Во саботата, на 26 јули, по повод четириесет години од катастрофалниот земјотрес што го зафати Скопје, беше поставен камен-темелник на Транспортниот центар. Стартот на градежните работи, симболично го означи премиерот Бранко Црвенковски, како и министерот за транспорт и врски Милаим Ајдини и градоначалникот на Скопје, Ристо Пенов. Со тоа, конечно, ќе се реализира долгонајавуваниот проект за транспортен центар, во чии рамки требаше да се гради и меѓуградска автобуска станица.
Новата автобуска станица ќе ги задоволува потребите на градот за наредните сто години. Планирано е дневно да опслужува 40.000 патници.
Проектот за автобуската станица е изработен од тим архитекти од проектантското биро ?Балкан консалтинг°, на чие чело е архитект Лилјана Кик. Новата автобуска ќе се гради на простор од 13.000 квадратни метри, а габаритот на објектот ќе опфаќа 1.600 квадратни метри.
Градежните работи ќе ги изведува градежната компанија ?Гранит°, а изградбата ќе се одвива во три фази. За изградбата на првата фаза Градот ќе инвестира околу 20 милиони денари, а парите за реализирањето на втората и третата фаза допрва треба да се обезбедат. За потребите на Транспортниот центар ќе бидат изградени 24 перони, нов паркинг-простор, нови улици и нов мост на реката Вардар, кој би претставувал поблиска врска со Скопски саем. Проектот ќе биде завршен до крајот на годинава, а објектот ќе биде ставен во функција идната пролет. Симболично првиот автобуски билет за релација Скопје - Охрид им беше доделен на децата од Детското село, кои ќе бидат првите патници на новата автобуска станица кои ќе отпатуваат на екскурзија.
Патем за Шмизлата важи реченицата од говорот на Ѕинго. Тоа е уникатно овде во балканот а и пошироко. Кога и да поминам од таму некој се фотографира со нејзе. Странски туристи ја фотографираат од сите агли 
