На секои 10 до 30 години на светските сили им е потребно бојно поле за тестирање на најновите оружја.
За Нацистичка Германија и Советскиот Сојуз, во 1930-те години тоа бојно поле беше Шпанија за време на шпанската граѓанска војна, Втората Светска Војна беше непланирана од страна на западот, но сепак добро одиграа западните држави, а и Советскиот Сојуз се докажа како силен воен играч.
Потоа во првата половина на 1950-те години, Кореја беше бојното поле за тестирање на првите млазни борбени авиони како што беа првите млазни МИГ-ови на Советскиот Сојуз и првите млазни Сабји на САД, па откако открија дека се изедначени, со исклучок на нуклеарниот арсенал каде што САД сеуште имаа предност, двете страни прифатија примирје.
Потоа следуваа 1960-те и 1970-те години, каде што САД тестираа безброј оружја во Виетнам - напалм, пестициди, секакви хемикалии за уништување на шумите во кои се криеја војниците и партизаните на Северновиетнамскиот Виетконг и што ли уште друго не. Но како што нацистите не беа подготвени за војување против партизаните во Советскиот Сојуз и на Балканот, така и американците не беа подготвени за војување против партизаните на Северновиетнамскиот Виетконг, поради што на крајот американците поразени си заминаа од Виетнам, но со одлични резултати од тестирањата на сите оружја кои ги тестираа.
Потоа следуваа бројни помали војни, но тие беа повеќе за демонстрирање сила и за наметнување влијание, отколку што беа за тестирање на оружје - Гренада, Заливската Војна против Ирак, Југославија, па после терористичките напади на 11 септември 2001 во САД следуваше американската инвазија и окупација на Авганистан, па откако Садам Хусеин се осмели да почне да врши трговија со нафта во евра наместо во американски долари, во 2003 година следуваше американската инвазија и окупација на Ирак, па во 2011 година за да се задоволат профитерските интереси на профитерите чиј што лобист е Хилари Клинтон која тогаш беше државен секретар за состојби на САД, следуваше бомбардирањето на Либија и масакрирањето на Моамер Гадафи, по што и` дојде редот на Сирија. Но бидејќи Русија подвлече црвена линија во Сирија, сега светските сили - вклучувајќи ја и самата Русија, се трудат колку што можат подолго време да ја одолговлечат војната во Сирија за да ги истестираат своите најнови воени играчки.
На крајот, исто како и во Шпанија, Кореја, Виетнам, Југославија, Либија, Сирија и сите останати држави низ кои истокот или западот си играл расипан телефон со воени играчки од крајот на Првата Светска Војна па наваму, главните и најголемите жртви се цивилните населенија во сите тие држави.
И да, срамот и одговорноста подеднакво ги делат сите учесници во ваквите крвопролевања.
