Покрај поскапувањето на струјата, укината е и дневната ефтина тарифа

[Chemical Angel]

МАКЕДОНИЈА ТРОШИ 3,5 ПАТИ ПОВЕЌЕ СТРУЈА ОД ЕВРОПСКИТЕ ЗЕМЈИ
E наслов во Утрински:
http://www.utrinski.mk/?ItemID=84152F82CC99EC4BAF306ACE2245FAD8
А ова тврдење новинарите го слушнале на: „ Ова беше посочено на денешната тркалезна маса за подобрување на конкурентноста на компаниите, организирана од Македонската енергетска асоцијација и од Проектот на УСАИД за индустриски менаџмент. “
А во таа МЕА се добро познатите „ експерти “ и „ визионери “

Малку познат факт, ние користиме струја за се, Европјаните само за силјалици и нормално дека ќе трошиме повеќе

 

[Prestapnik]

Наместо само да се чита наслов од некој технички неписмен новинар, па да се носи заклучок, треба да се прочита материјалот од повеќе новинари и да проба да се свати суштината.

Македонија многу нерационално и недомаќински троши енергија. Потрошувачката на енергија по единица општествен производ е околу 3,5 до 4 пати поголем од просечниот во земјите членки на ЕУ, додека во однос на земјите од регионот нашиот енергетски интензитет е некаде околу два пати поголем. Статистиката покажува и дека вкупната потрошувачка на енергија по жител во Македонија е околу 2,5 пати помала во однос на просечната вкупна потрошувачка по жител на земјите членки на ЕУ, што се должи на неповолниот развој на економијата.

Споредено со САД или Јапонија, трошиме 4 пати помалку по жител, а во САД и Јапонија се користат потрошувачи со најсофистицирани технологии за енергетска ефикасност. Ако се земе статистиката на потрошувачка по единица поризвод. Излегува дека ефективно користат 16 пати повеќе енергија од нас.

 

[teneke]

Наместо само да се чита наслов од некој технички неписмен новинар, па да се носи заклучок, треба да се прочита материјалот од повеќе новинари и да проба да се свати суштината.


Споредено со САД или Јапонија, трошиме 4 пати помалку по жител, а во САД и Јапонија се користат потрошувачи со најсофистицирани технологии за енергетска ефикасност. Ако се земе статистиката на потрошувачка по единица поризвод. Излегува дека ефективно користат 16 пати повеќе енергија од нас.

Што знам дали е ова од неписмени новинари или намерно прикажани извртени информации, со цел за покачување на цената на струјата или некоја друга пропаганда.

 

[Prestapnik]

Дефинитивно се неписмени новинарите. Се зафаќаат да пишуваат за секакви теми, без елементарни познавања за тоа за кое што пишуваат.
А пропагандите за да се качи цената, тие се прават пософистицирано. Мора да има некаква логика, прво за да поверува и обичен смртник, а второ за да не може просто да се демантираат изјавите. На пример може да се искорситат испадите кои ги имаше ЕВН зимово, демек имале големи оштетувања во мрежата и потребно е појачување. А во неа немаат ништо инвестирано откако се дојдени и покрај тоа што РКЕ им одобрува грдни пари за тоа секоја година. Или најелегантно беше со укинување на ефтината тарифа во сабота, намалување на саатите на ефтина тарифа во обични денови на 9 и тоа во стрикни саати, а не по желба на корисниците. Ги немам извештаите при рака, а не можам сега да ги барам по страната на РКЕ, но мислам дека имаше преточување од околу 30% енергија по ефтина тарифа во скапа тарифа, која е дупло поскапа. Тоа значи поскапување од 15%, кое што никаде не се декларираше така, а обичните смртници поима немаа што се случи. Во исто време се дозволи и поскапување од 5%, и се на куп во просек сметките за електрична енергија се покачија за 20% во просек.
Како и да е, електричната енергија во Македонија сеуште е социјална категорија и е багателно ефтина. За да се изедначиме со цените на запад треба веднаш да ја покачат двојно и повеќе.

 

[Смрт за зони и пајак воз.]

Како и да е, електричната енергија во Македонија сеуште е социјална категорија и е багателно ефтина. За да се изедначиме со цените на запад треба веднаш да ја покачат двојно и повеќе.

Во се се согласувам, Повеќе пати сум напишал - РКЕ се неписмени лепотани
Но не се согласувам дека цената на струјата кај нас „е социјална категорија и е багателно ефтина. За да се изедначиме со цените на запад треба веднаш да ја покачат двојно и повеќе. “
Струјата кај нас е поскапа одколку што е во САД
Во ноември 2014 цената за домаќанства 12,46 центи, комерцијални потрошувачи 10,55 центи и индустрија 6,67 центи за седен киловатчас
Ова се просечни цени а погледни како се по држави на САД
http://www.eia.gov/electricity/monthly/epm_table_grapher.cfm?t=epmt_5_6_a
Во ЕУ цените за домаќинствата се повисоко бидејќи таму има посебно оданочување на струјата за да се финансираат обновловите извори. Инаку цените на струјата за индустријата и таму пониски одколку кај нас
Еве како е по држави:

http://ec.europa.eu/eurostat/statistics-explained/index.php/Energy_price_statistics

Нас не „ изгореа “ со цените на струјата и што е наважно никој не знае каде одат парите
Цената на струјата кај нас е 6,6 денари за домакинства и 10,3 денари за дуќани за еден киловатчас

 

[Prestapnik]

Таа цена која ја гледаш е само за енергијата. Таму не се вклучени трошоците за пренос, дистрибуција, зелена енергија, пазарна такса, ангажирана моќност, реактивна енергија и други такси во зависност од државата, преносниот и дистрибутивниот систем кој се користат.

Кај нас таа цена од 12.46, 10.55 и 6.67 центи е регулирана и изнесува 41.5 евра за МWh, односно 4.15 центи за kWh.

 

[Смрт за зони и пајак воз.]

Таа цена која ја гледаш е само за енергијата. Таму не се вклучени трошоците за пренос, дистрибуција, зелена енергија, пазарна такса, ангажирана моќност, реактивна енергија и други такси во зависност од државата, преносниот и дистрибутивниот систем кој се користат.

Кај нас таа цена од 12.46, 10.55 и 6.67 центи е регулирана и изнесува 41.5 евра за МWh, односно 4.15 центи за kWh.

Цените кои ги постирав се цени кои ги плаќаат крајните потрошувачи со вклучени сите давачки. Убаво пишува:
Average Retail Price of Electricity to Ultimate Customers by End-Use Sector,
погледај ги цените кои ги постирав
инаку „ ангажирана моќност, реактивна енергија, активна моќност се плаќа само кај нас и се остаток од историјата
Јас не знам дали знаеш што е тоа реактивна енергија?

 

[Prestapnik]

Не, тоа е само цената на енергијата, без трошоците кои ти ги спомнав. Или ако грешам, потенцирај ми го делот каде пишува дека во цената се вклучени преносна, дистрибутивна, пазарна и другите такси.
И тие трошоци или дел од нив се плаќаат секаде, не само кај нас. Некаде некои работи се викаат поинаку или се наплаќаат поинаку, ко на пример ангажирана моќност негде се наплаќа ко пик–енергија.
За реактивна енергија можам докторска дисертација да напишам. Што точно те интересира?

EDIT: Сега поделив $82.71 со 565kWh, од погорната сметка. Излегува цена од 14.6 центи по kWh. И да е без ДДВ, нека биде со ДДВ 18 центи. И едната и другата цена е релативно ниска и можно е тие цени од EIA да се со сите давачки. Како и да е, таа цена е ниска во светкси рамки и не е во колизија со фактот дека електричната енергија во Македонија е социјална категорија. Пред се ние немаме производство, пазарната цена во моментов е околу 46–47 евра за MWh без такси, а со такси(од кои 90% е за дистрибутивната мрежа на ЕВН) таа цена е речиси 90 евра. Домаќинствата плаќаат 108 евра скапа, односно 54 евра ефтина тарифа и просек под 90 евра за MWh. Во Германија пазарната цена е 31 евро за MWh, a домаќинствата плаќаат просек по 250.

 

[Смрт за зони и пајак воз.]

@Prestapnik
Aко велиш дека знаеш што е реактивна енергија, тогаш знеш дека таа може да се компензира, зошто тогаш бараш за неа да се плаќа?
Има земји каде се плаќа и тоа до 1-2%, од цената на струјата, но не плаќаат крајните потрошувачи туку операторите на дистрибутивниот и преносниот систем им плаќаат на производителите ( централите ).
Читав еден напис за Шведска. Таму хидоцентралте се на север и се одалечени илјада километри од потрошувачите на југ и кога би се дозволило појава на реактивна енергија би имало огромни загуби, А кај нас загубите во преносот и дистрибуцијата се 15% и никој ништо не превзема
Инаку цените кои се дадени од EIA и Eurostat се крајни цени со вклучени сите даноци, такси и се друго. Тоа ти пишува на самите табели. Во табелите имаш и податоци кои се такси се пресметани

А инаку приказната дека кај нас струјата е ефтина и е „ социјала “ е без основ и служи само власта да се оправда и прикрие дека е неспособна и килава да ја суреди ситуацијата со струјата

 

[Prestapnik]

Aко велиш дека знаеш што е реактивна енергија

Не велам дека знам, туку дека можам да напишам докторска дисертација на таа тема.

тогаш знеш дека таа може да се компензира,

Може само делумно да се искомпензира, не во целост. Дури и најсовремените еквилајзери на светот, кои се прават од израелската фирма ELSPEC, имаат време на реагирање од 2/3 од времето на периодата. Обичните компензаториимаат време на реакција од неколку периоди, па така ако потрошувачот има динамична реактивна моќност, обичните компензатори не само што не помагаат туку прават проблем затоа што прават преку–комепнзација која што создава пре–напони од кои страдаат останатите електрични компоненти во мрежата. На пример такви случаи има во секоја иднустрија каде има заварување, каде има дробилици и слично. На таквите потрошувачи се става најсофистицирана компензација (со најбрзо време на реагирање), не поради сметките туку поради квалитетот на варовите, затоа што доколку има пад на напон варот нема да биде квалитетен и ќе попушти. Ама да не тупам за тоа, ти реков прашај што те интересира за реактивна енергија, имам години поминати со нејзино проучување и решавање на проблеми поврзани со неа.

зошто тогаш бараш за неа да се плаќа?

Затоа што ги оптоварува водовите и трансформаторите, го намалува нивниот капацитет и прави падови на напон. Постои дозволено конзумирање кое не се наплаќа и кое се дефинира со коефициентот на моќност – cos(fi), кој најчесто е дозоволено да не е помал од 0.95. Во случаите кога е помал од 0.95, тој се наплаќа. Потрошувачите кои немаат многу динамична потрошувачка на реактивна енергија, со проста комензација успеваат да постигнат cos(fi) поголем од 0.95, па не плаќаат дополнително за реактивната енергија.

Има земји каде се плаќа и тоа до 1-2%, од цената на струјата, но не плаќаат крајните потрошувачи туку операторите на дистрибутивниот и преносниот систем им плаќаат на производителите ( централите ).

Ова кое го велиш не е точно. Секаде се плаќа и наплаќа и тоа исклучиво го плаќаат крајните потрошувачи кои се прикличени на дистрибутивните или на преносните системи, бидејќи создаваат проблем, т.е. ги оптоваруваат нивните мрежи! Тешко некој голем потрошувач да плаќа реактивна енергија, затоа прв чекор кон заштеда на сметка за електрична енергија е воведување на компензација и сите големи потрошувачи ја имаат. Најмногу не–компензирани потрошувачи има на дистрибутивните мрежи и тоа се потрошувачи кои не обрнуваат внимание на трошокот за електрична енергија. Иако по малку, тие прават проблеми на дистрибутивната мрежа која пак е соодветно димензионирана за потрошувачите приклучени на секоја нејзина точка. Затоа се наплаќа реактивната енегија, која ги оптоварува поедините делови на мрежата. На пример на едно трафо од 1MVA наместо да за закачат 50 потрошувачи поради тоа што од него се влече реактивна моќност ќе се приклучат 40 потрошувачи. За другите 10 дистрибуцијата ќе мора да инвестира во ново трафо, нови изводи и слично. Тоа кошта пари и секаде во светот се наплаќа.
Производителите(централите) немаат никаква врска со реактивната енергија.

Читав еден напис за Шведска. Таму хидоцентралте се на север и се одалечени илјада километри од потрошувачите на југ и кога би се дозволило појава на реактивна енергија би имало огромни загуби,

Тие загуби настануваат поради тоа што реактивната моќност го намалува напонот и за да се пренесе потребната енергија низ водовите течат поголеми струи од кои што пак има поголеми загуби. Затоа преносните и дистрибутивните системи на краевите од водовите инсталираат синхрони компензатори кои ја компензираат таа енергија и ги подобруваат напонските прилики на краевите.

А кај нас загубите во преносот и дистрибуцијата се 15% и никој ништо не превзема

Тоа не се само технички загуби, таму се вкалкулирани и кражбите кои се најмногу на број и количина во пределите со претежно албанско населние. По дефиниција загуби се нефактурирана енергија. За преземање нешто, да сум јас фактор би ги исклучил дивите племиња од далекувод, нека живеат во камена доба. Дури има и во законот (или можда беше во правила за снабдување) член кој вели дек доколку се фактурира помалку од 70% од потрошената енергија, операторот на соодветниот систем има право да ги исклучи тие делови.

А инаку приказната дека кај нас струјата е ефтина и е „ социјала “ е без основ и служи само власта да се оправда и прикрие дека е неспособна и килава да ја суреди ситуацијата со струјата

Не знам зошто така гледаш, но... Телефоните, интернетот, горивата, белата техника, прехрамбените артикли, гардеробата, греење, вода и се останато кое се продава кај нас се продава по исти цени како на запад. Електричната енергија се продава по драстично пониски цени. Еве јас дома имам сметка за електрична енергија од 3500 денари месечно, а за мобилен телефон само јас имам сметка над 5000 денари, за интернет и телевизија плаќам уште 3000, жена ми има сметка за мобилен 1500. Како може да плаќаме за телефон и интернет 3 пати повеќе од струја? Ако како и за се останато и цената на електричната енергија се изедначи со онаа на запад, тогаш ќе треба мандатно да ја покачат за над 2 пати(а верувај за брзо и тоа ќе мора да се случи). Но тоа не е така и затоа електричната енергија е социјална категорија кај нас. Тоа е така и затоа што цената на домаќинствата е субвенционирана затоа што ргулираната цена по која ЕЛЕМ ја дава енергијата на ЕВН Македонија е за 12–15% пониска од пазарната, па така домаќинствата имаат пониска цена од пазарната. Кога домаќинствата би излегле на отворен пазар би добиле за 20% повисоки сметки на енергија.

 

[Смрт за зони и пајак воз.]

Производителите(централите) немаат никаква врска со реактивната енергија..

E ова е за мене новост. Јас, сум бил во заблуда, цело време мислев дека реактивна енергија е енергија која се враќа од потрошувачот кон производителот.
Што е најлошо и овие од Википедија се во заблуда, погледни
That portion of power flow due to stored energy, that returns to the source in each cycle, is known as reactive power.
http://en.wikipedia.org/wiki/Electric_power

Еве јас дома имам сметка за електрична енергија од 3500 денари месечно, а за мобилен телефон само јас имам сметка над 5000 денари, за интернет и телевизија плаќам уште 3000, жена ми има сметка за мобилен 1500. Како може да плаќаме за телефон и интернет 3 пати повеќе од струја? Ако како и за се останато и цената на електричната енергија се изедначи со онаа на запад, тогаш ќе треба мандатно да ја покачат за над 2 пати(а верувај за брзо и тоа ќе мора да се случи). Но тоа не е така и затоа електричната енергија е социјална категорија кај нас. Тоа е така и затоа што цената на домаќинствата е субвенционирана затоа што ргулираната цена по која ЕЛЕМ ја дава енергијата на ЕВН Македонија е за 12–15% пониска од пазарната, па така домаќинствата имаат пониска цена од пазарната. Кога домаќинствата би излегле на отворен пазар би добиле за 20% повисоки сметки на енергија.

Јас за струја овој месец платив 10 400, за мобилни за сите дома 471 ден, за кабелска интернет и фиксен телефон 1096 ( Телекабел ) и струјата мене ми е огин скапа. За среќа цената на струјата не се определува според цените интернет, телефон и тн.што ти ги плаќаш, инаку ...
Уште едно дирекно и лично прашање
Бидејќи сметаш дека струјата е ефтина ( „ затоа што цената на домаќинствата е субвенционирана “ - а не кажуваш кој и колку наводно ја субвенционирал ), дали си вработен во ЕВН, МЕПСО, Регулаторна или слични?

 

[Prestapnik]

E ова е за мене новост. Јас, сум бил во заблуда, цело време мислев дека реактивна енергија е енергија која се враќа од потрошувачот кон производителот.
Што е најлошо и овие од Википедија се во заблуда, погледни
That portion of power flow due to stored energy, that returns to the source in each cycle, is known as reactive power.
http://en.wikipedia.org/wiki/Electric_power

Убаво си е напишано на Вики, само не си го сватил.
Под извор се подразбира мрежата на која потрошувачот е приклучен, а не генераторите приклучени на мрежата. Централите на ја генерираат реактивната енергија туку потрошувачите, поточно нивните индуктивни и капацитивни елементи во кои се складира енергија. Потоа, откако ќе се засити потрошувачот, таа складирана енергија ја враќа кон мрежата. При тоа една од двете компоненти, струја или напон, кои при чисто резистивни товари се во фаза, предначи односно доцни во однос на другата во зависност од тоа дали потрошувачот има индуктивна или капаситивна природа. Поради задоцнувањето се јавува т.н. реактивна моќност која ги оптоварува компонентите, но не врши никаква корисна работа.
Најпроста илустрација на реактивна моќност е примерот со кригла пиво, каде криглата е еден далекувод, пивото е активната моќност, а пената од пивото е реактивната моќност. Пивото е тоа кое ни брка работа за да се запиеме, а пената само фаќа простор во криглата и не ни брка никаква работа. Пивото и пената заедно се привидната моќност, затоа што ја наполнила криглата иако криглата не е реално полна со корисната течност пиво.

Јас за струја овој месец платив 10 400, за мобилни за сите дома 471 ден, за кабелска интернет и фиксен телефон 1096 ( Телекабел ) и струјата мене ми е огин скапа. За среќа цената на струјата не се определува според цените интернет, телефон и тн.што ти ги плаќаш, инаку ...

OK, ти се грееш на струја. Ако струјата ти е огин скапа, користи поефтин начин за да се загрееш. Воедно ќе го сочуваш здравјето на сите нас, затоа што нема РЕК Битола да гори јаглен за да прави струја која недомаќински се користи (ти текнува на она 3.5 пати повеќе е.е. по општествен производ).

Уште едно дирекно и лично прашање
Бидејќи сметаш дека струјата е ефтина ( „ затоа што цената на домаќинствата е субвенционирана “ - а не кажуваш кој и колку наводно ја субвенционирал ), дали си вработен во ЕВН, МЕПСО, Регулаторна или слични?

Тоа што сметам дека струјата во Македонија е социјална категорија нема никаква врска со работите кои ги работам, ниту пак сум овде за да ширам некаква пропаганда. Моето мислење е нефабрикувано и основано на моите сознанија и знаења и се трудам да биде колку што е можно по–објективно. И јас не би сакал да ми се зголемуваат животните трошоци, но да се лажам себе си и другите не ми е од интерес.
Патем, пишав погоре како е субвенционирана, а субвенционирана е од сите нас, бидејќи ние го сочинуваме ова општество каде фирмите кои се на нелиберализиран пазар плаќаат повисока од пазарната цена за да домаќинствата имаат пониска, и секако нашите другари од ЕВН да си прават пари на нашиот грб. Мислам дека ова им е јасно и на децата во основно училиште, ама еве да го искажам јавно за да не ме декларираш како некој кој промовира поскапување на електричната енергија во земјава.

 

[Смрт за зони и пајак воз.]

Убаво си е напишано на Вики, само не си го сватил.
Под извор се подразбира мрежата на која потрошувачот е приклучен, а не генераторите приклучени на мрежата.

И ова е новост за мене и за пошироката јавност


Но било како било - јас постирав податоци дека цените на струјата во Македонија се повисоки од цените на струјата во САД и ЕУ, но ти и понатаму тврдиш „ е субвенционирана е од сите нас “
Така да не вреди да ти се спротивставувам
Моја желба е да не биде вака „ субвенциоинирана “ туку да биде поефтина за сите и да чини барем колку што чини струјата во САД

Но дали имаш познавања од дигиталната техника на мерење на потрошената електрична енергија ? Би сакал нешто да те прашам

 

[Prestapnik]

Но било како било - јас постирав податоци дека цените на струјата во Македонија се повисоки од цените на струјата во САД и ЕУ, но ти и понатаму тврдиш „ е субвенционирана е од сите нас “

Од материјалите кои ти ги постираше:

Македонија има поскапа електрична енергија само од Србија(каде исто така струјата е социјана категорија), а поефтина од сите останати Европски земји. Просечната цена во ЕУ е за 2.5 пати повисока од таа кај нас. Како тоа цените на струјата во Македонија се повисоки од ЕУ? Дали јас не умеам да го читам графикот правилно или пак ти си во забуна?

Така да не вреди да ти се спротивставувам

Далеку од тоа. Зошто нашава дискусија ја перцепираш како спротиставување? Ние едноставно дискутираме на темата и имаме различни мислења, што не значи дека треба да се препираме.

Моја желба е да не биде вака „ субвенциоинирана “ туку да биде поефтина за сите и да чини барем колку што чини струјата во САД

Супер ти е желбата, ама нема конткат со реалноста. Те молам, одговори ми, кои сличности ги имаат САД и Македонија, за да можеме да очекуваме да имаат слична цена на електричната енергија?

Но дали имаш познавања од дигиталната техника на мерење на потрошената електрична енергија ? Би сакал нешто да те прашам

Слободно прашувај.

 

[Смрт за зони и пајак воз.]

Слободно прашувај.

Ова се технички податоци за струјомер МТ 173
Таму може да се прочита:
2.1. Mjerni sustavi
Brojila MT173 su opremljena s tri mjerna sustava. Na
zahtjev se može ugraditi i etvrti mjerni sustav u
strujno krug neutralnog vodia.
Mjerni sustavi omoguavaju precizno mjerenje radne
i jalove energije u širokom mjernom i temperaturnom
opsegu. Mjerni sustav ima strujno i naponsko osjetilo.
Strujno osjetilo je svitak Rogowski (strujni transformator
sa zranom jezgrom), a naponsko osjetilo je
otporniki djelitelj napona. Signali struje i napona se
vode na A/D pretvornike. Zatim se digitalno množe,
tako da se dobije trenutana snaga, koju po vremenu
integrira mikroraunalo da se dobije energija i dalje ju
obrauje.

Нема податоци колку често во една секунда се вршат мерењата
Какво е твоето мислење за овој начин на мерење?
Какви се поволности или недостатоци има овој начин на мерење во однос на старите индукциони струјомери?

 

[Prestapnik]

Дефинирано е тоа во стандардот, IEC 62052–23, ама немам пристап до него(го немам купено). Ќе ги прашам во ЕВН за ова и ќе ти пишам одговор.

Кога веќе ги спомна, тие броила беа една од поголемите утки, во техничка смисла, кои ги направи првиот управен одбор на ЕВН. Имаа тендер за неколку стотини иљади такви броила, колку купија точно не знам, ама занам дека 90% индиректни потрошувачи ги имаат тие броила, останатите се ELSTER–ови, не знам кој модел.

Што се однесува до дигиталните мерачи, поточни и попрецизни се од аналогните затоа што имаат многу поголема резолуција на мерење, при што регистрираат и најмала потрошувачка.