Интересно за последното коло беше тоа што освен Наполи-Лацио сите други дуели имаа ревијален карактер и немаа значење за крајниот исход. Сепак натпреварите беа далеку од пријателски и на повеќето имаше жар и борба до последната минута. Верона-Јуве беше натпревар без никаква важност, но од трибините и на теренот се чувствуваше напнатост цел натпревар. На другите натпревари немаше досада, едноставно се испукаа со голови, нешто што не е карактеристично за последното небитно коло.
Кога ќе сумираме од сезонава после 38 кола, дефинитивно најголеми губитници се Наполи, миланските тимови и од долниот дел Каљари. Сепак да испаднеш после 10 сезони во Серија А во континуитет е негативна работа. Наполитанците со буџет поголем од сите тимови во Серија А и со ростер за стабилно второ место, завршуваат на 5тото место со пласман во ЛЕ со 54 примени голови. Да 54 примени голови на 38 натпревари. Таков ужасен тим во одбрана одамна немам видено. Бенитез штета што најверојатно оди во Реал, инаку ќе си ги земаше Давид Лопез и факинг Раул Албиол со него.
Лацио заслужен пласман во квалификациите за ЛШ, изиграа одличен втор дел со серија од осум или девет победи по ред што се разбира си има свое влијание. Се надевам дека ќе ги избегнат Јунајтед или Валенсија во квалификациите. Рома иако одигра катастрофален втор дел, сепак заврши заслужено второ од проста причина што првенството трае 38 кола и се бројат сите од прво до последно. Не може да гледаме одделно првиот и вториот дел или пак последните 10 кола или не знам што. Рома првиот дел беше секогаш блиску до Јуве и собра доволно капитал за и со слаба втора полусезона да обезбеди пласман во ЛШ.
На крај краева се гледа дека секој си го доби заслуженото. Покрај сите дебати, тактики, судиски одлуки, среќа во едни, несреќа во други натпревари сите тимови завршија таму каде што сами заслужија. Се друго е ветер и магла, празен муабет прикладен за во дуќан или кладилница. Се надевам пред се дека наредната сезона ќе успее барем еден од Интер и Милан да се врати во живот и ќе го направи првенството поинтересно.
