Луѓе ќе ве замолам за совет...
Значи вака, со девојка ми сме заедно 2 години, она е помала неколку години од мене, не сме од ист град (јас сум од Ск и она наскоро треба да се пресели тука) и може да се каже дека само тоа е мала пречка за се да биде перфектно.
Во текот на овие 2 години неверојатно многу се засакавме и зближивме, буквално немаше да пројдат 5 мин. а да не се слушнеме или пратиме порака или било што, ептен поврзани...уште на почетокот сфатив дека е многу искрена и чувствителна и една од ретките девојки што човек би можел да посака. Секое одење кај неа или доаѓање кај мене беше од убаво поубаво, баш како од бајките, и на крај пред да си одам/оди не сакаше да ме пушти, плачеше и чекаше едвај да се видиме пак...Нејзините особини толку многу ме освоија што станав многу слаб на неа, само нешто да слушнев дека не е во ред полудував, одма ми беше многу тешко а кога ќе ја слушнев да плаче срцето ми се кинеше...
Секако како и секој пар и ние некогаш си се поткарувавме за ситници ама тоа е и нормално во секоја врска па немаше никакви проблеми...
Времето поминуваше и доаѓаше време за одмор, се договоривме да одиме негде накај 20 јули и се беше ок се додека неколку дена пред одморот наеднаш ми каже дека нема да одиме нигде и дека сака да раскинеме!!! Мислев дека се зеза со мене ама ми рече долго размислувала за тоа и дека треба да разговараме сериозно во 4 очи.
Се видовме и тогаш таа како да беше друга личност, беше дрска, ладна кон мене и ми рече ова неможе веќе да продолжи, ги изгубила чувствата и неќела да ми дава лажна надеж за понатака зашто ќе било полошо за мене!?!? Изненаден почнав да паничам и да поставувам милион прашања како е можно после толку време силно сакање наеднаш да нема никакви чувства за мене, реков тоа не е можно а она ми кажува подолго време се борела со своите чувства и неможела повеќе вака. Најлошото е што бара од мене да ја заборавам најбрзо што може, не сака ниту да ми даде шанса да се почне се од почеток и да не ја барам на тел. туку да продолжам со животот..Сеуште неможам да се изначудам и ова ми е како лош сон, ништо ама баш ништо не ми е јасно, скршен сум од болка и се осеќам предадено и насамарено..Пробав да разговарам со неа уште 2-3 пати ама секогаш беше исто-нема зошто да и се јавувам зошто ми раскинала и тоа е нејзина одлука и ништо немало да смени...Се прашувам дали е можно да фрли 2 год во вода само заради изгубени чувства (иако јас мислам дека и се само помешани) и да не ми даде никаква шанса знаејќи колку многу ја сакам и што не сум спремен да направам за неа..
Незнам што да правам, очаен сум неможам без неа, премногу ми е тешко да го поднесам ова, ќе полудам!!! Ве молам дајте некој совет што понатаму, ми треба ваша помош...
За жал познавам вакви случаи.
Единственото нешто што не го разбирам кај некои девојки е зошто ни даваат лажна надеж без потреба понекогаш.
Никогаш не се оди на карта „ќе излегуваме па ќе го засакам“. Се осеќа тоа уште од сам старт кога можеш да бидеш близок со некој.
Најголемата грешка е да излегуваш со некој, да дозволиш да се затреска во тебе и после да го откачиш. Себично е да гледаш како некој живее во имагинација и илузија, со цел да се заштитиш себе си и да го покриеш стравот за да му кажеш дека не чувствуваш ништо за него.
Можеби и се изладиле чувствата бидејќи сте подалеку, може не гледала иднина со тебе (иако ако имаш чувства за некој ова не се гледа)...неможеш да знаеш. Како и да е, од ова што го напиша се гледа дека многу си ја сакал, и дека требало да ти даде барем едно скапано објаснување за да не бидеш во дилема. Да те потсетам дека кога сакаш стануваш слеп, па некои работи можеби не си ги ни воочил кај неа на време. Можеби и се презаситила од нешто кај тебе. Со девојки никогаш не се знае пошто очекуваат да знаеме што им е проблемот и што им се случува во секоја ситуација. Некогаш можеш да погодиш, ама некогаш не ни можеш да замислиш што им се случува. Некогаш и обични глупости ги преоптеретуваат нивните глави.
Секој различно, зависи каква девојка ќе начекаш.
Како и да е, ќе повторам дека што и да е причината, секогаш треба отворено да се разговара (дури и неверство да е во прашање). Кога тогаш се ќе се дознае и се ќе излезе на виделина.
Тоа што е важно за тебе сега е дека односот ти е расипан и дека нема враќање назад.
Не е лесно да заборавиш. Тешко е ако си имал долга поврзаност, ама ако сакаш мала припомош, избриши ги и исфрли ги сите работи што те потсетуваат на неа.
За одредено време ќе си ја средиш психата и ќе запознаеш нова девојка која ќе знае да те цени и да те сака искрено.
Никако ама баш никако не смееш да запаѓаш во депресија и да се бедираш за тоа што ти се случило. Некои моменти и спомени ќе те потсетуваат цело време на неа, ама низ тоа ќе мора да поминеш по одреден период.
Тоа што е важно е да застанеш машки и да сфатиш дека не вреди да вложуваш во секоја толку многу. Никако ама баш никако не смееш да помислиш дека не си бил доволно добар за неа. Со тоа само ќе си бараш изговор, ќе и ги кренеш акциите без потреба и ќе се омалoважуваш.
+ Сега си поискусен и знаеш што и како ќе треба да правиш во иднина. Сега си слаб и повреден, ама за некој период кога ќе ја сретнеш вистинската, ќе бидеш благодарен на животот што ти одржал таква лекција и што ти дарил искуство.
Запамти, се се случува со причина. И во лошото има добро.
Иди на скара и пиво со другарите нека те освежат малце. Да те „ококорат со иљачите“