Роналдињо нема да ја напушти Барса
Откако сите светски медиуми пренесоа дека Роналдињо е на чекор да потпише за Челзи, се огласи и неговиот менаџер, Роберто де Азис кој категорично демантираше за какви било преселби. Роналдињо е среќен во Барса, вели неговиот брат.
Сите информации за заминувањето на ѕвездата на Барселона, Роналдињо беа категорично демантирани од неговиот менаџер и брат Роберто де Асис.
Тој во интервју за РМЦ радио изјави дека неговиот клиент е задоволен во Шпанија и нема никаква намера да го напушти каталонскиот клуб, пренесува Нетпрес.
„Брат ми е најдобар фудбалер на светот и нормално е да го предизвикува интересот на најголемите тимови. Сепак тој има перфектен договор со Барселона и нема зошто да го раскинува. Се чувствува прекрасно во градот и комуникацијата со тренерот Франк Рајкард и соиграчите му е одлична“.
„Фановите на тимот го обожаваат, а и тој нив исто така. Се на се тој има идилична врска со Барселона и не размислува да си замине. Ситуацијата е едноставна, сега се наоѓа во дупка, од која се надевам дека многу брзо ќе излезе“.
„Во фудбалот нештата многу брзо се менуваат и никој не може да каже ништо со апсолутна категоричност, но сега засега, Роналдињо не сака да ја напушти Барселона“, изјави Роберто де Асис.