Збор два за целата ситуација.
Во последните неколку месеци ова е најнов од серија напади извршени во ИСИС. Во посвежо сеќавање ми е рускиот авион, нападот во Бејрут и ако не се лажам и нападот во Турција.
Зошто Париз е толкав шок? Париз е симбол на светлината во ЕУ, тоа е местото од каде што излегле многу рационалисти и каде е започната една од најголемите борби за човековите права. Нападот значи, дека на некој му сметаат сите тие вредности.
Кој е крив за сето ова? Големата слика е дека се одговорни големи сили што ние не можеме ништо да направиме околу нив. Дали навистина не можеме или не сакаме? Или пак се правиме слепи и ги отфрламе останатите причини бидејќи не се соодветни со групното мислење?
Едни ја обвинуваат религијата како причина. Не знам, дали истите имаат tunnel vision и не сфаќаат дека човечката природа е да освојува и доминира, и ќе најде било каква причина за тоа. Сигурно WW2 и WW1 не беше за религија чинам, а важат за најкрвави војни регистрирани досега. Тоа што исламот е сеуште на ниво на религиозна причина е навистина интересен феномен, од страна на Европа и другите страни на светот немало религиозна војна скоро 1000 години. Многу забораваат дека ако не била религијата многу голем процент од населението денес би било неписмено.
Сакам да кажам, можам да прифатам дека ти нема да веруваш во Дедо Мраз, а може и да те убијам бидејќи не го правиш тоа. Секој има слобода да верува во Господ, Алах, Ктулу, Вонземјани, тоа е човечко право. Ама треба да се санкционира секој кој убедува други верници дека се подобри од останатите, и дека треба да ги убијат неверниците.
Вината не е на мигрантите како директни сторители. Повеќето навистина сакаат мир. Вината стои врз тие што дозволија да се наруши безбедноста со тоа што дозволија без никаква проверка толкава маса на народ која доаѓа од воена зона да се протне толку лесно. Скоро сите се сомнителни во 90% воено способни мажи што бараат азил. И малите деца знаат дека е неминовно на толкава маса на народ да се внесат луѓе со искривени верувања за светот, конкретно во случајов борци на ИСИС.
Не е можно да се ограничи движење на население. Етички е неприфатливо. Но сосема етички и прифатливо е да се контролираат лицата што сакаат тоа да го прават. Тука нема ништо злобно и нехумано. Како превентивна мерка од вакви случки мора да се земе тоа во обзир.
Париз важи за еден од најстрогите градови во поглед на носење оружје. Со самото тоа што е собрано доволно оружје да се изврши напад на 6 различни места и да убијат 160 луѓе треба да уклучи аларм. Треба разумно да се размисли како и по кој пат е внесено тоа оружје. Дали на бегалците воопшто им се проверува багажот?
Живееме во можеби едно од најопасните времиња по WW2, луѓе гинат затоа што се различни. Соочени сме со група со екстремни шовинистички интереси и идеали.
Време е да се уклучи цинизмот и скептицизмот.
На крај, сеуште се чудам дали Оланд е понеспособен од Гоца и Мијалков, или е гнасно копиле што свесно дозволи жртва на 160 луѓе за туѓи интереси.