево крило.

Мартин Серафимов - Често зборуван на форумов, апсолутен лидер на оваа генерација. Бројките му се навистина импресивни, има постигнато 54 голови на 7 мечеви, односно има просек од 7.7 голови по меч. Особено импресионираше на мечот со Белорусија каде постигна 15 голови, кои не крајот не беа доволни да се победи. За жал, статиските на сајтот на натпреварувањево се навистина оскудни (читај не постојат), па така освен бројот на голови нема каде да се најде останатиот дел од статистиката за да се изгради комплетна слика за играчите. Како и да е, навистина отскокнува од останатите, се тргнува и завршува со него, изведува пенали, шутира од дистанца, асистира, Кирил Лазаров на оваа генерација. Рано е да се каже како ќе се одвива неговиот развој во иднина, млад е, но ако нешто е сигурно тоа е дека има голем потенцијал. Се надевам дека ќе порасне уште некој сантим, ќе качи некое кило и дополнително ќе напредне на техничко-тактички план. Ако неговиот развој не затаи некаде во иднина, тогаш можеби и веќе сме го решиле проблемот со десен бек по повлекувањето на Кире од репрезентацијата. И да не биде така, му предвидувам многу поуспешна кариера од Мартин Велковски.

Ненад Костески - Ако нешто ме радува, е тоа што искочија неколку десни крила во последниве неколку години со потенцијал еден ден да станат дел од сениорската селекција. Костески е дел од тие играчи. За оние кои не знаат станува збор за помалиот брат на Никола Костески, поранешниот играч на Металург и повремениот македонски репрезентативец. Втор најдобар стрелец во репрезентацијата после Серафимов со 42 голови и просек од 6 голови по натпревар. Брз, широк репертоар на удари, не му треба многу простор за да влезе (што е исклучително важно за крилни играчи) и добра реализација. Играта во одбрана му е исто така добра. Конкуренцијата на таа позиција е навистина голема, ги имаме: Поповски, Шилегов, и Јагуриновски, па ќе видиме како во иднина ќе му се движат напредокот и кариерата и дали би можел еден ден да стане сениор.

Кристијан Симоноски - Трет најдобар стрелец во Грузија со 33 голови и просек од 4.7 по меч. Многу пргав, подвижен, борбен, игра во два правци, заедно со Ѓорѓиев на позициите 3 и 4 го сочинуваа тој централен дефанзивен блок. Му фали работа во сегментот на примање на топка, што е и за очекување. Пикерската позиција си "бара" многу, но ако продолжи да работи и да созрева, ќе успее, талентот го има. Заедно со Арсеновски веројатно најголемите кандидати за во иднина да го облечат сениорскиот дрес.

Дејан Џигероски - 29 голови и просек од 4.1 по меч. Прв пат имав прилика да го следам сега и ми остави позитивен впечаток. Мошне интелегентен, знае каде да се постави на терен во даден момент, кого треба да проигра и кога треба да шутне. Има доста солиден шут од место, но знае и да потроши по некоја топка во моменти кога нема потреба за такво нешто. Нејсе, ако поработи на шутот и на дуел играта има перспектива да направи нешто повеќе.

Игор Ѓорѓиев - 15 голови и просек од 2.1 по меч. Ѓорѓиев располага со солиден шут од дистанца, силен е, добро игра во одбрана, но тука му завршуваат квалитетите. Кога ќе земеме во предвид дека тука се Талески, Кузмановски и Танкоски (чие што време треба допрва да дојде) не му предвидувам некоја сјајна иднина. Иако, мора да се каже дека станува збор за играч кој има едвај 18 години и тек допрва треба да ги направи посериозните чекори во својата кариера. Главната причина поради која го ставив на "листава'' е да покажам колку уствари левата бековска позиција ни беше катастрофа. Каковски бетер и од Ѓорѓиев, со само една добра партија против Швајцарија и навистина не видов ништо во него што ми покажа дека во себе крие некаков потенцијал.

Марко Кизиќ - Почна млитаво, меѓутоа се подобруваше со секој натпревар. Добар физикус, околу 187-188 cm висок, долги раце и нозе, има осет за поставување и за влегување во шут, со тоа што одбраните од крило му се слаби и треба да работи на тој сегмент од својата игра. Но, со оглед на тоа што има само 17 години, а игра на исклучително важна и осетлива позиција треба да се има трпение и разбирање. Василевски со значително помала минутажа од Кизиќ, но и он имаше свои моменти.

Другите играчи кои беа дел од ова натпреварување, имаа многу слабо минутажа, а и таа минутажа што ја имаа немаа речиси никаков придонес. На лево крило бевме особено тапа, со Кондев и Божиновски. Кондев постабилен од двајцата, меѓутоа далеку од потребното ниво за едно вакво натпреварување. Карапалески лош, има некое движење со тело меѓутоа освен за да го смени Џигероски на некоја минута, тешко дека ќе направи нешто повеќе. Витанов го видов само против Естонија, реално тешко е да се избори покрај Серафимов. Истото важи и за Ќосевски кој се бореше со Костески.

Не треба да заборавиме дека ова се навистина млади играчи од кои може и апсолутно ништо да не излезе во иднина, како и тоа дека станува збор "Б" класа на натпреварување. Паралелно со ова натпреварување се одвиваше и "A" натпреварувањето во Хрватска, кога ќе ги видиме тие репки ќе видиме дека сме далеку од тој квалитет. Но, ако споредиме со тоа како изгледавме пред само неколку години, ќе видиме дека постои значителен напредок и се надевам дека добрата работа ќе продолжи.
 
Член од
5 април 2013
Мислења
3.311
Поени од реакции
6.533
Ајде мал осврт за кадетите и од мене.

Генерално репрезентацијата покажа солидни познавања на ракометната игра. Би рекол дека од тактички дел бевме веројатно најдобра репрезентација на турнирот. Таму каде што заостанувавме беше на суров физички талент (висина, атлетост, подвижност, снага). Имавме релативно разноврсни акции, мој впечаток е дека игравме покомплексен ракомет, повеќе на интелигенција во однос на противниците. Ама за поголем резултат треба уште. Треба да се пополнат огромнте дупки на левата страна, како на лево крило, така и на лев бек шутер кој може да се крене на шут од 10 метри и да игра во два правци. Како што "стареат" така поизводливо ќе биде некоја од тие дупки да се пополни и со помлади играчи (од 2002-2003та генерацијата) - ќе видиме дали е можно. Некако ова ни се повторува постојано - репрезентациите ни се подобри во однос на конкуренцијата како јуниори отколку како кадети заради разно-разни "дупки". Немаме доволно избор/ротација додека се помлади. Исто беше и со 94та и со 96та и со 98ма. Некако имам впечаток дека истото ќе биде и со оваа - 2000та. За жал нема да има каде да го покажат бидејќи како јуниори нема да играат ни на европско ни на светско. Ќе мора да се борат само за престиж на ЕХФ шампионат.

Пласманот е релативно објективен, макар што се на се земено мислам дека сме подобри од Швајцарците. Имавме најдобра десна страна но најслаба лева страна од полуфиналистите. Италијаните се заслужено шампиони, навистина добра генерација ако не се некое има Италијаните во ракометот. Браќата Мењон се многу сериозни таленти, не случајно се во Монпелје, а и имаа солиден состав и околу нив. Белорусите имаа еден фантастичен играч - Чижик (дечкото е феномен, шутираше и со десна и со лева река зависно од ситуацијата). Буквално сам не победи во полуфиналето (макар што и немавме среќа на тој натпревар, не би рекол дека Белорусите не надиграа).

Што се однесува до играчите:

голманите...

Кизиќ: Почна слабо но беше се подобар како што одминуваше времето на турнирот. Се работи за одличен талент, долги раце/нозе, мислам е и преку 190, ќе видиме како ќе се развива. За голман многу многу работа допрва го очекува.
Василевски: Генерално си ја искористи солидно својата минутажа. Има потенцијал и кај него за да биде добар голман.

ѕвездите...

Серафимов: Имаше подеми и падови на почетокот на турнирот, но до крајот го докажа својот раскошен талент. Вистински лидер на тимот. На моменти целосно несопрлив за противниците и тоа против најјаките екипи (фластери, агресивни одбрани... што се не пробаа единствено решение кое повремено функционираше, беше висок централен блок - какви што сигурно ќе гледа како сениор). Скок шут, додавања, контрола на играта. Неверојатно е колку многу потсеќа во играта и во движењата на Лазаров (освен што е понизок и што се разбира еден е Лазаров и невозможна е било каква споредба). Неочекувано разочара со седмерците, но сигурен сум дека ќе се подобри во овој аспект. Висината е најголем проблем. Ќе мора да го извади максимумот од себеси во секој аспект. Најголема надеж на десен бек за во иднина, а очајно ни треба десен бек. Пристоен беше и во одбрана, макар што често го "штедеа". Сосема заслужено во олстар тимот - објективно беше меѓу најдобрите 3-4 играчи на турнирот. Само ме плаши минутажата која ќе ја има во Металург. Сите 3 таленти на десен бек кои ги имаме се во ист тим сезонава и не сум убеден дека ќе има минутажа за сите. Но ако некој вреди да се исфорсира тоа е Серафимов.
Костески: Најтивкиот голем талент во нашиот ракомет. До пред неколку месеци ретко кој го знаеше, а сега сосема заслужено во олстар тимот на ЕХФ шампионатот. По слободна проценка (бидејќи не знам дали некаде има статистика) имаше преку 80% реализација на шутевите. Имаше разновиден репертоар на шутеви од крило, а одличен беше и во транзиција и контра. Солиден и во одбрана, иако направи неколку непотребни пенал/исклучување фаули на крило. Одличен потег е што отиде во Струга сезонава. Иако е многу млад со ваков напредок ништо чудно за некоја година да го видиме и во сениорите - на десно крило има кандидати, ама ниту еден не е ни приближно талент како Костески.
Џигероски: Многу неконвенционален играч. Движење, потези, шутеви, додавања - се беше на интелигенција. По малку потсеќа на Миркуловски, но Жути е повеќе "со срце", а Џигероски е повеќе со "размислување на играта". Барем така изгледа неговата игра од страна. Атлетоста и висината се голем проблем (мора да проба да го извади максимумот тука и да ја подобри експлозивноста), но за интелигентни средни бекови има место во ракометната игра и баш ме интересира каде ќе му се движи кариерата натаму.
Симоноски: Доста нетипичен пикер. Повеќе личеше на бек отколку на пикер, така и се движеше искрено, но се покажа доста борбен, снаодлив, добар и во одбрана, интелигентен играч. Веројатно беше и најдобар пикер на турнирот, но со оглед дека бевме само 4ти немаше смисла и 3 играч во олстарот да добиеме. На долг рок не знам што да очекувам, но живо сум заинтересиран како ќе се развива.

Она што не ми е јасно за Џигероски и Симоноски е каде планираат да играат во сениорска конкуренција. Не смеат да си го пропуштат талентот, мора итно да играат во суперлигата.

ротацијата...

Ѓоргиев: Искрено немав никакви очекувања па испадна меѓу поголемите изненадувања на турнирот за мене. Не дека одигра којзнае што но беше најдобра од потпросечните опции на лев бек во напад, а играше и во два правци, заедно со Симоноски беа нашите главни дефанзивци. Ќе видиме можеби може да излезе пристоен играч од него.
Кондев: Солиден, борбен во одбрана, катастрофа во напад. Не видов никаква крилна техника во офанзивните задачи - пред се шут од крило.
Каковски: Имаше повремени добри моменти но генерално потпросечен настап. Очекував повеќе од него искрено, тој најмногу личеше на шутер од левата страна во екипата, но не си ја искористи баш шансата. Му треба очајно минутажа, Еурофарм Работник е погрешен клуб за него во моментов.
Карапалевски: Најголемо разочарување на турнирот. Многу форсиран како млад, но тотална катастрофа на турнирот. Има некое брзо "финта" движење, но тоа е се што има. Не знаеше кога да го употреби, премногу солираше, изгуби милион топки, не играше одбрана.
Митиќ: Одигра многу помалку отколку што очекував. Беше коректен, но ми се чини дека има уште за учење на ракометната игра пред него. Има потенцијал, му треба работа и минутажа.

резервистите...

Божиновски: Просто кажано - слабо во секој поглед. Има многу работа пред него ако сака да се изделка во нешто.
Ќосевски и Витанов играа премалку за да се донесе било каков заклучок (тоа е кога пред нив во ротацијата беа најјаките). Витанов има солиден шут од тоа што го имам гледано, ама има многу работа во останатиот дел од играта. Анѓелковски играше само во одбрана - ништо посебно не покажа. Тодески, официјално е заведен како 2002, ако е така, се работи за сериозен талент. Физички има градба баш за ракометар, и остави солиден впечаток во тие 15тина минути што ги доби со Естонија. Ќе видиме дали може нешто од него да се изделка.

Се на се има потенцијал кај генерацијата, но има и уште за надградување. Бидејќи ги пратев и претходните 2 генерации на нивна возраст, можам слободно да кажам дека иако завршија исто 4ти, се подобри од што беа 98ма како кадети. Во однос на 96та техничко-тактички се сигурно подобри во однос на нив кога беа кадети, но физички се многу инфериорни, па се на се можеби би биле малку послаби.

И ајде сега време е за клупски ракомет и сениорска репрезентација! Сезоната може да почне!
 
Член од
17 август 2014
Мислења
3.577
Поени од реакции
5.480
Vuko Borozan povtorno ne e povikan za Crna Gora, se sushka deka od vgodina ke mozhi da igra za Makedonija, nekoj info okolu toa?
 
Член од
28 јануари 2018
Мислења
1.698
Поени од реакции
5.589
Vuko Borozan povtorno ne e povikan za Crna Gora, se sushka deka od vgodina ke mozhi da igra za Makedonija, nekoj info okolu toa?
Јас и претходно имам пишано за Борозан,мислам дека за репрезентацијата е најдобро решение сега дали ќе сака да игра е друга работа.
По мене најважно е што мислат репрезентативците за тоа,лошо ќе бидне ако се против,а ние упорно да го убедуваме, така само ќе се наруши хемијата меѓу играчите и нема ништо да добиеме.
Ама искрено не верувам дека ќе заигра некогаш за Македонија,сигурно ако игра за друга репрезентација тоа ќе биде Катар.
 
Член од
17 август 2014
Мислења
3.577
Поени од реакции
5.480
Јас и претходно имам пишано за Борозан,мислам дека за репрезентацијата е најдобро решение сега дали ќе сака да игра е друга работа.
По мене најважно е што мислат репрезентативците за тоа,лошо ќе бидне ако се против,а ние упорно да го убедуваме, така само ќе се наруши хемијата меѓу играчите и нема ништо да добиеме.
Ама искрено не верувам дека ќе заигра некогаш за Македонија,сигурно ако игра за друга репрезентација тоа ќе биде Катар.
Vekje imame doneseno dva stranci, edniot seushte igra (Pribak) drugiot igrashe 1 prvenstvo (Vugrinec), Lazarov ushte 2 sezoni max ako igra, Borozan ako dojt ke e edin igrach koj ke go zameni Lazarov po liderstvo i kvalitet, drug takov igrach nemame vo reprezentacijava, samo ke tonime, mora da ja iskoristat shansava.
 
Член од
10 септември 2016
Мислења
8.793
Поени од реакции
17.154
Vekje imame doneseno dva stranci, edniot seushte igra (Pribak) drugiot igrashe 1 prvenstvo (Vugrinec), Lazarov ushte 2 sezoni max ako igra, Borozan ako dojt ke e edin igrach koj ke go zameni Lazarov po liderstvo i kvalitet, drug takov igrach nemame vo reprezentacijava, samo ke tonime, mora da ja iskoristat shansava.
Ок си е тоа ама треба наши деца да играат а не да бараме утеха со странци.Вуко може ќе игра година две и ќе искрсне нешто ќе престане да игра после што правиме.
 

Kajgana Shop

На врв Bottom