Драга моја кајганче зошто мажите и жените се толку различни ? Жените се од Марс, а мажите од Венера или беше обратно ?
Зошто на жена и требаат само неколку месеци да заборави некого со кого била неколку години, а на мажот му требаат неколку години за да заборави некоја со која бил неколку месеци ? Џабе сме ние мажите физички посилни и можеме погласно да се дереме кога во однос на жените сме психички инфериорни. Кој што сака нека каже, ама научно е докажано а и секојдневната пракса го покажува тоа за физичкиот и менталниот баланс меѓу половите. Физички сме ние појаки, а ментално се тие поцврсти - жените. Затоа и не владеат. Затоа што силата секогаш била во умот а не во бицепсот.Може сите моќни позии во светот да ги држат мажите, ама тие мажи жените ги управуваат и манипулираат, понежниот пол управува со светот. Ние машките сме само подизведувачи, а најчесто не сме свесни за тоа.
Најактуеален пример за тоа моментално е Султанот Сулејман. Светски султан, најмоќен тогашен владетел на планетата. Од исток до запад све живо му се поклонува и нозете му ги бацува. Цел свет му бил под нозе. Војски, армии, држави рушел и уништувал, а сепак бил немоќен пред украинската убавина на Хурем, која што со лепота и ѓаволска лукавост го ставила во својот скут и го навивала како детска играчка. Таа преку него управувала со тогашната најмоќна империја на светот - османлиската. А овој пример од историјата е само еден од непресушната ризница на докази за женската супериорност над мажот ! Така било и ќе биде.
