Победа која многу значи во понатамошниот дел од сезоната, бидејќи разликата со Милан е уште повеќе намалена, победен е директен конкурент за челните места, а и Рома одамна не беше совладана на домашен терен.
По којзнае кој пат со Интер не можеш да бидеш на сигурно, па колку и да водел, ама ајде се навикнавме веќе
Рома имаше среќа со 2та гола, ама и имаа доста шутеви кои беа во последен момент блокирани. Сепак не смее да се заборави фактот дека ланскиот стоперски тандем кој беше непробоен, денес го немаше и секако е друго кога игра барем Лусио.
Што се однесува до дискусијата Милито - Пандев, факт е дека и двајцата се мизерни годинава, но не е фер наеднаш Пандев да биде целосно исфрлен од составот, а Милито постојано да игра, без разлика колку минути.
Моментално Ето е неприкосновен во нападот, Снајдер ќе биде поддршка за напаѓачите, а со моменталната форма Пацини е веројатно изборот за втор напаѓач. Сепак Пандев за разлика од сите други, може да се снајде на местото од Снајдер (подобро се снаоѓа таму него на позиција класичен шпиц), додека пак Милито и Пацини можат да играат само класичен шпиц.
Да не беа во есенскиот дел повредите на Милито, Снајдер и очајниот Бијабиани, Пандев можеби и тогаш ќе играше помалку, но на наредните натпревари мора да добие шанса барем од клупата. И надвор од форма, покрај Снајдер е најкреативниот играч во Интер и неопходно е негово присуство ако ете Снајдер паузира некој меч, нешто што тешко го дополнуваат другите играчи.
Лудило е да се тврди дека Пандев со моменталната форма заслужува да биде во прв тим, но 3 меча во серија без ниту една минута се премногу. Верувам дека Леонардо ќе го ротира тимот и дека на наредните мечеви ќе добие повеќе шанса.
