Третиот дел на тема биртии ќе го започнам со една култна од Тафталиџе
Веки
Лоцирана на 30тина метри од гиманзијата Георги Димитров, Веки своевремено беше задолжителна лекција на сите биртијаши. Самата кафана е сместена во подрумот на една куќа а својата слава ја доби по тоа што во неа настапуваше современата мадам Помпадур на целата народна естрада од Ибарска магистрала до Прдејци, неприкосновената д уан енд онли Жаки Макарена. За телетабис, млади бунтивници и покемон генерацијата Жаки беше најјаката, најсексуљавата и најлегендарната кафанска певаљка на едно време. И сега тешко трпи конкуренција. Нескриено си ги кажуваше сите швалери меѓу кои и Владо Јаневски и покојниот лесна му земја Нино
и имаше најебастична тетоважа на лева цицка
Барав настапи нејзини на јутуб ама тешко... Единствено можам да ги споделам овие слики со вас. Внимание-Предизвикуваат тестостеронски овердоуз
Цитати од нејзни песни
Амазон, амазон,
главна шема и фазон,
сакаш рап, сакаш фолк,
живеј како Амазон.
Телевизија нон стоп,
телевизија нон стоп,
си гледам јас порнич,
а тебе не те рецкам ич,
ич бре будало ич.
Спотот беше со за жал сега покојниот комичар Ѓоко Тасевски-Коска, ех што би дал сега да го најдам на јутуб. Доказ за нејзините способности е тоа што мојот добар другар И.Л. два пати има заврешно на клиника од алкохол, првиот пат заради неа. Цитирам-
Брат, знае к..вата како да те начука. И стварно знаеше. Пеење на увце, наздравување и пиење со тебе, дигање...атмосфера. Жаки беше специјалист, мајстор, доктор за својата струка прваше журка кои сега можам само да ги раскажувам. Не може бре секоја да биде кафанска певаљка. Кога ќе ги видам сега тие помладите облекла штикли, минич и здрвена како бетонски ѕид со едвај милиметрско помрднување на колковите колку да се знае дека е жива, смрштувам фаца и со носталгија се присетувам на Жаки и незаборавните џумбуси во кафана Веки.
Кога сме веќе во Тафталиџе, наслебата може да се гордее со уште една незаборавна, биртија која што ми остана непречкртана сеуште. Исто така на 30-тина метри од Ѓорѓи Димитров ама на спротивната страна на раскрницата со Октомвриска Револуција се наоѓа биртија во најкласичната смисла на зборот каде што сите новајлиии кои мислат дека биртија е отмена кафана во Дебар Маало можат да го остеат автентичниот дух на една биртија. Ќе зборам од екстерен аспект а и од едниот мој краткотраен влез кој не го бројам.
Хилда
Многу работи ја прават Хилда биртија која мора да се посети пред да се умре. Прво да почнеме со името кое само си кажува. Второ, местото е 3 пати затворано поради кхм танчерки и кралици на ноќта а во случај некој од оние ашљацине што мафтаат со енциклопедии да го читаат ова и мислат дека измислувам и зборувам без основа го приложувам овој извадок од Вест од 2002-ра
http://star.vest.com.mk/default.asp?id=54847&idg=3&idb=745&rubrika=Makedonija
Внатре главни клиенти се цигани гастербајтери со надвор паркирани Мерцедесите и БМВињата со немачки, швицарски, бечки и остали регистарски таблици, нормално сите оковани во златни ланци и прстени. Певаљката мрсна средновечка жена со целулитишта и банџи цицки. Песните што се пејат таму ги знае само оргиналниот пејач што ја испеал првично песната, споментата певаљка и мајката на оргиналниот пејач ако е уште жива. Шабан. Синан, Шемса, Халид, Харис за такво место се префинети колку што би биле Хајдн, Хендл, Вивалди и Брамс да ги пуштат на рап журка. Танчерките беа неизбежен дел од декорот тогаш, нормално за пригодна цена можеше да добиеш и...дискусија за текот на експоненцоналниот напредок во технологијата сето тоа поткрепено со графикони, сликички и википедија линкови. Топлото оружје беше и сеуште донекаде е облигаторен декор со модата својствена единствено за непосредниот запад од Ќафасан.
Стар В'к
Оваа за жал веќе непостоечка кафана беше моја рана. Се наоѓаше во подрумчето под хотел Лаки (види линк погоре) во непосредна близина на клубот на пратеници. на самото стакло на влезот од вратата стоеше слика од волк како од цртан филм налик на оној Ну Зец Пагади
а испод сликата стоеше и името Стар В'к. Баш така сосе апострофот. Внатре вкупно 4 маси, нашиот клас број 6 со класот број 4 се збиравме и беше фул. Шанкот беше 70 сантима а до него беше вецето со шибер врата на која што на лист хартија имаше напишано Шибер да не случајно некој трезе ја отворе при зорт. Ве-цето класика-чучневац. Газдата личеше на пејачот Ванчо Тарабунов ќелав со попска брада. Повторно појаснување за покемон генерацијата не, не е тој од Идолот Тарабунов него овој
абе истиот како брат да му беше. Нормално пиеше со нас, две тури ние, третата од него. Некогаш за викенди викаше певаљка и на едниствениот звучник кој не знам дали повеќе крчеше од што беше од пеесет и деветта или од гласот на певаљката која звучеше како да голтнала коска од риба ечеа кафански хитови домаќи и шумадијски. Само на такво место можеш да сретнеш човек кој ти иде сам во кафана во доцни 40-ти, рани 50-ти, сателит направен, меша чочек како да е тинејџер, и се упикува на певаљката дали да ја граба, дали да му пее на уфце, па после ти иде на тебе и обраќајќи ти се со следните зборови со карактеристична арома на лук, ракија и туршија ти вика-Јас сум тој и тој. Ако некогаш се запишуваш на Филозофски, да ме побараш мене. Ете тоа беше Стар В'к под култниот хотел Лаки. Толку многу носталгија...
Сватив дека на оваа тема малку ми е еден пост па морам да го водам овака фељтонски. До следниот пост...
Е тоа мислам дека е биртија во права смисла на зборот.
Прееска поминував од тука, го здогледав местово и ми текна дека мора да биде спомнато, споделено и овековечено во оваа тема
.Кај нас у тетово има една развод брака се вика