Ако добро те разбирам, викаш дека:
1. Религиите се ОК. (намерно стаив множина)
2. Луѓето се оние кои манипулираат -
а религијата не.
3. Човештвото никогаш нема да батали религии
4. Некои луѓе се со вроден морал, а некои не,
5. Казната е секогаш мотив за човечкото однесување, и
6. Некои луѓе полесно се манипулираат од други
Ако е ова тоа (исправи ме, те молам, ако сум згрешил во некое) тогаш јас би рекол вака:
1. Сами по себе, како
филозофија на живеење секако дека се ОК. Ниту една жива религија (како филозофија) не пропагира агресија - точно. Сепак, ќе се сложиш манифестацијата на Јудео-христијанско-исламската религија многу повеќе се помни по злосторот, отколку по добрините кои им ги донела на своите поданици. Ако некој живее според некоја филозофија, мене тоа никако не ми смета. Она од што се гнасам е
манипулацијата на институциите кои одамна ги узурпирале овие религии и ги толкуваат, прилагодуваат и користат за да владеат со умот и дејствата на поданиците. Ова, не можеш да го оспориш, бидејќи и самиот го пишуваш во постот. Ниту една религија не пропишува ритуали, догми и коленичење - тоа го пропишуваат институциите кои манипулираат со религиите. Биди си ти христијанин во душа - јас немам проблем со тоа,
АМА кога ќе ми кажеш мене дека сум јас православен дека сум роден у МК и уште кога ќе ми кажеш дека ќе горам во пеколот заради тоа што не верувам у детски приказни, е тоа не можу да го слушам.
Огромен дел од верниците се верници од СТРАВ, не од љубов кон Јахве.
Океј горе долу се согласуваме за првава точка (бај д веј женско сум..
). Не ми е јасен овој дојам само дека некој ти наметнал дека си праволсавен по дифолт само зашто си роден во МК. Еве јас сум контра таа теза. Јас стојам на стојалиште дека човекот се раѓа како табула раза, а потоа се оформува согласно околината и фактите кои сам ги зема како релевантни и со тоа си го оформува (не)верувањето. Што значи ова огромен број. Кои се тие луѓе? Јас барем никогаш не сум чула од верник дека е верник заради страв, јас лично не сум верник заради стравот, туку заради љубовта, мирнодопската природа на христијанството и ред други работи кои немаат допирна точка со стравот. Околу институциите. Јас стојам на ставот, дека тие му ја направија најголемата противуслуга на христијанството и во мнозинството случаи се причината поради која атеистите го гледаат христијанството како институционализирана религија. Ги почитувам како симболи, но стојам на мнение дека христијанството е многу повеќе од објект-црква, луѓе во одежда и литургии.
2. Не се сложувам. Институционализираните религии преку своите институции се оние кои манипулираат со своите поданици. Нема муабет. Тие луѓе кои манипулираат не би можеле да го прават тоа доколку не постоела религиската институција зад нив!
За ова подобјаснив во точка еден. Институцијата е составена од луѓе Dback. Луѓето ја утнуваат работата. Тоа не го прави ниедна религиозна книга или пак тула врз тула изграден храм.
3. Те молам погледни ги статистиките за религија.
Религијата УМИРА!!! Развиените земји (освен САД) се' повеќе ја маргинализираат заради тоа што е ветва и недоволно вистинита, да не рачам
наочиглед лажна. Секако, сеуште постојат неуки луѓе на кои може да им се продаде, сеуште постојат разочарани луѓе на кои им треба, и, секако, сеуште постојат само-несвесни луѓе кои мислат дека Господ ќе ги пази да не направат некоја голема глупост во животот. За да не се осетиш лично навреден, сакам да ти го кажам и ова: Јас немам збунка помеѓу термините
религиозност и
духовност. Првиот е замена за вториот за оние луѓе кои немаат капацитет да стапат во контакт со својата спиритуалност. Верувам дека ти не си еден од нив. Затоа и ти викам: верувај си ти интимно во што си сакаш, расти духовно и шири си видици, но немој да мислиш дека приказните за Јахве, Еденската градина, Арката на Ное, инцестот меѓу децата на Адам и Ева и оние од фамилијата на Ное можат да поминат како некаква вистина.
Денес, кај едуцираните разбрани луѓе - никако!
Религијата пак ќе кажам нема никогаш да умре. Ова е чиста небулоза. ( И државата чекаме да умре ама ете никако да умре, ова само како спорадичен пример). Тоа ти го говори секоја етапа од развојот на човекот. И тука нема факт што ќе ја побие потребата на човекот да бара помоќен авторитет од себе (зборувам во религиозна смисла). Без разлика колку ќе опстојува човештовото таа алка ќе биде секогаш присутна. Во претходниот пост кажав, вистината за потеклото и создавањето на човекот се уште е енигма. За ова околу духовноста и религиозноста. Точно, не мора по дифолт да се подудруваат едно со друго. Но, во повеќето случаи религијата е поттикнувач на духовноста. Што мислиш што може да ја поттикне духовноста повеќе од религијата?
Друга работа, ти можеш да зборуваш само сам за себе како и јас за мене. Ова со повеќето едуцирани и разбрани луѓе ти е став кој со ништо не можеш да го поткрепиш. Демек по дифолт едуциран човек е атеист и обратно? Тешка глупост. Гледам дека Библискиве приказни ги сфаќаш буквално. Нормално дека не верувам во инцестот, многу од приказните за создавањето се симболика и парабола.
4.
Не постои човек со вроден морал. Ова е уште една манипулација на институционализираното христијанство (Христијанските Цркви). Не постои категорија „ВРОДЕН МОРАЛ“. Моралот е типичен за секоја заедница на луѓе. Моралот у с. Чашка и во Центарот на Скопје не е ист. Да не зборуваме за разликите во моралот во New York и во Северна Кореа или Боцвана.
Со ова се согласувам, не постои вроден морал. Ќе се корегирам зашто не сум ја доловила конкретната поента како што треба. Мислата ми беше дека кај многумина религијата помогнала да се развие морализирањето, се јавува значи како поттикнувач.
5. Не е точно. Казната не е единствениот мотив.
Најсилниот мотив е признанието. Нешто што никогаш нема да го добиеш од религијата. Од ниту една! Тоа што христијанството
ја држи казната како најсилно оружје ме тера на повраќање. Погледни ги напредните општества. па после погледни им ги законите, па после погледни што е тоа што ги прави напредни.
Никогаш тоа не е казната туку признанието и наградите кои ги дава на своите истакнати членови. Христијанството единствено ветува награда која
никој досега не ја добил! Ниту пак некогаш ќе ја!
Ова со мотивов е повторно работа која ја тресеш од ракав. Човештвото е стигнато до степен кога може многу подобро да рационализира ( а за што му беше потребно многу долго време), па така да бараш признание е нешто што денес се коси со човековата мисла кога е било што духовно во прашање. Мојот мотив е зашто ми одговара христијанството во секоја смисла. Пропагира добро. Е сега ако некоја институција се дрзне да ми противречи и да ме убеди дека треба да убивам во името на Бога можам во тоа не може да ме убеди. Писмена сум. Рационализирам. Што значи никој не може да ме убеди во фактите кои според мене се конечни.
6. Точно. Занаеш ли кои се манипулираат?
Неуките и простите луѓе. Затоа погледни ги статистиките. Не сакам овде да се фалам за тоа колку сум јас паметен (тоа си го знам
) Сакам верниците конечно да почнат да си поставуваат прашања од типот: „Зошто само 17% од Швеѓаните се религиозни?“ или „Зошто јапонците се најнапредна нација?“ или „Зошто субсахарна Африка има толку војни, болести и ниско ниво на образование кога се толку религиозни (99.9%)?“
