Пиратеријата е како бизнис во сенка (да се изразам со политички жаргон) и многу придонесува за развојот на општеството, особено во нашето бидејќи ако не беше пиратеријата јас можам слободно да се кладам дека ИТ технологијата немаше сеуште да биде на почетно ниво, а камо ли на ниво кое што е сега. Кога ќе можевме да си дозволиме покрај компјутерот за кој плаќаме по околу 500 евра во просек да платиме исто толку и за лиценциран софтвер за да можеме легално да користиме компјутер? Кога ќе можевме слободно да си дозволиме да си купиме ДВД со некој филм кој го гледа целиот свет, ако пиратеријата не ни го дозволеше тоа. Факт е дека пиратеријата не е легален бизнис, но во целата своја негативност направи позитивно образование на новите генерации со ИТ технологија и софтвер, па така ние сега слободно можеме да се носиме со времето и технологијата што моментално е најупотребувана во светот. И на крај, сакам да се контролира пиратеријата, ама со прифатливи цени на оригиналите. А и на крај на краиштата мислам дека пиратеријата беше намерно стимулирана од компаниите што продаваат оригинали со цел еднаш да невлеземе во проблемот (или еднаш да ни ја „турат чивијата“ и да не привлечат) за потоа ние кога ќе навлеземе длабоко во сето ова да бидеме приморани ако сакаме понатаму да напредуваме да мораме да си купуваме оригинали. Тоа постепено се случува со отварање на познатите брендови и компании на свои претставништва и дистрибутивни центри на своите производи во Македонија.