Албинолефе тргна по Јакимовски
* Мојата игра во Про Пјаченца беше снимена од првиот човек на второлигашот од Бергамо и добив понуда да заминам на проба, вели младиот струмички напаѓач Даниел Јакимовски
Дваесетгодишниот Даниел Јакимовски во изминатата сезона успешно ги бранеше боите на вториот тим на Пјаченца, кој се натпреварува во третата италијанска лига. Се работи за напаѓач, дете на Беласица кој во својата кариера пред три години го има запишано и настапот на големиот светски младински турнир во Вијареџо (Италија). Со своите игри во сезоната што измина младиот струмичанец се претстави со добри игри кои го привлекоа вниманието на многу менаџери, а најголем интерес да го види во своите редови пројави второлигашот од Бергамо, Албинолефе.
" Моите игри во Про Пјаченца беа снимени од претседателот на Албинилефе. Тој ги следеше натпреварите со Фидентина (2:0) и Пала Вичино (4:1) и на двете средби постигнав по еден гол, или вкупно седум во изминатата сезона. Неговата намера беше да гледа некои други фудбалери од Про Пјаченца, но моите игри му оставија посебен впечаток и со раководството на Про Пјаченца се договорија да заминам на проба во Албинолефе, што за мене претставува нов голем предизвик", истакна Јакимовски, кој во изминатата сезона беше трипати тимот на колото во третата италијанска лига.
majstor