Можеби постов е повеќе за во темата „Кошаркарска репрезентација на Македонија„ ама оваа е популарна па најверојатно ќе го оставам овде.
Мое аматерско видување на квалификацискиов турнир, секако не мора да е точно. Млекото е истурено, штетата е направена. Не треба да бесиме и да колеме никого, никој не сакаше да испадне вака. Ама не треба ни да бидеме ноеви и да бутаме главата во песок и да пишуваме само постови на поддршка од страв да не не прогласат за предавници. Математиката е јасна - ако имавме послаби противници од нас, ако имавме услови за подготовки, екипа подобра од 3 противника (од кои од два изгубивме) и ако не успеавме да дојдеме барем до полуфинале, значи дека нешто не е во ред.А ако нешто не е во ред, мора некој да е виновен за тоа. За мене тоа е Лазовски ( и тој што го поставил), за други можеби некој друг
Пред неколку страни кратко напишав како гледам на неговиот ангажман како тренер
...добива на поклон ферари од пријатели и наместо да го прави тоа што треба да го прави ... го товари со детелина и со дрва и го шиба off road. После скоро година дена еве што остана од ферарито.
еве сега и поопширно.
Со прифаќањето на ова место ми се чини (не сум сосема сигурен) дека сакаше да си направи име преку ноќ - готова екипа, крајно мотивирана за ОИ, со јака поддршка од сите, квалитетни поединци,подоцна испадна дека имаме и послаби екипи во група... само да се појави на турниров и да догура до полуфинале. Од тука натаму можеше само да добие.
Како ја спреми екипата (за ова сум сосема сигурен, се виде)?
Почетокот на подготовките и тоа што сите доаѓаа кој кога сака ќе го прескокнам. А можеби и треба да направиме споредба со Марин кој одеше од човек до човек (да, и со Владо) и им соопшти кои се условите за да играат на ЕП? Земи или остави. Ајде сепак да го прерипнеме ова, ни се случува во сите спортови и ни е хроничен проблем.
Атмосфера сомнителна - не бев таму и не можам да тврдам ништо, ама однесувањето на играчите ме зачуди. Што стана со екипата од ЕП каде сите ИСКРЕНО се бодреа и гинеа еден за друг? Им фрчеа искри од очи, сега сите некои празни погледи. Небитно, може мене така ми се причинило.
Психички тотално неспремни - овде нема што да ми се причинува, се се гледа. Не ми се веруваше кога Антиќ на првиот тајм-аут на првата утакмица оди накај клупа нервозен и псуе све живо и диво. По само 5 мин од квалификации кои траат 250? Да се разбереме псуев и јас, ама јас сум само гледач и моето псуење не влијае на нашата игра
. Добар показател е и изведувањето на слободни првите две утакмици, а тука може да го ставиме и стравот од шутирање кај близнаците (уствари кај сите освен кај Владо и Бо). Не може да има трема кај човек што шутираше 6/6 во 1/4 финале на ЕП, а и ако ја има тоа е грешка на тренерот.
Физички исто неспремни - показатели скоковите, свежината и пак слободните. Види после 35 мин кој шутира слободни со спуштени рамена и кој промашува повеќе од својот просек и се ти е јасно.
Од одлична одбрана направи швајцарско сирење - не пишувам тука многу мислам дека сите се сложуваме, а и примените кошеви на последниве 7-8 утакмици го покажуваат тоа. Нека не се лаже некој дека со НЗ беше добро, исто и овие аматери остануваа често сами на шут (без 1/4) само промашуваа, а Анголците и овие вчера не.
Нападот исто тапа - до душа дававме повеќе кошеви од некој си наш просек ама не е тоа тоа. Изградени акции компир, шут од дистанца дискутабилен, се се сведуваше на моментална инспирација на поединци (Бо, Пеџа, Владо). Маалска кошарка.
Водење на утакмица - исто компир. Да не ги повторувам примерите од вчера што веќе ги напишав, еве и некои други - по наш тајм аут со Ангола напад води Војдан. Тргнува напред, се враќа, тргнува десно 3 чекора, се враќа, тргнува лево неколку чекора, пак се враќа.По добри 10 секунди од нападот стои на истото место од каде што тргна, ито и сите други. Прва напад после друг тајм аут- шут за 3 преку човек, едниот центар веќе трча назад а другиот не ни стигнал до таму. Па кои акции им ги кажуваше човече божји?!?!
И да, ова важи и за првата и за вчерашната утакмица - влегуваме во двете со 4-6 негатива во последните минути. Има ли некој на форумов што ќе ми објасни која тактика уствари ја игравме? Со брз фаул и на слободни? Со чиста одбрана и контри? Одевме ли на тројки? Еве јас искрено не сфатив што игравме во завршницата, ми личеше на се по малку.
Ротација, што беше тоа? Зошто уствари влагаше Гец? Скок нема, брзина нема. Да шутира од дистанца? Па одма по влагање беше слободен на 3, му беше страв да шутне. Тргна на 2, промаши и од таму. Значи јас немам појма колку добро би изиграл Кирил, не сум Нострадамус. Ама не може да изигра полошо од 0 ск, 0 п 0 ас. 2-3 загубени топки. Па и јас можам да изиграм неколку мин со таква статистика, проблем ли е. Во најлош случај ќе направеше 4 лични, ќе ги измаваше ќумбињата и ќе им дадеше 6-7 мин одмор плус на Антиќ и Пеџа. А и Антиќ ќе влезеше со 1-2 лични во второ полувреме.
Имавме огромна шанса и не ја искористивме. Боли повеќе отколку што треба бидејќи ни фалеа ситници кои не коштаат пари и кои лесно се отстрануваат ама тоа е.
Лазовски се коцкаше и изгуби. Сакаше да влезе у историја, сега пак ќе влезе ама како најголем лузер. Играчите не би ги обвинувал. Добар дел потфрлија ама се спремаа како што им е кажано и го игра тоа што го бара тренерот од нив.
Од мене лаик толку.
![[ Македоникус ]*](/data/avatars/m/26/26045.jpg?1373015970){kind=avatar}
