Најпрво, честито победа на Барселона. А сеа да си пишам што имам:
Испадна дека најлесен противник на Барселона е Реал Мадрид. Не се толку Барса јаки, колку што овие другиве воопшто не се трудеа. Како целосно да ги сруши првиот гол на Чави. Тоа вчера што го видов, како да не беше Реал што го гледав цела сезона. Потфрли буквално целиот тим, а најмногу одбраната. Веројатно уште долго време одбраната ќе биде рак рана за Реал. Резултатот воопшто не отсликува кој е кој во моментот. Ако не се гледа резултатот, натпреварот многу потсетува на ланскиот кога Барса победи 1-0. И тогаш воопшто не се ни трудеа Реал да дадат гол. Премногу простор оставено во одбраната, па и Амаури да игра за Барселона, гол ќе даде, а не па Виља. За да ја победиш Барселона, треба многу да трчаш, исклучително многу. Очигледно не се подготвени на такво нешто играчите на Реал, сеуште. Ако можеше една Португалија да ја тепа Шпанија (која што 90% е составена од играчи на Барселона), можеше и Реал да ја растури Барселона. Но едноставно, не се замараа. Освен еден шут на Ди Мариа, и неколку удари од слободен удар на Роналдо, друго ништо. Се виде дека по 2-0, овие застанаа. Штом ни Мурињо не успеа да ги натера да играат дупкиве, тогаш нешто сериозно се случува со Реал Мадрид. Мурињо воопшто не е крив. Тој и со Виљареал ќе ја тепа Барселона, но Реал е нешто друго. Ќе видиме што ќе се случи во Мадрид. Дотогаш има доста време, се надевам ќе извлечат поука.
За крај би апелирал до навивачите на Реал воопшто да не се замараат со резултатот, затоа што ако на самите фудбалери не им е гајле што го посрамотија дресот што го носат (а притоа земаат милиони), вас па ич не треба да ве интересира. Не е крај на светот, утре Барселона од било кого може да киксне.
