Договорот помеѓу Стаљин и Хитлер е договор за ненапаѓање, со тајна клаузула за поделба на Источна Европа (Полска, балтичките, Финска и Романија). По тој договор Полска е поделена, балтичките окупирани, делови од Финска анектирани.
Никого не окупираше Британија како резултат на Минхенскиот договор, но дозволи Германија да ја окупира Чешка.
IMO, првиот договор е далеку понеморален и понеетички.
Точно, Русите секогаш доцнат и последни доаѓаат на журката - историски е така низ вековите, но кога конечно ќе пристигнат, секогаш се трудат од петни жили да бидат подобри и полоши од сите присутни на журката.
Но за жал, западот секогаш остава пример кој подоцна Русите го следат.
Француската Револуција со себеси ги донесе Максимилијан Робеспјер и државниот терор, а подоцна и Наполеон Бонапарта и францускиот империјализам.
120 години подоцна, Февруарската буржоаско-демократска револуција од 1917 година во Русија стави крај на царизмот во Русија, а Октомвриската социјалистичка револуција од 1917 година во Русија со себеси ги донесе Феликс Џержински и Црвениот терор, а подоцна и Јосиф Висарионович Сталин и советскиот социјалистички империјализам.
Велика Британија и Франција први потпишаа договор со кој и` отстапија на Нацистичка Германија територија која не е нивна, туку на држава која воопшто не ги имаше овластено Велика Британија и Франција да преговараат во нејзино име со Нацистичка Германија, па Советскиот Сојуз одлучи да ја игра истата игранка, само на многу поголемо - и се разбира, понеморално ниво.
Проблемот со Русите е во тоа што не само што сакаат да го копираат западот, туку сакаат и да го надминат.
Петар Први Романов, познат како Петар Велики, во Русија ги донел современата морнарица, современата облека и современата архитектура за тоа време - позната како барок, ама затоа неговите наследници преминале кон претеризам, кој е повеќе од забележлив во нивните барокни палати, кои изобилуваат со премногу скапи и луксузни елементи, бидејќи ако Версај е убав и богат, тогаш Русија мора да биде поубава и побогата.
За жал, ваквото натпреварување помеѓу Русија и западот секогаш резултира со висок цех кој обичниот Русин го плаќа или во долгови или во човечки жртви.
