Како влијае? Па позитивно дефинитивно. Имам пушено 2 пати со разлика од 3 години во мои доцни 20-ти години од живот, вториот пат беше пред некој месец. Не сум човек што прави работи избрзано иако знам да бидам импулсивен на моменти ама за оваа работа размислив, прочитав и решив да пробам... па да споделам некои сознанија со вас. : )
Првиот пат беше интересно добив различна перспектива и нов начин на размислување и погледи на светот и иако беше нешто ново за мене не беше ни приближно едукативно како вториот. Од оваа перспектива знам дека работите мора да се одвиваат по одреден пат за да се дојде до некое големо сознание и да се научат и согледаа механизмите на функционирање на овој свет, затоа што ова растение ви го дава баш тоа... разбирање на светот и самите себе.
Едно од најинтересните работи во врска со ова растение е што му дава перспектива на животот од детска гледна точка, се изгледа ново и како да сјае, ве потсетува на многу моменти од детството и како тогаш сте гледале со воодушевувње и еуфорија на секој нов момент, а музиката е друга приказна и звучи како од друга димензија. Исто така и другите чувства се засилени, собата во која што сум го поминал пола од животот ја гледав со други очи, дрвата надвор имаа некој невообичаен сјај и уживав во секој момент.
Исто така искуството не ве напушта и по избледување на ефектот, напротив се чувствувате како да сте биле на месечен одмор долго време по конзумирањето, дури со недели... барем додека не ве загади негативната енергија на другите и секојдневните глупави и банални проблеми.
Кога сме веќе кај темата како влијае на здравјето... имам еден проблем веќе со години, некоја тапа болка под белите дробови од десна страна. Под дејство на растението легнав се опуштив и се концентрирав на местото и се случи чудо, како едноставно да ја избришав болката со мисла, ја снема како одлепување ханзапласт од кожа. Во тој момент сфатив колку е моќен нашиот ум, а растението ми покажува дека тоа го можам и без негова помош дури и дека се е до перцепцијата. Од стресни ситуации сам сум си ја предизвикал болката и на истиот начан можам да ја отстранам... но ова не беше "најлудото" нешто што го искусив а за понатамошното искуство нема ни да се обидам да објаснувам затоа што никако нема да ме разберете.
Треба да знаете дека ова растение е буквално врска со повисоко ниво на свест и ако се употребува правилно, а не злоупотребува и со правилна едукација може да биде вистинското средство што ќе го извади ова човештво од депресијата во која се наоѓа.
Некој може да спори дека целото ова искуство е производ на нечиј ум и делумно ќе биде во право, но она чувството што останува во стомак (gut feeling што го викаат америте) и искуството и знаењето што го дава кажуваат дека растението е многу повеќе од рекреативна "дрога".