Дојран е здивеен, минатата година регистрираа 120 илјади ноќевања. Јас кога бев во Јули за Д фестивалот немаше место беше полно. Еден пријател ми кажува дека во Август не можеле да најдат слободни места. Оваа година ќе биде уште посилно ако се погоди времето.Еве има и новини.
Од ова лето Дојран со нов лик
Градската плажа, во должина од 500 метри, од новите содржини ќе добие главен сервисен пункт и два помошни шанкови, три нови тоалети, нови лежалки, санитарни јазлии шест спортски терени за мал фудбал, тенис и одбојка на плажа.
Проектот за уредување на плажите во Дојран чини 1,5 милиони евра што ги обезбеди Владата на РМ преку Министерството за транспорт и врски.
Според градоначалникот Борче Стамов, тоа е еден од поголемите реализирани проекти во овој туристички центар.
- Покрај Градската плажа, на која е ставен акцент, се уредува и плажата на влезот во Стар Дојран, во должина од 100 метри.Доколку се оди според предвидената динамика, градежните работи планирано е да завршат до втората половина на јуни така што се надеваме дека реализацијата на проектот ќе ги поттикне и приватните концесионери да ги подобрат условите за престој на туристите на нивните плажи, изјави Стамов.
МИА