Океј Берич, самокритиката ти е на место и можеби во друга пригода би рекол добро е да се биде трезвен во вакви моменти, ама самиот процени дали добро си го темпирал својот настап со нападот од злонамерниците кои сакаат да профитираат од нашите слабости.
Не велам да се преправаме дека тече мед и млеко, но постојат одредени моменти кога треба да се збијат редовите кај нас, како што тоа ти го демонстрираат вечно угнетените.
Не се чита така никот, али здравје, тоа не е ни битно.
Велиш сега му е мајката да се збиеме?
Еве, по наведеното прашање да речеме. Пошто нели ова се тие пресудни моменти коа злонамерниците се обидуваат да профитираат, државата е на работ и слично....
Многумина ќе забележат дека овој пресуден момент некако се повторува прилично често од самиот почеток. Некако не личи на момент, туку на состојба.
За некого, најтешки моменти беа на самиот почеток, кога сеуште не се знаеше ниетот на српските генерали, дали Слобо ќе гледа и на југ, како што погледна на запад. Кога шибаа авиони и не се знаеше што да се очекува од ЈНА у нашите касарни.
Некој друг ќе рече, најтешките моменти, коа нели злонамерниците покушаваат да профитираат, се моментите на приватизацијата, кога цели семејства, градови беа фрлени во (сега веќе личи на вечен) очај, само за една банда лопови приграбат цело државно добро. Тогаш беа грчки вета и изолација, а злонамерниците профитираа, нема збор.
Друг ќе ја види 2001-ва како таков прекршителен момент. Не без валидна причина.
Трет ќе смета дека другпат некој таков момент имало, многу битен коа требало да сме сплотени за да злонамерниците не профитираат...
Ги има многу такви пресудни моменти, да не се лажеме. Иако може лесно да се воспостави градација.
Не викам не, и овој момент, кога се љуљаат фотељите на мафијашите и предавниците на власт, е гарант еден таков момент. Некој злонамерник ќе се најде да профитира, а профитот во оваа денешна Македонија не е привилегија за секого. Не секој има привилегија да вади профит од националните вредности, духовни и материјални. Тоа е само за избраните и секој злонамерник кој ќе се обиде да им се меша у бизнисот, би требало да му е јасно дека јалова му е работата.
Но, да се вратиме на почетната идеја за сплотеност по ова прашање. Значи човек може да забележи дека вакви "на ивици понора моменти", коа ни е потребна сполтеност не ни недостасуваа од девееста, па наваму. А сепак, секогаш имало и такви кои велат Словени сме и врска неаме со античките Македонци, а и такви кои мислат: Словени сме, ама сме мешани со многумина, па и со античките Македонци, или пак некои кои тврдат дека врска неаме со Словените - ние сме изравно антички Македонци, дури има и такви кои викаат дека сме Словени и тоа бугарски, српски и сл. За целото ова несреќно време, било така и немало единство околу тоа. Ако сакаме да се лажеме, за атер на повисоки вредности, тогаш океј, друг е муабетот.
Единство по тоа нема ни сега, ако сакаме да бидеме искрени.
