Кошаркарска репрезентација на Македонија

[vlatkobond]

За овој Виктор ви зборев, уживајте. 1.90 има, 1998 е. А пратете ги и аситенциите на Нено, доктор

Малиов добар,како снајпериста е а и имаше добри пробиви.Се надевам ќе напредува во кариерата.А имаш видео од Нено,дечкото какви асистенции има.Има добар кошаркарски IQ.

 

[MiaSanMia]

Џејсон Капоно на повидок

Феноменална соработка имаат со Димитријевиќ.Позиционирањето му е 10/10.Мислам дека има потекло од Гостивар.

 

[Stefan-kobe]

Вака во сениорски конкуренции мало морген дека ќе шутира. Од увек ми биле жива глупост овие правени клипови каде што се одбрани најдобрите моменти.

Ајде нека ми даде снимка некој од цел меч да го видиме како игра, а не само од тројките и влезовите. Јас како што видов во неколку наврати доста меко делува под кошот, т.е. не заградува како што треба, а топката сама му паѓа во рацете и тоа го оцениле како добар и битен момент.

Не хејтам, се гледа дека детето е ок, ама прерано е да се суди дека ќе стане нешто.

П.с. Одлични предиспозиции за 16 годишник, а и механиката на шутот му е добра.

 

[Xsago]

П.с. Одлични предиспозиции за 16 годишник, а и механиката на шутот му е добра.

Ова е најбитно. А и очигледно е стварно добар шутер уште на оваа возраст. Прв бил на првенството и по број на погодени тројки со 3.9 по натпревар (вториот имал 2.9) и по процент на реализација со фантастични 46.3% што е одлично со оглед на тоа колку често шутирал. Само така да продолжи и да се надеваме уште ќе порасни

Вака според статистиките испаѓа дека во оваа репрезентација има стварно добри 3 играчи: Димитријевиќ, Ефремовски и Огњеновиќ (статистички изгледа дека сите 3 се меѓу најдобрите 10 на првенството).

 

[Cornicello]

Истиот тим. Без промени и повикувања ,освен евентуално Перо ако одлучи да се врати. Не дека имаа некоја тешка конкуренција ама дечките остварија резултат достоен за почит така што мислам дека си ја заслужуваат својата шанса.

 

[CurvaSudMilano]

хахаха овој е Лео, брат и на Моника со тебе што учеше?

Да да

Да пуштевте и линк од Моника ?

 

[Stefan-kobe]

Да пуштевте и линк од Моника ?

Не може, ќе се попали пола форум.

 

[Христов]

Вака во сениорски конкуренции мало морген дека ќе шутира. Од увек ми биле жива глупост овие правени клипови каде што се одбрани најдобрите моменти.

Ајде нека ми даде снимка некој од цел меч да го видиме како игра, а не само од тројките и влезовите. Јас како што видов во неколку наврати доста меко делува под кошот, т.е. не заградува како што треба, а топката сама му паѓа во рацете и тоа го оцениле како добар и битен момент.

Не хејтам, се гледа дека детето е ок, ама прерано е да се суди дека ќе стане нешто.

П.с. Одлични предиспозиции за 16 годишник, а и механиката на шутот му е добра.

Значи да се разбереме, на 8 натпревари има 31 тројка. Ова се феноменални бројки. Друго е што сите скатуираат, сите гледаат и практично секој следен противник на Македонија, после првиот натпревар со Норвешка знаат каков шутер е, а тој пак постигнуваше голем број на 3ки. Голема заслуга за тоа оди кај Нено, кој има IQ многу поголемо од нормалното, гарантирам за тоа

9.3 асистенции по натпревар.

 

[дЏанго]

Какви пасови дава детово, свака част...

 

[Атомската мравка]

Групите на Европското ќе бидат во 4 држави, со градови домаќини - Загреб, Рига, Берлин и Монпеље. Се надевам ќе имаме среќа групата наша да ни се падне во Загреб.

 

[Види Фотос]

Финалето ќе е во Лил, на стадион

 

[TheWhiteMamba]

http://sportmedia.mk/strumichkata-m...karierata-pod-kapata-na-barselona-foto-video/

Струмичката машина за кошеви ќе ја продолжи кариерата под капата на големата Барселона! (ФОТО+ВИДЕО)

Четиринаесетгодишниот Кирил Панов, кој во минатата сезона како од шега постигнуваше 40 и повеќе поени, во иднина ќе игра за екипата на Тера Алфас, која е филијала на каталонскиот гигант.

Струмичката машина за кошеви во карактеристична поза
Еден од најталентирани млади кошаркари кај нас, 14-годишниот Кирил Панов, во иднина наместо во својот матичен клуб Ролинг 08 од Струмица ќе настапува за тимот Тера Алфас, која всушност е филијала на шпанскиот спортски гигант Барселона, чии стручњаци ќе се грижат за развојот на македонскиот талент.

Станува збор за играч кој минатата година го сврте вниманието на спортската јавност откако како од шега постигнуваше 40 и повеќе кошеви, и имаше речиси неверојатен просек од 46,7 поени по првиот дел од сезоната. Веста за струмичката машина за кошеви се слушна надалеку, а најбрзи беа луѓето од големата Барса, кои преку својата филијала му обезбедија речиси идеални услови за развој на малиот Панов.

Тој во јуни годинава беше на петдневна проба на Пиринејскиот полуостров, каде што ги одушеви тренерите, кои веднаш му понудија долгогодишна соработка. Официјалниот договор е потпишан на почетокот од неделава, со што е потврдено заминувањето на уште еден талентиран македонски кошаркар надвор од државата.


Панов (втор од десно) пред салата каде што игра неговиот нов тим

„Ова е огромен успех за Кирил, но и за нашата екипа, која се покажува како расадник на млади таленти, кои во иднина преку нашата соработка со менаџерот Бојан Златковски ќе имат можност многу полесно да се пробиваат во големите европски кошаркарски клубови од Шпанија“, вели Зоран Гонев од тимот на Ролинг 08.

Струмичанецот игра на бековската позиција, има одлична техника, а најчесто поените ги постигнува со влезови, кои неретко имаат атрактивна завршница. Тој летово беше дел од репрезентација на Македонија за играчи до 14 години, која настапи на неофицијалното Европско првенство (ЕП) во Словенија.

 

[Ficoman]

Браво ! Колку порано си замине од Македонија, толку поголеми шанси има да успее.

 

[Drettica]

Ете кое дете си го бива ќе го најдат макар играло и во Струмица... џабе се бунат овие наши просеци дека просечни срби им фаќале место и ќе сме имале слаба репка поради тоа. Затоа лигава ќе ни гние на дното со вечити таленти ко Димчевски,Симоновски и Николовски. Багра неталентирана

 

[TheWhiteMamba]

http://sportmedia.mk/antik-so-seta-sila-udri-po-stefanov-pi-kata-konechno-dojde-do-tselta/
Антиќ со сета сила удри по Стефанов: Пи*ката конечно дојде до целта! (ФОТО)

Поранешниот капитен на репрезентацијата, Перо Антиќ, максимално некоректно и со тешки зборови удри по еден од најдобрите македонски кошаркари, Врбица Стефанов, кој синоќа потврди дека ќе биде нов тренер на МЗТ Скопје, и тоа преку својот профил на социјалната мрежа „Инстаграм“.


Принт-скрин од објавата на Антиќ на Инстаграм

Под прекарот „чичко стоилко“, Антиќ постира линк од информацијата проследувајќи со зборови кои не му доликуваат на уличар, а не пак на кошаркар кој ја претставува државата во НБА-лигата и кој претставува идол на спортската младина кај нас.

„Не знам дали е пародија или заебанција, уште една наша тимска икона отиде во пропаст (најверојатно се мисли на МЗТ – н.з.). Дундата улизи-смукович конечно стигна до целта, но за кратко верувајте“, напиша Антиќ.


Принт-скрин од постот на Антиќ за Стефанов од пред една година

Ова не е првпат кошаркарот на Атланта хокс да удри по популарниот Врба, кој, пак, го вложи сиот авторитет за да го врати Антиќ во репрезентацијата пред ЕП 2009 во Полска, кога тогашниот селектор Јовица Арсиќ го избрка поради нокаутирање на Синиша Аврамовски на тренинг. Крилниот кошаркар го нападна Стефанов кога тој лани се повлече од местото спортски директор во националниот тим.

Немам коментар, што толку се скачкале двајцава со вакви зборови да искача Антиќ...Поготово за Врба, еден од најкоректните спортисти и спортски работници, барем вака за јавно око.