Искрено, си ги имав зауздано очекувањето оти последната епизода од ланската сезона ептен ме разочара, ама признавам дека солидна премиера беше. Уште се влече по некој проблем од лани, ама ако ги споредам тие две епизоди, премиерата беше стопати поарна од финалето.
Баш кога си реков не е можно да има нешто поидитоско во серијата, продоложија со Дорн. Еларија беше кога=тогаш интересен лик дури беше со Оберин, ама после тоа ја посраа цела работа. А за тие змиите па немам коментар. Никако не можам да разберам зошто ги испоубија сите. Така ќе ги одмаздат Оберин и сестра му, со тоа шо сите од фамилијата шо останаа живи ќе ги убијат? И нормално, да не го заборавиме grrrrrl power делот, така се имунизираат од критики. Ми се чини најпаметно ќе е ако скрос се откажат од приказната. Од другата недела нека нема ништо од Дорн и ќе глумам како никогаш да немало.
Освен ова, генерално солидна беше епизодата. Посебен ќеф ми направија Болтонци и шеткањето низ Мирин на Варис и Тирион. Можда ако не се фокусираат на Денерис и лошата глума на Емилија Кларк и таму пак ќе стане интересна приказната. Плус, сер Ализер е одличен негативец на Ѕидот. Тој е дефинитивно е еден од најдобро развиените споредни ликови, се надевам подолго ќе се врти.
Најмалку очекував да има акција во бегството на Санса и Теон, ама од нигде се појави Бриен како Бетмен во Вестерос. Добро, уште од лани се знаеше дека кога-тогаш ќе се сретнат, ама некако вештачки и исфорсирано ми беше како се појави како синхронизирана со луѓето на Болтон. Ама добро, тепачката па беше интересна така да не се замарам многу со ова.
Арија и сите во Кингс Лендинг некако ми беа неискористени. Таа сцената со Марџери беше само потсетник дека е в затвор, а на Арија дека е слепа. Ич немаше да ми смета ако воопшто ги немаше тие сцени.
Давос беше добар, само не ми текнува дали во финалето разбра за поразот на Станис или уште ништо не знае. Ова второто би било многу голем пропуст, ама не се сеќавам шо се слули лани, така да немам коментар.
Генерално океј, вака нека тераат, само се надевам дека набрзинка ќе ги решат работите во Дорн за да не мора веќе да ни вршат тортура со тие глупости.
.
