Од каде излезе па сега оваа твоја констатација , дека употребата на стандардниот македонски јазик е подобра од било кога досега . Јас па тврдам дека е скроз обратно од тоа што го велиш ти , т.е. , дека е далеку полоша од тоа што беше до пред 15-20 години .Овде конкретно мислам на употребата на јазикот во медиумите и воопшто кај скоро сите јавни личности кои се појавуваат на Тв ( водители на емисии , политичари , парламент итн. ) . Ова не го зборувам од некој мој стручен агол , затоа што ниту сум стручен во врска со темава ниту па сум правел некои посебни анализи во врска со ова , туку од чисто мое согледување како обичен граѓанин ( гледање на Тв , читање на весници и книги ) . И незнам зошто толку му се пушти на Владе со критики во врска со темава . И мене ми пречи начинот на кој тој ги пишува неговите ( конкретно не користењето на голема буква од негова страна ) , но како што и сам ти кажа , тоа е негов начин на пишување на форумов и тоа е ок , иако е малку заморно да се читаат неговите постови заради непочитувањето на граматичките правила . Поздрав и баш ме интересира да образложиш зошто мислиш дека состојбата со користењето на литературниот јазик е толку розова како што велиш .
Хм, не зборуваш од стручен агол, не си правел анализи, ама состојбава ти се глеа лоша. Ова во сериозни дебати не може да пројде бидејќи е ѓутуре исказ. Мене ѓутуре муабети на оваа тема не ме бендисуваат и тука не можеш да ми замериш.
Да, тврдам дека состојбата со јазикот во МК е подобра отколку било кога поради низа фактори кои и тоа како влијаат на пристапот до стандардниот јазик и развојот на писменоста. Ќе наведам два битни за почеток.
1. Бројот на училишта и универзитети е поголем отколку било кога. Наспроти моментниот квалитет и програмска понуда, појавата на приватни средни училишта, факултети и универзитети во перспектива може само да биде двигател напред. Пазарот на труд ќе го стори своето. Треба трпение.
2. Интернет, ИТ инфраструктура и софтвери на стандарден македонски јазик. Според официјални статистики пристапот до интернет во МК е 50% -- тоа е се`уште далеку зад развиените земји, но користењето интернет е во рапиден пораст и многу силно влијае на писменоста и пристапот до стандардниот јазик. Секојдневно.
Имање софтвери на македонски (не само за word processing програми) е бајаги значаен фактор за одржување и афирмација на стандардниот пишан јазик. Работев како консултант на Мајкрософт кога се изготвуваше првиот спел чекер за македонски јазик и знам што зборувам.
Има уште да се зборува на темава, но еве, јас ти понудив некои аргументи.
Е сега, повели потврди ја основната твоја премиса за да може да дискутираме понатаму. За да ја легитимираш премисата дека пред 15-20 години состојбата била поарна, треба да понудиш некои статистички докази или да направиш некаква лингитудинална компарација која ќе го покаже разликите во состојбата со стандардниот јазик. Бујрум направи такви споредби и анализи па ќе разговараме аргументирано.
За потсетување, еве ги прашањата кои ќе ти помогнат да го сториш тоа:
Врз кои параметри го базираш тврдењето дека употребата на стандардниот македонски јазик е во опаѓање или стагнација? Понуди некои статистички податоци или индиректни статистички показатели кои ќе укажат на таков негативен тренд. Ако ги немаш (не е страшно) колкав процент од населението во МК
целосно го владее стандардниот македонски јазик? Внимавај, не те прашувам колку луѓе се функционално писмени, ами колку од луѓето во МК го владеат стандардниот јазик
на она ниво за кое ти ламентираш во твојот иницијален пост?
