За тие 6 месеци што не играл сигурно не заборавил да шутира ебаго
Но тоа се зависи од самиот тренер,мада мислам дека Мурињо ке го пушти во игра пошо сака да експериментира со составот,да види колку е подготвен Пандев за игра,пошо комотна разлика на табела пред “конкурентите“,може да си дозволи мал луксуз
Не дека заборавил да шутира туку се губи формата. Секако дека не може Мурињо да се основа на головите постигнати во Репрезентацијата.
За експериментите се сложувам, но кога веке запињаше уште на почеток на сезоната да го добие Пандев сигурно нема да го чува за Лепота!
....................................................
Значи сеуште не е потврдено!
Најдобра опција за Пандев - враќање „дома“?
„Дома“ во случајов е Интер, оти тоа беше неговиот прв клуб на Апенините, со него стана младински првак на Италија, во сегашниот тим нема играчи што би му конкурирале за место во тимот, Мурињо го сака, а Интер има и најдобра финансиска понуда во однос на Милан или Јувентус
Интер, Милан, Јувентус, Тотнем, Арсенал, Челси, Манчестер сити, Зенит, Шахтер, Баерн, Севилја, Атлетико Мадрид... Вака изгледаше долгата листа заинтересирани клубови што низ медиумите во своите земји покажуваа желба да го видат најдобриот македонски фудбалер Горан Пандев во своите редови. Од мај годинава, откако и почна голготата на струмичкиот Ил Феномено во Лацио, која завчера заврши со најголемата победа, раскин на договорот, како на филмска лента се вртеа информациите за неговата иднина. Но како што се приближува 1 јануари и зимскиот преоден рок, изборот е речиси готов - италијанскиот првак Интер.
Ако се суди според изјавите на Пандев, долгата листа заинтересирани се скусува само на Италијанците. Но не на сите калчолигаши, туку на најголемите, што јасно ја покажува амбицијата на Пандев, да освојува трофеи. Финансиските услови, каде било да замине, за најмалку петпати ќе бидат поголеми од потценувачките 400.000 евра годишно што ги добиваше во Лацио. Сепак, фактот дека сигурно ќе остане во Италија, Пандев и нема да ја избере најдобрата финансиска понуда, таа на руски Зенит, кој нудеше и четири милиони евра годишно.
ПЕТ ФАКТИ ВО КОРИСТ НА ИНТЕР
Милански Интер, четирикратниот италијански првак во низа на Апенините, со пет факти е најпривлечен за Пандев. Прво, затоа што шест месеци беше најконкретен, а уште летово најавите беа оти струмичанецот има преддоговор со „нераѕурите“. Како што вели Пандев, Интер и финансиски ќе платеше за трансфер, ако побарувањата на Лотито беа понормални, за разлика од Јувентус и Милан, кои чекаа тој да стане слободен играч да би го ангажирале.
Второ, затоа што и самиот Пандев некако е врзан со овој клуб, оти италијанската одисеја почна токму од младинскиот погон на овој клуб, со кој освои и титула во првенството до 21 година, а победи и на Вијареџо, најпрестижниот клупски турнир за младинци. Трето е тоа што особено креативните способности му отвораат поголеми шанси за да игра, затоа што Интер кубури токму со ваков профил на играчи, за разлика од ривалите Милан и Јувентус. Четврти е фактот што и Жозе Мурињо, еден од најдобрите тренери во моментов, јавно ја изрази желбата да го види кај себе, а петти е што Интер има најдобра финансиска понуда во однос на „росонерите“ или „старата дама“, со тоа што од година в година би му се зголемувала платата, почнувајќи од 2,5 милиони евра во првата година.
- Сакам еден напаѓач за засилување и сé останува на претседателот - веќе со денови истакнува Мурињо.
Интер од јануари во следните 45 дена нема да смета на Самуел Ето, но Португалецот во Пандев не гледа само засилување за на
падот, туку и отворање нова димензија во играта. Интер со години игра шаблонски, прв е во пазарењата, но нема голема среќа со вистинските креативци. Сезонава, играта им се размрда со доаѓањето на Холанѓанецот Весли Снијдер од Реал Мадрид, па токму карактеристиките на Пандев, кои ги потврди во Лацио, дека знае често да асистира и дека сака да игра со топка се главна причина за желбата на Мурињо да го ангажира.
Со самото тоа што е различен од голгетерите Диего Милито - Самуел Ето, двете летни засилувања, отвораат простор Пандев да игра како полушпиц, па дури и да се врати како страничен играч, нешто што ги импресионира тренерите на Апенините веднаш по неговата прва сезона со младинците на „нераѕурите“ и доминантната сезона во таа категорија.
Позицијата на Пандев и неговите способности за гол од втор план, на Мурињо би му ја отвориле и варијантата Марио Балотели да не го користи како страничен играч, што често се покажало како погрешно во изборот на многу мечеви во оваа полусезона.
МЕШАНИЦА ВО МИЛАН И ВО ЈУВЕНТУС
Милан и Јувентус, иако со кризи во периоди, реално и не се многу погодни за Пандев, особено што во двата клуба има креативци и напаѓачи „на тони“. Тешко дека без одигран меч, Пандев би бил во сериозна комбинација кај тренерот Леонардо во Милан, покрај Пирло, Сидорф и Роналдињо, плус со Дејвид Бекам наскоро, а со Инѕаги - Пато - Бориело како опции за нападот.
Исто е и во Јувентус, каде што нападот и средниот ред се полни докрај Диего-Дел Пјеро-Амаури, и со фактот што тренерот Чиро Ферара е пред отказ и под голем притисок затоа што не ги експлоатира вистинските позиции на играчите, пред сите на Фелипе Мело и на Диего и знае доста дефанзивни играчи за врска да стави во тим, па целата креација да падне врз поранешниот играч на Вердер, Диего.
Руски Зенит, пак, победникот на Купот на УЕФА лани, останува заинтересиран, но и најсилната финансиска понуда веројатно нема да го премисли Пандев, иако нов тренер е Лучано Спалети (до неодамна тренер на Рома), спонзор е гигантот „Газпром“, а амбициите многу високи - враќање во елитата.
Де Лаурентис: Ќе се жртвувам да го донесам во Неапол
Само 24 часа откако Пандев доби раскин на договорот, претседателот на поранешниот првак Наполи, Еугенио де Лаурентис, објави дека со сите сили ќе се обиде да го убеди Горан Пандев да замине во Неапол.
- Ќе се жртвувам, финансиски пред сé, за да го донесам во Неапол. Знам дека сака да остане во Италија, а Неапол ќе биде најдобрата дестинација за него - рече де Лаурентис.
Наполи и летоска лицитираше за ангажман на Пандев.
Италијански медиуми: Пандев до вторник на прегледи во Интер!
Иако Пандев и менаџерот Карло Палавичнино најавија миниодмор и мирен избор на новата средина, италијанските медиуми вчера најавија дека до вторник струмичанецот ќе се појави во „Апијано Џентиле“ (тренинг-кампот на Интер) на лекарски прегледи и оти потоа ќе замине во Саудиска Арабија, каде што „нераѕурите“ ќе бидат на миниподготовки.
Според најавите, Пандев може да биде регистриран веќе на 2 јануари и веднаш би добил право за настап на првиот меч во новата година, против Киево, на 6 јануари. Речиси сигурно Пандев би добил петгодишен договор.
ИНТЕР
3.000.000 евра годишно
тренер: Жозе Мурињо
соиграчи: Снијдер, Станковиќ, Ето, Милито, Мота
позиција: полушпиц, крило
предности: креативноста, честите повреди на единствениот организатор Снијдер, играње во Лигата на шампионите
маани: физичка неподготвеност “според Мурињо&рдљуо;, кој многу инсистира на таква фаза
МИЛАН
3.000.000 евра годишно
тренер: Леонардо
соиграчи: Роналдињо, Пато, Сидорф, Бекам, Пирло
позиција: напаѓач/крило
предност: младоста и индивидуалните способности, наспроти годините на Инѕаги, Сидорф и „сидрашите“ Бориело и Хунтелар, играње во Лигата на шампионите
маани: премногу ѕвезди во тимот, недостаток на дефанзивни задачи
ЈУВЕНТУС
2.500.000 евра годишно
тренер: Чиро Ферара
соиграчи: Мело, Поулсен, Диего, Дел Пјеро, Амаури
позиција: крило
предност: кризата на „старата дама“
маани: предноста на триото Диего - Дел Пјеро - Амаури, клубо испадна од Лигата на шампионите и напролет ќе учествува во Евролигата на УЕФА
ЗЕНИТ
4.000.000 евра годишно
тренер: Лучано Спалети
соиграчи: Бистров, Фајзулин, Дани
позиција: полушпиц, крило
предности: Сигурно место во првиот тим и најголема плата
маани: Зенит никаде нема да игра до март 2010 година, зашто испадна од сите европски натпреварувања. Тоа би значело пауза од десет месеци за Пандев
