- Член од
- 3 ноември 2008
- Мислења
- 3.189
- Поени од реакции
- 1.359
Грузија бара да ја нарекуваат Џорџија, ќе има ли вето од Американците?!
29.06.2011
Тбилиси вчера испрати официјално барање во меѓународната комуникација да не се користи името Грузија, туку Џорџија, за што не се очекува да се спротивстават САД, кои имаат сојузна држава со истото име
Ве молиме, отсега натаму нарекувајте нé Џорџија! Вака гласи писмената молба од официјален Тбилиси, испратена до меѓународната заедница и до сите земји што го користат името Грузија, меѓу кои е и Македонија.
Агенциската вест стигна побрзо од официјалниот допис. До вчера попладне во Министерството за надворешни работи сé уште не беше стигнато ова барање, но домашните дипломати оставија простор дека е можно да стигне подоцна поради временската разлика. Грузијците се одлучија на овој чекор бидејќи името Грузија потекнува од руското говорно подрачје, а нивните односи со официјална Москва се замрзнати по кратката војна во летото 2008 година.
- Сосема е разбирлива реакцијата на Грузија што бара промена на името, кое и било наметнато од бившиот советски режим – вели универзитетскиот професор Димитар Мирчев, толкувајќи го барањето на оваа држава на југот на Кавказ.
Несогласувањата меѓу двете поранешни земји, кои беа дел од СССР, продолжија и откако Москва одлучи да ја признае независноста на Абхазија и на Јужна Осетија, области што се наоѓаат на грузиска територија. Засега не се знае какво е барањето на владата во Тбилиси во однос на придавките и дали ќе треба и јазикот што го користат да се нарекува џорџијански или џорџиски, а нацијата џорџијанска или џорџиска.
Самите Грузијци за својата земја отсекогаш имале посебен термин. Тие татковината си ја нарекуваат Сакартвело.
Новото име, кои тие бараат да им биде официјално во кореспонденцијата со светот, веќе го носи американската држава Џорџија. Земјата, која се наоѓа во југоисточниот дел на Соединетите Американски Држави, е формирана во 1732 година и оттогаш го носи името што го добила по британскиот крал Џорџ Втори. Една од шегите што кружеа по ходниците за време на НАТО-самитот во 2008 година во Букурешт беше поврзана токму со Џорџија. Откако Грција одлучи да ја блокира Македонија поради нерешениот спор со името, кое Атина бара да го смениме бидејќи и тие имаат провинција со исто име, американските новинари присутни на самитот се шегуваа дека и Вашингтон ќе го има истото право кога Грузија ќе стигне пред вратите на Алијансата.
- Сличноста во случајот Македонија и Грузија е во тоа што и двете држави имаат суверено изразена волја да се нарекуваат како што сакаат, а разликата е што САД никогаш нема да се побунат поради одлуката на Грузија да се нарекува Џорџија, како што тоа го стори Грција во нашиот случај - вели професорот Стево Пендаровски.
Според меѓународното право и практика, вели Пендаровски, она што Грција го прави со противењето да се нарекуваме како што сакаме е преседан.
Во светот постојат повеќе слични ситуации, но спор меѓу државите нема. На пример, Белгија има провинција со име Луксембург исто како што се нарекува и војводството Луксембург, кое е посебен меѓународен субјект. Во Франција постои област Британија, именувана исто како и кралството, а Романија има област со истото име како и соседната држава Молдавија.
Не се ретки ниту пак примерите во светот кога државите сами, без тоа да го бара никој од нив, слично како и Грузија сега, се одлучуваат да си го сменат името. На пример, Бурма неодамна се реши да се преименува во Мјанмар, Цејлон во Шри Ланка, холандска Гвајана во Суринам, Формоза во Тајван итн.
http://www.novamakedonija.com.mk/NewsDetal.asp?vest=62911950119&id=9&&prilog=0setIzdanie=22317
29.06.2011
Тбилиси вчера испрати официјално барање во меѓународната комуникација да не се користи името Грузија, туку Џорџија, за што не се очекува да се спротивстават САД, кои имаат сојузна држава со истото име
Ве молиме, отсега натаму нарекувајте нé Џорџија! Вака гласи писмената молба од официјален Тбилиси, испратена до меѓународната заедница и до сите земји што го користат името Грузија, меѓу кои е и Македонија.
Агенциската вест стигна побрзо од официјалниот допис. До вчера попладне во Министерството за надворешни работи сé уште не беше стигнато ова барање, но домашните дипломати оставија простор дека е можно да стигне подоцна поради временската разлика. Грузијците се одлучија на овој чекор бидејќи името Грузија потекнува од руското говорно подрачје, а нивните односи со официјална Москва се замрзнати по кратката војна во летото 2008 година.
- Сосема е разбирлива реакцијата на Грузија што бара промена на името, кое и било наметнато од бившиот советски режим – вели универзитетскиот професор Димитар Мирчев, толкувајќи го барањето на оваа држава на југот на Кавказ.
Несогласувањата меѓу двете поранешни земји, кои беа дел од СССР, продолжија и откако Москва одлучи да ја признае независноста на Абхазија и на Јужна Осетија, области што се наоѓаат на грузиска територија. Засега не се знае какво е барањето на владата во Тбилиси во однос на придавките и дали ќе треба и јазикот што го користат да се нарекува џорџијански или џорџиски, а нацијата џорџијанска или џорџиска.
Самите Грузијци за својата земја отсекогаш имале посебен термин. Тие татковината си ја нарекуваат Сакартвело.
Новото име, кои тие бараат да им биде официјално во кореспонденцијата со светот, веќе го носи американската држава Џорџија. Земјата, која се наоѓа во југоисточниот дел на Соединетите Американски Држави, е формирана во 1732 година и оттогаш го носи името што го добила по британскиот крал Џорџ Втори. Една од шегите што кружеа по ходниците за време на НАТО-самитот во 2008 година во Букурешт беше поврзана токму со Џорџија. Откако Грција одлучи да ја блокира Македонија поради нерешениот спор со името, кое Атина бара да го смениме бидејќи и тие имаат провинција со исто име, американските новинари присутни на самитот се шегуваа дека и Вашингтон ќе го има истото право кога Грузија ќе стигне пред вратите на Алијансата.
- Сличноста во случајот Македонија и Грузија е во тоа што и двете држави имаат суверено изразена волја да се нарекуваат како што сакаат, а разликата е што САД никогаш нема да се побунат поради одлуката на Грузија да се нарекува Џорџија, како што тоа го стори Грција во нашиот случај - вели професорот Стево Пендаровски.
Според меѓународното право и практика, вели Пендаровски, она што Грција го прави со противењето да се нарекуваме како што сакаме е преседан.
Во светот постојат повеќе слични ситуации, но спор меѓу државите нема. На пример, Белгија има провинција со име Луксембург исто како што се нарекува и војводството Луксембург, кое е посебен меѓународен субјект. Во Франција постои област Британија, именувана исто како и кралството, а Романија има област со истото име како и соседната држава Молдавија.
Не се ретки ниту пак примерите во светот кога државите сами, без тоа да го бара никој од нив, слично како и Грузија сега, се одлучуваат да си го сменат името. На пример, Бурма неодамна се реши да се преименува во Мјанмар, Цејлон во Шри Ланка, холандска Гвајана во Суринам, Формоза во Тајван итн.
http://www.novamakedonija.com.mk/NewsDetal.asp?vest=62911950119&id=9&&prilog=0setIzdanie=22317
