Знаев дека играта на србите многу повеќе ни лежи отколку играта на Литванија, и после стартните 2 победи на Србија очекував дека србите ќе се опуштат малце, па доста бев оптимист во пресрет на средбата, ама толку добра игра богами не очекував. Нашите супер мотивирани, до максимум ја искористија шансата. Секоја чест. Отсуството на Чековски ќе биде голем проблем во продолжение на шампионатот, ама засега барем ни се отвора реална шанса да ја минеме групата.
МкКејлеб - стандарден, кај него реално нема многу осцилации. Зависи само како ќе го чуваат за колку ќе постигне. Во одбрана освен украдени топки ништо не нуди, но тоа не го ни бара реално екипата од него. Тој е битен во напад.
Илиевски - МВП на денешниот меч. Ако против Црна Гора беше доста слаб во одбрана на pick and roll, денеска комплетно се поправи и беше феноменлен. Плус и одигра многу паметно и ефикасно во напад.
Антиќ - Штета што само против одредени репрезентации се мотивира вака. Кога сака, може да биде ѕвер под кошевите.
Браќата - стандардно добри. Ако од некој можеш да знаеш што ќе добиеш на еден натпревар тоа се тие.
Гечевски - одличен како и секогаш. Пипан ќе мора да најде начин да му дава што е можно повеќе одмор понатаму.
Самарџиски - знаеме сите кои му се јаки страни, но кои му се и маните. Нема потреба од омаловажување, тоа што може го прави. Не е дека не се труди. Се надевам дека во понатамошниот дел од првенството ќе може да намли со фаулите, за да го одмори Гечевски, па и Антиќ
Брчков - Фала богу и Пипан знаел кој вреди од дечките да го стави во игра. Брчков е ниско крило, ама кога ни останаа само 3 внатрешни играчи, немаше многу избор Брчков беше решението. Не дај боже Ѓуровски да го видев кај записничката маса, спремајќи се да влезе во игра место него. И во тие 8 минути, Брчков го одигра токму тоа што го очекував - едноставна паметна кошарка. Си знае кои му се јаки и слаби страни и си се држи до тоа што го бива. Мислам дека пристојно ќе може одигра како замена во тие 10тина минути кои ќе треба да ги добива по натпревар, со тоа што ќе бидиме ослабени на скок бидејќи реално е пренизок за позицијата која ќе мора да ја игра.
Се на се, еден од најдобрите натпревари кои ги одиграла нашата репрезентација, ако не и најдобриот. Само смирено натаму, без некаква си глупава еуфорија и потценување и пласманот во втората фаза, па дури и со поени е реален.
![[ Македоникус ]*](/data/avatars/m/26/26045.jpg?1373015970){kind=avatar}