После извозени 100-150км најчесто овака го чистам ланецот и касетата
https://m.youtube.com/watch?v=zNjZsW1sB0w
Мислите ли дека ова чистење е добро и од каде набавувате крпи за чистење на ланецот. Бог знае колку крпи потрошив и фондот ми е намален, стравувам дека ќе немам за бришење.
Како што ти рече човекот се што ти треба е degreaser, lube и крпи.
Ако немаш degreaser ондак било какво средство за чистење на база на цитрус ќе заврши работа. Ако немаш ни тоа ондак можеш со WD-40, ќе заврши работа за чистење ама има некои што не го препорачуваат да го користиш често бидејќи можеш да оштетиш некои делови од ланецот предвреме ако го истисне малото количество на лубрикант кое се задржало таму и потоа не дотуриш доволно или не стигне до тие места каде што е најпотребно (rollers and pins). Или ако ти е страв со WD-40 да прскаш директно, стави малце на крпа и помини го површински и ако имаш живци земи стара врвка од патики и помини ја измеѓу плочките и ролерите (inner plates & outter plates, rollers).
Почни прво со чистење на ланецот, потоа убаво исчисти ги предниот запчаник, касетата и тркалцата од задниот мењач бидејќи тука ти се собира доста прљаштина и ако не ги исчистиш џабе го подмачкуваш ланецот кога во рок од 1-2 недели ќе ти се направи пак лом. Кога ги чистиш пази со каква крпа ги проаѓаш. Ако краевите на крпата се распарани или е некоја што лесно испушта влакненца, сето тоа ќе ти се заглави во ланецот и потешко ќе ти иде со тек на време. Можеш и со четка за заби, поубаво со некоја со тврди и дебели влакна бидејќи не ти се виткаат лесно и подобро можеш да ги пикнеш во тесните места.
Откако ќе го исчистиш гледај да нема ништо останато од средството со кое си го чистел пред да го подмачкувал и потоа остави го да се исуши/испари целосно.
Кога ќе го подмачкуваш користи средство во зависност од условите во кои ќе возиш (dry-lube за потопло и суво време, wet-lube за поладно и врнежливо) и распрашај се и истражи малку да видиш кое повеќе ти одговара (dry-lube се нанесува почесто и одбива прљаштина, wet-lube се нанесува поретко и собира повеќе прљаштина). Од овие најевтина варијанта ти е во Bike Center/Market - Zefal 390 ден. за 125 мл.
Ако ти е бајаги истенчен буџетот можеш и со моторно уље (поретко за да може да навлезе каде што треба) или машинско уље (50-100 денари мала тубичка, побарај на бит-пазар или земи од тие наменети за моторна пила). За подмачкување најлесно е со тубичка или шприц бидејќи нема никакви шанси да ти прсне во дискови за разлика од спрејовите. Се мести ланецот во 6-12 брзина на касетата (колку повисока толку подобро) и најголемиот запчаник напред. Со тубичка се држи над ланецот или пред задниот мењач до касетата и можеш или да ја стиснеш и да го вртиш ланецот, или да ставаш на секој ролер (roller) поединечно секако зависи колкави живци имаш. Кога си сигурен дека е доволно подмачкан врти ги наназад педалите минута две колку да навлезе во потешките места и остави го преку ноќ да за бидеш сигурен дека се е доволно подмачкано и наредниот ден го избриши со крпа вишокот.
После наредните 1-2 возења го поминуваш со крпа површински да ја тргнеш прљаштината што се собрала и му додаваш малку лубрикант, и исто подоцна го бришеш вишокот.
Ако има некој нешто да додаде, или да измени слободно нека пише. Сум гледал доста клипови-туторијали и сум слушнал многу совети и од сето тоа сметам дека ова е најдобра процедура со која ќе извозиш многу години пред да треба да го менуваш ланецот.
