Владимир Аговски – Аго А.К.А. Стариот ( MC, Аудио и Видео Продуцент)
1986 е годината кога Владимир Аговски ака Аго за прв пат преку b-boy-от навлегува во тогашната рап (денес позната како хип хоп) култура.
Хип хоп – от како култура се појавува во подоцнежните години од развојот на рап музиката.
Во 1987 година ја оформува првата Македонска underground група “Masters of rap”. Првата студиска снимка ја прави во 1988 во “Ksanadu” студио, а првиот видео запис го објанува 1989/90 на помеката нумера насловена како “Не заборавај ме”. Настапува на Џаро фест на градскиот стадион 1990 год. Деведесет и прва е година кога влегува во групата Instant Beat (Аго, ММ Vlado G) со која има настапи ширум Македонија: дискотека “Hall” и пливачки базен (Велес), дискотека “Парк” (Кавадарци), дискотека “Кактус” (Струмица), дискотека “Лав” (Гевгелија), Rap & Roll МКЦ и многу други...
Во наредната година е организирана првата рап забава во Македонија заедно со Зоки од групата “Dm Dziezt” во кафе барот под МКЦ, денешно Братство и Единство. Албумот на Instant beat не беше суден да излезе, иако беше работен во Македонска радио телевизија.
Во 1992 година паралелно ја оформува групата The Most Wanted во која работи самостојно се до излегувањето од Instant Beat (крај на 1992) по што му се придружува Тец. Како The Most Wanted имаат многу настапи ширум Македонија. Во 1995 година го издаваат првиот Македонски hardcore rap албум под име “Пресудниот ден”, со кој ги поставуваат темелите на целокупното Македонско рап движење. Албумот е еден од најдобро продаваните албуми во тоа време. The Most Wanted изигра голема улога во Македонската урбана култура и стана икона на македонскиот hardcore rap како и најпочитуван познат рап бенд дури и на популацијата што слуша друг вид на музика.
По распаѓањето на The Most Wanted во 1996, Аго продолжува соло како Темната страна и ја оформува ДНС продукција (Долина на Сенките) која како официјален record label почнува да функционира на нејзината 10 годишнина. Воедно ДНС продукција е првиот официјален Македонски хип хоп record label.
Аго како продуцент може да се пофали со преку 300 изработени хип хоп нумери што е реликвитет во нашата земја (
www.myspace.com/dolinata).
Официјални и неофицијални изданија се:
ДНС Том 1 Неиздадени
ДНС Ви Претставува
ДНС Том 2 Неиздадени
ДНС Том 3 Неиздадени
Следува:
Проект Елементарна Непогода
ДНС Екипа – Во добро и во зло
Темната Страна – Сеуште има надеж
ДНС Том 4 (Конкурс за афирмација на млади рап артисти)
Исток Запад – Нешто Смрди
Нов Поредок
ДНС Екипа, Исток Запад и Нов Поредок се ексклузивци на ДНС Продукција.
Помага и работи со деведесет проценти од Македонски рап изведувачи, а поголем дел од актуелните рапери кај него започнуваат да ја градат својата кариера. Дел од артистите со кој работел и работи се: Војник, Пука Козметика, Против Сите, Непријателот, XXL, Штрумф (Тутори),Scareface, Легијата (на проколнатите), Психо Тим, Човекот X, Да Џака Накот, Смут, Длабоко Навлезени, Соло, Струја, С.Т.Р. 2, С.В.П., Каја, Низок Удар, Подземјето, Екипата, Killer, Уличен Стил, N.R.G. Klan, Геноцид, Ita Flexxx, ПКМ, Скопје виа Софија. Нов Поредок, Деко (Клан Исток), Дудо, С.Т.О.П., Исток Запад, Мар, Банда Смедеревка, Духот, Чалдисани ... Работи со странски проекти и со околни балкански рап изведувачи како што се : JanZoo, Нишки Гето, Slum, Markonjero ( D-Fence), I-Bee, Dj Skill, Пешо (Поднулевиа) ...
Карактеристично за Аго е што ретко работи со семплови претежно се свирени неговите дела за разлика од овдешните продуценти. Како што ќе каже: “Како секое МС што треба да поседува свој стил на рецитирање, така и продуцентите треба да имаат свој препознатлив стил на продукција. Стилот се гради со години и станува синоним за продуцентот. Во македонија па и пошироко продуцентите не се многу креативни everybody wants to be Dj Premier. Dj Primier е Dj Premier тој е негов стил, истото ваши и за Timberland тоа ги прави посебни. “
Освен што работи траки на артисти е докажан и на многу проекти: репарација на снимки за Македонски Народен Театар, проект со Добредојде, многу аудио и видео реклами, музика за првиот Македонски порно филм “Секси Маскембал”, како тонец на многу манифестации и концерти, проект со Муарем и Дурмиш Сребрезовски, работи со голем број музичари од забавната и класичната музика, мастер инжињер на албуми...
Работи како на графички дизајн на омоти за аудио цд-а, рекламни материјали така и на видео продукција на видео реклами, презентации музички спотови: Исток Запад, Дурмиш, ДНС Екипа (но не толку професионално).
ДНС е единствена продукција во Македонија која им помага на младите хип хоп изведувачи преку
Првиот фестивал за афирмација на Македонските hardcore rap Полноќна миса 1 (2001) и 2 (2003). Покрај успешните изданија на Полноќна миса, ДНС е единствена продукција која организира конкурс за млади рап изведувачи помагајки им со изработка на бесплатни нумери кои потоа ги издава на Аудио ЦД. (дел од ДНС Том-овите 1,2,3 а во целост ДНС Том 4. Неиздадени).
На локалните забави организирани од страна на ДНС продукција, Аго како ДЈ и домаќин, нуди можност на хип хоп изведувачите ширум Македонија да ги покажат своите квалитети и е еден од ретките Дј кој пушта real raw hip hop. Позади Аго стојат многубројни забави на кои имаат настапувано изведувачи и од Балканските земји како: D-Fence, Ibee, Demonio, Под нулевиа, Dj Skill & Jose, Marchelo, Urban, Big Bos ... ДНС продукција е организатор и на првиот freestyle MC battle во клубот SCREAM.
Аго како Темната Страна има настапувано на безброј забави и концерти ширум Македонија, на трипати во Србија како Темната Страна и како дел од ДНС Екипа на “State Of Mind Srbijo”, а во соседна Бугарија на фестивалите “underground hiphop – Plovdiv vi predstavuva” и “Hip Hop Jam”. Поопширно околу официјални и неофицијални изданија, организирани настани од ДНС Продукција на
www.dnsproduction.com ,
www.myspace.com/dolinata ,
www.temnatastrana.com .
Сагата продолжува ...
Поздрав!