Колку повеќе мислев, толку повеќе рецепти излегуваа. Се одлучив за
Пилешки прсти.
Состојки:
500 гр. пилешки стек
1 лажица сенф
2-3 јајца
100 гр. брашно
100 гр. презла
50 гр. сусам
Бибер
Мешан зачин
Кари
Зејтин за пржење
Подготовка:
Стекот исецкајте го на долгнавести парчиња. Доколку се долги парчињата, по ваша желба исечете ги на половина, но имајте на ум дека што помали парчиња, повеќе време за пржење.
Во подлабока чинија ставете го месото, сенфот и зачините и измешајте убаво. Најдобро е вака да отстои околу еден час, но може и веднаш да се пржат.
Спремајте три длабоки чинии. Во првата ставете го брашното, во втората изматете ги јајцата, а во третата измешајте ја презлата со сусамот. По овој редослед панирајте го месото. Најпрактично е сите парчиња да ги спремите, па потоа да ги пржите.
Загрејте поголема количина на зејтин на повисока температура. Кога убаво ќе е загреан, намалете ја температурата зошто ќе ви изгорат, а внатре ќе се живи. Значи со пример: ако шпоретот ви е до 6-ка, намалете на 4-ка и така пржете ги.
Испржените пилешки прсти ставајте ги на салфетка, за да го впијат вишокот на зејтин.
Ова се состојки според кои јас ги правам, ако сакате зачините можете да ги измените. Количината на брашното и презлата може да варираат во зависност како вие панирате месо.
Гарнирајте со сос по ваш вкус или со помфрит. Или со што сакате.
)
За да личи рецептот, еве и слика. Кога ќе ги спремам деновиве, ќе ставам и моја:
Ilumious може да го смениш насловот.
Модераторке, оти погоре си пишала дека може да се прават модификации, импровизирав. Нема да се налутам и да не го ставиш на гласање. 
