LaChupacabraLoca
jedi master
Во писмена работа пишуваат на латиница и доцртуваат „смајли“
Освен неправилното писмено изразување, многу основци и средношколци со тешкотии читаат и најобичен текст
УЧЕНИЦИТЕ СЀ ПОСЛАБИ ПО МАКЕДОНСКИ ЈАЗИК
Кога имаат писмена работа по македонски јазик, некои средношколци си ги пишуваат имињата и презимињата на латиница. Се случува и текстот да го напишат и на кирилица и на латиница. Во тетратките доцртуваат „смајли“.
Ова се примери за кои сведочат професори по македонски јазик што предаваат во основните и во средните училишта. Тие велат и дека учениците сѐ послабо читаат дури и најобичен текст, а многу често читаат без да го разберат тоа што го читаат.
Читање се учи во основното образование. Затоа, практичарите сметаат дека токму таму е опаднат квалитетот на наставата, па затоа се случува вакво изобличување на јазикот.
Интернет го искривува јазикот
Флорита Ерновска, професорка по македонски јазик во средното градежно училиште „Здравко Цветковски“, вели дека на средношколците на кои таа им предава почнува да им станува нормална „работа“ да доцртаат „смајли“ во тетратката на крајот од реченицата.
- Им ги враќам писмените штом видам дека имињата и презимињата си ги пишуваат на латиница. Сето ова е резултат на преголемата употреба на компјутери во секојдневието. Несвесно им е влезено в глава да пишуваат латиница оти целата комуникација ја водат на Интернет. Дури и кога зборуваат, многу често употребуваат англиски фрази - вели Ерновска.
Таа тврди дека им укажува на грешките, но смета дека сите професори, независно на тоа кој предмет го предаваат, треба да ги поправаат учениците кога грешат. Освен тоа, Ерновска забележала и дека кога некои ученици читаат текст, го читаат без да го разберат.
- На децата им недостига концентрација, затоа потфрлаат во читањето - додава таа.
И наставници што предаваат во внатрешноста велат дека како резултат на дигитализацијата во сите сфери и почестата комуникација преку компјутер, учениците неправилно се изразуваат и писмено и усно. Наставник што предава во основно училиште во Виница вели дека од писмените работи се гледа дека ученици мешаат кирилско и латинично писмо.
- Ова ни дава јасен сигнал на кое ниво е развиена вештината на пишување и читање кај учениците. Морам да напоменам дека сепак се работи за мал процент на ученици и овој проблем не може да се генерализира - вели наставникот.
Правилно читаат само љубителите на книгата
Професорите укажуваат дека изобличеното писмено и усно изразување е резултат на употребата на компјутерите во секојдневието, но и на опаднатиот квалитет во основното и во средното образование.
- Во денешно време доследно читаат само љубителите на книгата. Кога кај нас во Високата школа за новинарство и односи со јавноста се запишуваат студенти, очекуваме тие да бидат писмени, да имаат некаква основа што ја стекнале во претходните нивоа на образование. Но често не е така, изразувањето не е на потребното ниво. Не е тоа резултат само на претераната употреба на компјутери, туку генерално е опаднат квалитетот на основното и средното образование - смета Тања Ефтимоска, професорка по македонски јазик во оваа високообразовна институција.
Според неа, во гимназиите треба да се обрне големо внимание на писменото изразување, на граматиката, нешто што таа смета дека е запоставено.
Дека е опаднато општото знаење на македонскиот јазик согласен е и професорот Људмил Спасов, кој предава на Филолошкиот факултет.
- Читање и пишување се учат во основно образование. Погледајте колку правописни и граматички грешки има насекаде околу нас. Тоа е така зашто наставата по македонски јазик е многу слаба. Иницијативата да се издвојат како посебни предмети граматиката и литературата е стара 20 години, но, за жал, нема слух за неа од институциите. Мора да се најде начин да се приближи наставата до децата, да се направи тие часови да се атрактивни, а за да се случи тоа, треба подготвен наставник - смета Спасов.
Третоодделенците читаат напамет
Во истражување за јазична писменост што го спровело УНИЦЕФ се покажало дека македонските ученици во трето одделение не умеат внимателно да прочитаат текст, дека читаат површно и не обрнуваат внимание на деталите во дадена содржина. Наставниците, пак, не се фокусирани на современите методи на работа, туку имаат глобален приод во наставата.
Во ова истражување биле тестирани околу 1.000 третоодделенци од 30 училишта во државата. Од можни 32 поени, тие во просек освоиле 13,80, или помалку од половина. Главен заклучок во извештајот е дека резултатите што ги постигнале овие ученици во читање со разбирање се пониски од она што се очекува и од она што го предвидува наставната програма за тоа одделение.
Извор : http://novamakedonija.com.mk/NewsDetal.asp?vest=121212840532&id=9&prilog=0&setIzdanie=22753
Лично не сум зачуден од ова, ама ова е загрижувачко. Да не знаеш правилно да си го напишеш името , да ставаш смајли на крај од реченица и тоа на писмена работа по македонски јазик ... страшно.
Освен неправилното писмено изразување, многу основци и средношколци со тешкотии читаат и најобичен текст
УЧЕНИЦИТЕ СЀ ПОСЛАБИ ПО МАКЕДОНСКИ ЈАЗИК
Кога имаат писмена работа по македонски јазик, некои средношколци си ги пишуваат имињата и презимињата на латиница. Се случува и текстот да го напишат и на кирилица и на латиница. Во тетратките доцртуваат „смајли“.
Ова се примери за кои сведочат професори по македонски јазик што предаваат во основните и во средните училишта. Тие велат и дека учениците сѐ послабо читаат дури и најобичен текст, а многу често читаат без да го разберат тоа што го читаат.
Читање се учи во основното образование. Затоа, практичарите сметаат дека токму таму е опаднат квалитетот на наставата, па затоа се случува вакво изобличување на јазикот.
Интернет го искривува јазикот
Флорита Ерновска, професорка по македонски јазик во средното градежно училиште „Здравко Цветковски“, вели дека на средношколците на кои таа им предава почнува да им станува нормална „работа“ да доцртаат „смајли“ во тетратката на крајот од реченицата.
- Им ги враќам писмените штом видам дека имињата и презимињата си ги пишуваат на латиница. Сето ова е резултат на преголемата употреба на компјутери во секојдневието. Несвесно им е влезено в глава да пишуваат латиница оти целата комуникација ја водат на Интернет. Дури и кога зборуваат, многу често употребуваат англиски фрази - вели Ерновска.
Таа тврди дека им укажува на грешките, но смета дека сите професори, независно на тоа кој предмет го предаваат, треба да ги поправаат учениците кога грешат. Освен тоа, Ерновска забележала и дека кога некои ученици читаат текст, го читаат без да го разберат.
- На децата им недостига концентрација, затоа потфрлаат во читањето - додава таа.
И наставници што предаваат во внатрешноста велат дека како резултат на дигитализацијата во сите сфери и почестата комуникација преку компјутер, учениците неправилно се изразуваат и писмено и усно. Наставник што предава во основно училиште во Виница вели дека од писмените работи се гледа дека ученици мешаат кирилско и латинично писмо.
- Ова ни дава јасен сигнал на кое ниво е развиена вештината на пишување и читање кај учениците. Морам да напоменам дека сепак се работи за мал процент на ученици и овој проблем не може да се генерализира - вели наставникот.
Правилно читаат само љубителите на книгата
Професорите укажуваат дека изобличеното писмено и усно изразување е резултат на употребата на компјутерите во секојдневието, но и на опаднатиот квалитет во основното и во средното образование.
- Во денешно време доследно читаат само љубителите на книгата. Кога кај нас во Високата школа за новинарство и односи со јавноста се запишуваат студенти, очекуваме тие да бидат писмени, да имаат некаква основа што ја стекнале во претходните нивоа на образование. Но често не е така, изразувањето не е на потребното ниво. Не е тоа резултат само на претераната употреба на компјутери, туку генерално е опаднат квалитетот на основното и средното образование - смета Тања Ефтимоска, професорка по македонски јазик во оваа високообразовна институција.
Според неа, во гимназиите треба да се обрне големо внимание на писменото изразување, на граматиката, нешто што таа смета дека е запоставено.
Дека е опаднато општото знаење на македонскиот јазик согласен е и професорот Људмил Спасов, кој предава на Филолошкиот факултет.
- Читање и пишување се учат во основно образование. Погледајте колку правописни и граматички грешки има насекаде околу нас. Тоа е така зашто наставата по македонски јазик е многу слаба. Иницијативата да се издвојат како посебни предмети граматиката и литературата е стара 20 години, но, за жал, нема слух за неа од институциите. Мора да се најде начин да се приближи наставата до децата, да се направи тие часови да се атрактивни, а за да се случи тоа, треба подготвен наставник - смета Спасов.
Третоодделенците читаат напамет
Во истражување за јазична писменост што го спровело УНИЦЕФ се покажало дека македонските ученици во трето одделение не умеат внимателно да прочитаат текст, дека читаат површно и не обрнуваат внимание на деталите во дадена содржина. Наставниците, пак, не се фокусирани на современите методи на работа, туку имаат глобален приод во наставата.
Во ова истражување биле тестирани околу 1.000 третоодделенци од 30 училишта во државата. Од можни 32 поени, тие во просек освоиле 13,80, или помалку од половина. Главен заклучок во извештајот е дека резултатите што ги постигнале овие ученици во читање со разбирање се пониски од она што се очекува и од она што го предвидува наставната програма за тоа одделение.
Извор : http://novamakedonija.com.mk/NewsDetal.asp?vest=121212840532&id=9&prilog=0&setIzdanie=22753
Лично не сум зачуден од ова, ама ова е загрижувачко. Да не знаеш правилно да си го напишеш името , да ставаш смајли на крај од реченица и тоа на писмена работа по македонски јазик ... страшно.
.
.
.