Aјде малце да ви ја сменам дискусијата.
Денес ќе се соочат Атлетик Билбао-Еспањол, ова ќе биде многу интересен натпревар бидејќи и двете екипи сакаат да го земат четвртото место кое ќе ги однеси во ЛШ. Еспањол моментално е на петото место на табелата, а Атлетик на шестата позиција и разликата помеѓу овие два клубови е само 2 бодови. На четвртото место е екипата која сезонава изненади, Леванте. Леванте има исто бодови со Еспањол но подобра гол разлика (+2 голови) и ќе му гостува на Расинг Сантандер кој доколку сака да се оддалечи од опасната зона мора победи. Во случај Виљареал да киксни со Севиља на Сантандер ќе му биде доволно и реми за да не падни во едно од трите места кои водат во Сегунда. Да се навратиме на натпреварот Билбао-Еспањол, во последните 4 натпревари Билбао има само 1 победа, а Еспањол 3 победи. Очекувам натпреваров да биде проследен со одлична игра и многу голови. Моја прогноза за натпреваров е тесна победа на баскијцине бидејќи кога играат пред домашна публика се скоро одлични. Со победа баскијцине би се искачиле на четвртото место имајќи 31 бод и подобра гол разлика од Леванте (доколку Леванте киксни).
Утре ќе се играат два дерби натпревари. (Атл.Мадрид-Валенсија и Севиља-Виљареал).
Гарантирам дека утре на Висенте Калдерон дуелот помеѓу овие две ќе биде одличен.
Интересно е тоа што Атл.Мадрид нема примено гол од кога Симеоне е на нивната клупа и имаат 3 победи и едно реми. И на последните 4 гостувања на Валенсија на Калдерон Атлетико има 3 победи. На домашен терен Атлетико се трета најдобра екипа позади Реал Мадрид и Барселона со 21 освоени бодови. А од друга страна Валенсија е трета најдобра екипа кога се во прашања гостувањата освојувајќи 16 бодови. Со победа Атлетико би се приближиле до четвртата позиција, а доколку победат Валенсија би се приближиле колку-толку до Барселона и би ја зацврстиле третата позиција. И двете екипи ќе влезат силно мотивирани во овој натпревар и мислам дека вреди да се гледа овој натпревар.
Севиља-Виљареал и двете екипи сезонава ме разочараа. Очекував многу повеќе од двете екипи, посебно од Севиља но да се надеваме дека за брзо време ќе се вратат во победничките серии.
Пишав и погоре дека ако Виљареал сака да излезе од зоната за испаѓање мора да им се поклопат коцките. Пораз на Расинг од Леванте и победа на Виљареал со Севиља би ги извадило од зоната за испаѓање. Меѓутоа мислам дека тоа ќе биде ептен тешко за Виљареал бидејќи сезонава играат многу слабо. На Санчез Писхуан Севиља е тежок противник за секоја екипа, публиката секогаш ствара одлична атмосфера и се дванаесетиот играч на Севиља.
Како и да е јас очекувам сензација од жолтата подморница.
Има многу комбинации што можат да се случат ова коло и да се измешаат позициите на табелата (освен на првите три).
Толку од мене, можите да се навратите на безвезните дискусии кои немаат крај.
Поздрав
