Прашања за Христијанството II

[Genesis]

1. Точно толкување на Законот/законите и на Писмото, го има само Црквата/заедницата. Црквата потврдува дали нешто „е„ или нешто „не е„. Секое приватно и своеглаво толкување на она кое е веќе истолкувано, опасно е...

2. Христијанин е само оној поединец, кој Го исповеда Христа Бога за свој Бог и Спасител, а кој веодно е член/дел од Црквата, која е тело Христово. Ниту еден поединец, кој седи дома, чита Свето Писмо и не е дел од Црквата, не е христијанин, но може саmиот себе да се лаже дека е христијанин колку сака...

3. Што е јасно и недвосмислено кажано во Писмото?

Еве ти една нејаснотија: Црквата ја слави неделата за ден за одмор, за ден Божји, а на форумов имаш членови, кои велат дека Христос одредил славење на саботата, иако тоа Он никаде не го кажал. Кој е во пrаво: Христос или Црквата?

Црквата ја слави неделата, ама дали така вели Господ? Велиш точно толкување на законот имала само црквата. Еми што е толку тешко да се истолкува ова

8 Помни го саботниот ден, за да го осветуваш.
9 Шест дена ќе работиш и ќе ги вршиш сите свои работи.
10 А седмиот ден е сабота Господова, на твојот Бог. Тогаш никаква работа не ќе работиш: ни ти, ниту твојот син, ниту твојата ќерка, ни твојот слуга, ниту твојата слугинка, ниту твојот добиток, ниту странецот што е внатре во твоите порти.
11 Зашто во шест денови Господ ги направи небото и земјата, морето и се; што е во нив, а на седмиот ден се одмори. Затоа Господ го благослови и го освети саботниот ден.

Има овде нешто скриено што само црквата може да го види? Каде црквата ја виде овде неделата? Дај објаснете.

 

[Хептаграм XI]

1. Точно толкување на Законот/законите и на Писмото, го има само Црквата/заедницата. Црквата потврдува дали нешто „е„ или нешто „не е„. Секое приватно и своеглаво толкување на она кое е веќе истолкувано, опасно е...

Сега се лажеме, или навистина така мислиш? Ах се извинувам, така веруваш бидејќи опасно е да се мисли со своја глава?

Да, се согласуваме со тебе, опасно е кога мислиш со своја глава... може да настанат проблеми... за Црквата!
Ако почнеш да поставуваш прашања, веднаш тука доаѓа во игра лукавиот, кој најчесто се споменува од страна на Црквата!

Мора еднаш засекогаш да се разубеди народот дека Црквата нема ништо со гревовите и делата на поединецот, така нема никакво право да потврдува или да отфрла нешто за поединецот!

Убаво се вели, ќе ти се суди и мислата! Значи мислете добро за да ви се суди добро!

Христијанството е таква религија која му нуди на верникот верување без мислење бидејќи така налага Црквата, или МИКИ ова е твое толкување?
Па не сме XV век, или Македонија за време Отоманската империја...

 

[MIKI1]

^ Да да, опасно е да се мисли со своја глава и луѓето не треба да ја читаат Библијата кога црквата одредува што пишува во Библијата а што не.

Напротив: корисно и спасоносно е да се осознава вистината Божја, а опасно е да се открива дека водата е мокра, односно, опасно е да се открива она кое е веќе откриено.

--- надополнето ---

Има овде нешто скриено што само црквата може да го види? Каде црквата ја виде овде неделата? Дај објаснете.

Имаш цела тема за и околу саботата, ѕирни по постовите.

--- надополнето ---

Христијанството е таква религија која му нуди на верникот верување без мислење бидејќи така налага Црквата, или МИКИ ова е твое толкување?
Па не сме XV век, или Македонија за време Отоманската империја...

Мојата вера ми ги нуди од Бога откриените вистини, а не што некому ноќеска му се сонило. Црквата постои веќе 2 000 г., што значи дека постои пред моето раѓање па не е мое да измислувам нешта кои можам да ги добијам бесплатно.

А еве што вели Св. Јован Дамаскин: „:..Верата е знаење без премногу испитување...„. Така, верата не е „слепа„, како што некои на форумов милуваат да кажат, туку верата и нејзината вистинитост, можат да се проверат преку своите дела.

А за возврат, дај ти посочи ми некоја научна „вистина„, која можеш самиот, лично, преку личен опит да ја провериш, а да не се повикуваш на авторитети од некоја од науките, по принципот „..тој и тој вели така и така...„

 

[gade]

Мислам дека гравитацијата можеш сам да ја провериш.
Туку да не одам офтопик, да прашам, што тоа вас црквата толку многу ви открила, живо ме интересира.

 

[MIKI1]

Хммммм...видиш, да не беше физиката (Њутон и неговото јаболко...), ќе немав поим дека гравитацијата навистина постои. А да не се родеше Архимед, немаше (???) ни да биде „откриен„ архимедовиот закон, а да не беше Питагора, ќе немаше кој да ни каже дека збирот на внатрешните агли кај триаголниците, секогаш е 180 степени (ха-ха-ха!).

Да бидам посериозен: еве што ми/ни открива Црквата:

-дека се што е створено, има свој Творец,
-дека Творецот дал/дава длабока смисла на се што постои,
-дека Творецот ни ги отрки(ва) неменливите и неминливите Негови вистини,
-дека Творецот, од преголема љубов кон творението (кон човекот), лично дојде и „упадна„ во човековата истоирија, и сите не повика на спасение, за излез од гревот и од пеколот,
-дека Творецот пак ќе дојде, да ни даде што сме залужиле: кому награда, кому казна,
-дека оние кои ќе заработат Рај, ќе бидат во непосредна близина од својто Творец, од Кого ќе можат да ги примааат Неговите вистини, преку кои секој ќе може да се уподобува на Бога, бесконечно...

Има уште, ама ова се побитните работи.

 

[Хептаграм XI]

МИКИ, сакам да одговориш ти на ова, бидејќи верата сепак кај тебе не е слепа, и ме радува тоа(никој не го одговори ова, од вас хритијаните, па еве повели, нормално може и друг христијанин од било која црква, па ако има различни одговори би сакал да објасните. Повелете прашањето:

Зошто рисјаните се дрзнале да стават интерпукциски знаци и да го контролираат текот на мислата во стариот завет, кога во книгите на мојсеј нема никакви прекини ни точки ни запирки?

Зошто тие точки и запирки во Битие на пример?

P.S. и екстра прашање што многу ме интересира, зошто евреите останаа верни на יהוה , одредени христијани го прифатија новиот יהשוה , а некои пак (во заблуда или не) го следат моделот и идејата за Христос?

 

[DBack]

Напротив: корисно и спасоносно е да се осознава вистината Божја, а опасно е да се открива дека водата е мокра, односно, опасно е да се открива она кое е веќе откриено.

...ahem... како е ова опасно?

 

[Чорбаџија]

Зошто рисјаните се дрзнале да стават интерпукциски знаци и да го контролираат текот на мислата во стариот завет, кога во книгите на мојсеј нема никакви прекини ни точки ни запирки?

Зошто тие точки и запирки во Битие на пример?

Христијаните не го контролриаат текстот на стариот завет, туку го превземале онаков каков што бил од евреите. Јазикот и граматиката на евреите, како и секој друг јазик, се динамична категорија. И не само граматиката. Историјата бележи и менување на самата азбука т.е. на записот на одредени букви (фонтот) во зависност од времето и местото на пишување. Сепак евреите немале проблем во разбирањето на нивниот јазик и граматика. Писарите кои ги препишувале ракописите биле стручно обучени лица (своевремени лингвисти) кои многу стручно и педантно ги читале и препишувале текстовите. Прво се јавиле мали празни места меѓу зборовите, потоа некакви цртички и знаци меѓу зборовите кои биле знак за кратка и подолга пауза, потоа празни места од современ тип, па потоа точки и запирки. Кога точно се случувале овие промени во граматиката на старите јазици не знаеме со голема прецизност, но сепак знаеме дека генерацијата што го воведувала тоа, ја знаела и предходната граматика и граматиката што ја воведувала и тие немале проблем на точно место да ги стават празните места, точките и запирките. Сепак не станува збор за христијани, туку за евреи кои добро си го познавале мајчиниот јазик.
Исто така земи предвит дека во 3ти век пред наша ера се појавува и грчкиот превод на стариот завет - Септуагинтата, која подоцна исто така помогнала во правилна интерпукција на зборовите.

P.S. и екстра прашање што многу ме интересира, зошто евреите останаа верни на יהוה , одредени христијани го прифатија новиот יהשוה , а некои пак (во заблуда или не) го следат моделот и идејата за Христос?

Христијаните Го прифаќаат и Таткото (יהוה) и Синот (יהשוה). Евреите не Го прифаќаат Синот затоа што не го препознаа кога дојде меѓу нив, веројатно затоа што не очекуваа Спасител од гревот, туку револуционерен и национален спасител.

 

[Хептаграм XI]

Не е ист како кај евреите! Изгубени се во преводот! Зошто? Бидејќи како што велиш евреите биле учени и ги знаеле божјите правила и зборови!
"Јазикот и граматиката на евреите, како и секој друг јазик, се динамична категорија.", значи законите на Мојсеј како што се дадени, се динамичка категорија? Значи неуки пагани може како што сакаат да ги толкуваат и препишуваат законите на Мојсеј и божјите закони испишани со божји букви, да бидат напишани на било каков јазик?

Најде оправдување за менување на Светото писмо со тоа што божјите букви ги спореди со човечки бедни преводи на човечки јазик??? И тоа само за да се оправдаат незнаењето и лудоста на новата секта која изникна во Рим пред 2000 години?

Евреите не ги прифатија новите забегувања на пагани и странци бидејќи ги знаат Законите! Го знаат богот!

" Писарите кои ги препишувале ракописите биле стручно обучени лица (своевремени лингвисти) кои многу стручно и педантно ги читале и препишувале текстовите. ", сериозен си? Тие биле стручни во се, само не во еврејската доктрина и Закон! И да, тука ќе те поддржам, ништо друго не е, само обично невешто препишување!

Евреите не го препознаа... Многу силни зборови против евреите и Законот!

Зошто новата секта во тие времиња го прифаќа синот, како замена за Таткото, додавајќи една буква за да го изградат името на нивниот спасител, кој како што гледаме 2000 години ептен спасува (со надеж демек)?

За да не богохулиме на Богот, ќе останам без прашања за оваа тема....

--- надополнето ---

Да додадам:

Матеј 2:1 Τοῦ δὲ Ἰησοῦ γεννηθέντος ἐν Βηθλέεμ τῆς Ἰουδαίας ἐν ἡμέραις Ἡρῴδου τοῦ βασιλέως, ἰδοὺ μάγοι ἀπὸ ἀνατολῶν παρεγένοντο εἰς Ἱεροσόλυμα 2 λέγοντες· Ποῦ ἐστιν ὁ τεχθεὶς βασιλεὺς τῶν Ἰουδαίων; εἴδομεν γὰρ αὐτοῦ τὸν ἀστέρα ἐν τῇ ἀνατολῇ καὶ ἤλθομεν προσκυνῆσαι αὐτῷ.

Или превод на нашки(не грчки, тие одсекогаш прават проблеми):
1 А кога Исус се роди во Витлеем Јудејски, во дните на цар Ирод, ете, мудреци од исток пристигнаа во Ерусалим,
2 и рекоа: „Каде е Тој кој се родил, Царот на Јудејците? Зашто ја видовме Неговата ѕвезда на исток и дојдовме да Му се поклониме.”



@Чорбаџија: Христијаните Го прифаќаат и Таткото (יהוה) и Синот (יהשוה). Евреите не Го прифаќаат Синот затоа што не го препознаа кога дојде меѓу нив, веројатно затоа што не очекуваа Спасител од гревот, туку револуционерен и национален спасител.



Ако Евреите чекаат револуционер спасител, зошто овие маги од исток доаѓаат да се поклонат на Царот на Јудејците, на кој се поклонува погрешно целиот христијански свет?


П.С. μάγοι на македонски значи мудреци? Или ова го срочиле нмудрите и педантни препишувачи?

 

[Let 3]

Meсијата (спасителот) во јудаизмот нема ништо надприродно во себе. Тоа е човек, со кралско потекло кој ќе ги обедини сите евреи и ќе владее со божјата земја како нејзин крал. Таков месија чекаат евреите.
Прикаската за месија како безгрешно зачнат божји син роден од девица кој претварра вода во вино оздравува болни оди по вода нема никаква врска со јудаизмот. Тоа е дел на новата религија - христијанството

 

[~>}VOJVODATA~~LAVOT{<~]

"Приказната" за божјата инкарнација и те како ја има во јудаистичката традиција, поточно во Кабалата.

 

[Let 3]

Кабалата е потазе и од христијанството, зборувам за јудаизмот на стариот завет. Она во што веруваа и останаа верни и Исус и неговото семејство и неговите следбеници.

 

[KINGDAVID]

1. Точно толкување на Законот/законите и на Писмото, го има само Црквата/заедницата. Црквата потврдува дали нешто „е„ или нешто „не е„. Секое приватно и своеглаво толкување на она кое е веќе истолкувано, опасно е...

Koja Crkva go ima tocnoto tolkuvanje: Rimokatolickata, Pravoslavnata ili Protestantskata?

2. Христијанин е само оној поединец, кој Го исповеда Христа Бога за свој Бог и Спасител, а кој веодно е член/дел од Црквата, која е тело Христово. Ниту еден поединец, кој седи дома, чита Свето Писмо и не е дел од Црквата, не е христијанин, но може саmиот себе да се лаже дека е христијанин колку сака...

Clen na koja Crkva od gorenavedenite moze da se narece Hristijanin : od Rimokatolickata, Pravoslavnata, ili Protestantskata?

3. Што е јасно и недвосмислено кажано во Писмото?

Еве ти една нејаснотија: Црквата ја слави неделата за ден за одмор, за ден Божји, а на форумов имаш членови, кои велат дека Христос одредил славење на саботата, иако тоа Он никаде не го кажал. Кој е во пrаво: Христос или Црквата?

Sakas da kazes deka Crkvata e nad ISUS i deka Crkvata ne pravela i ne pravi greski ?

 

[Regenerator]

Koja Crkva go ima tocnoto tolkuvanje: Rimokatolickata, Pravoslavnata ili Protestantskata?



Clen na koja Crkva od gorenavedenite moze da se narece Hristijanin : od Rimokatolickata, Pravoslavnata, ili Protestantskata?



Sakas da kazes deka Crkvata e nad ISUS i deka Crkvata ne pravela i ne pravi greski ?

Едно е Христијанството бе кинг било тоа да си Католик или Ортодоксен па и Протестант .....

 

[Чорбаџија]

"Јазикот и граматиката на евреите, како и секој друг јазик, се динамична категорија.", значи законите на Мојсеј како што се дадени, се динамичка категорија?

Не значи тоа. Јазикот и граматиката се динамична категорија, а законите на Мојсеј не се.
На пример, американците можат да набројуваат на следниов начин: apples, and potatoes, and pears, and plums. А бидејќи во нашиот јазик пред сврзникот "и" не се пишува запирка, или ќе ги тргнеме сите сврзници освен пследниот (јаболки и компири, круши и сливи) или пак ќе ги тргнеме запирките (јаболки и компири и круши и сливи). Значи има различни зборови и граматика, ама значењето е исто.

Зошто новата секта во тие времиња го прифаќа синот, како замена за Таткото, додавајќи една буква за да го изградат името на нивниот спасител, кој како што гледаме 2000 години ептен спасува (со надеж демек)?

Не знам за која секта зборуваш, те молам биди попрецизен во твоите изјави за да имаме јасна комуникација.
Доколку мислиш на христијанството, тогаш не е вистина дека христијаните додале една буква за, како што велиш, да го заменат Таткото. Како што ти пишав во предходниот коментар, христијаните не го заменуваат Синот со Таткото, туку веруваат и во Таткото и во Синот. Едноставно апсурдно е некој да се нарекува христијанин, а да го отрфрла Таткото.
Името на Синот е слично со Името на Таткото затоа што името на Синот етимолишки го содржи името на Таткото. Името Исус = Јешуа или поточно Јехо-шуа значи „Јехова спасува“, па оттаму и значењето на Исус = Спасител.

„Таа ќе роди Син и ти ќе Му го дадеш името Исус, зашто Тој ќе го спаси својот народ од нивните гревови.“ (ев. Матеј 1:21, Библијата)

Ако Евреите чекаат револуционер спасител, зошто овие маги од исток доаѓаат да се поклонат на Царот на Јудејците, на кој се поклонува погрешно целиот христијански свет?

Затоа што Царот на Јудејците ќе биде и Цар на целата Земја, вклучувајќи ги и земјите од истокот.

П.С. μάγοι на македонски значи мудреци? Или ова го срочиле нмудрите и педантни препишувачи?

Тешко е да се преведе тоа зборче "маги", затоа што не се спомнуваат и други "маги" во Библијата. Од контекстот веројатно станува за некакви ѕвездари, своевремени проучувачи на Небото, да не речам астролози бидејќи тој збор кај нас има значење кое веројатно не се поклопува со значењето на тој збор "маги".