Покрај проблемите кои ги наведе Ацева, го вклучувам и прашањето за Тетовскиот универзитет, каде има
проблеми со употребата на македонскиот јазик.
Еве нова статија за одржаниот протест.
„Доста беше молк, ние сме вашата криза“, извикуваа стотици студенти со индекси в раце вчера за време на студентскиот протест пред Владата на РМ, Студентскиот сојуз и Министерството за образование и наука. Студентите, организирани од неформалната група „Слободен индекс“, побараа посериозен третман за нив преку одделување повеќе средства од буџетот за високото образование.
Буџетот за образование за 2009 година, освен од студентите, доби негативна оцена и во извештајот на Европската комисија. Според извештајот, тој е недоволен за имплементирање на националната стратегија за реформи во образованието за периодот 2006-2015 година.
„Ние не сме против Владата, не сме за Владата, не сме ниту против ниту за опозицијата, ние сме за права на студентите“, порачаа студентите. „Бараме укинување на партиципацијата за државната квота, намалување на партиципацијата во приватната, стипендии за постдипломските студии, студентски бенефиции, подобрување на условите во студентските домови, ваучери за апсолвентите, бесплатни учебници, студентски медиуми и нов закон за студентско организирање“, образложи Богољуб Павловски, еден од организаторите во „Слободен индекс“.
Додека траеше протестот премиерот Никола Груевски беше во посета на Правниот факултет. Протестите минаа мирно и без инциденти, а бројноста на студентите беше поголема од протестите во мај. Излезноста на студентите на протестот можно е да била попречена поради заканите од активисти на Студентскиот парламент. Одејќи од врата на врата во студентските домови тие им се заканувале на студентите дека доколку протестираат ќе го изгубат сместувањето во домовите.
Од „Слободен индекс“ ги оценија денешните избори за студентски лидер како нелегитимни, недемократски и нефер.
Министерот за информациски технологии, Иво Ивановски, реагирајќи на барањата на студентите, изјави дека Владата ќе ја разгледа можноста и доколку има средства ќе додели ваучери за компјутери додека заврши годината. Од Министерството за образование и наука известија дека работат на обезбедувањето и на унапредувањето на состојбите во високото образование и веќе водат разговори со претставници на Студентскиот парламент за барањата на студентите. Министерството реагираше дека буџетот за високото образование во последните три години е значително зголемен, од 1,2 милијарди денари во 2006 година на две милијарди во 2009 година, што укажува на зголемени инвестиции во развојот и во унапредувањето на образованието. Министерството смета дека барањето за бесплатни учебници е неосновано, а вети дека ќе бидат преземени подлабоки реформи за подобрување на условите во студентските домови. Во согласност со препораките на ЕУ, МОН работи на формирањето работна група за изготвување на нов закон за студентско организирање.
Јас пост-фестум се вклучувам во дискусијава, ама барем да научиме од грешките и да видиме зошто ви пропадна протестот.
Не знаете што сакате, затоа што:
1. Нормална партиципација - значи што? За мене е нормална партиципација од 100 евра, за тебе е можеби 10 евра. Претпоставувам дека барате да се укине партиципацијата, во кој случај протестирате не пред Влада туку пред Ректорат.
2. Книги на македонски кодифициран во 1945, а не да учат на српско - хрватски. Книгите се преведуваат на македонски и за таа цел многу повеќе пари се дадени од истата таа Влада пред која протестиравте, отколку за споменикот на Ацота. Познавајќи ги луѓето кои преведуваат и рецензираат - ќе биде тоа еден смешен материјал.
Мое лично мислење е дека студент треба да користи што може повеќе извори за учење. Ама тоа е мое мислење, ако вам ви смета, може да го ставите како баеање, ама никако у топ фајв.
3. Парите што моите колеги ги даваат за некоја мочана студентско - партиска организација да се употребуваат рационално - Ова стварно не знам што значи, бара здрава аргументација и предлог решение.
4. Ваучери мора да има, пошто Аце на плоштад касни - за ова веќе се протестираше и испадна дека е потрошена карта.
5. Колоквиумска недела за учење, пошто материјалот е обемен - Колоквиумската недела се решава од факултет до факултет. Ова е веќе кукање и не би дискутирала воопшто. Само ви ги девалвира барањата.
Проблемите по државните, а богами и приватните наставни институции се: квалитетот на предавањата и наставната програма, мито и корупција, старосната структура на наставниот кадар и пред се’ - стандардот на студентите.
Не одете на ситно, не е само УКИМ државен универзитет. Лоцирајте ги заедничките проблеми, би било добро и да предложите решенија и удрете.
Не се согласувам со квалификацијата ,,пропаднат протест", освен кога ја отсликува незаинтересираноста на оние кои се повикани во истиот и тоа што не им одговара да го решат.
Партиципацијата е несоодветна за добиената услуга. Покрај толкавата македонистичка пропаганда, пожелно е да има учебници на македонски јазик. За тоа дали има преводи, прашајте ја Магде и останатите од психологија. Тоа што преведувачите работат за 500 денари од книга, се надевам ќе се согласите е неправилно и не треба да биде наш проблем, а сега е. Апсолутно е во топ фајв изворите да се на македонски јазик со што не би се губело време.
Студентите на УКИМ плаќаат за некоја студентска организација(секогаш по дифолт предводена од позиционерската власт), од која нема ни трага ни глас во текот на целата година. Предлог решение - во неа да членуваат само непартиски определени студенти. Ако ваучерите се потрошена карта, заради глобалната економска криза, веројатно ќе се согласите дека и партиципацијата ја вадиме од истиот економско-кризен џеб. Не се согласувам дека колоквиумската недела е толку неприуштлив луксуз за факултетите. Не мислите дека некои се обесправени на тој начин? Знам дека сте професорка и по правило никој професор не ги поддржува студентите во протести ( моето искуство така говори). :smir:
Или дека типон со нерадиофоничен суицидален глас што 9 месеци нема земено плата, на МРТВ кец, шо ни вика дека дипломи не се купуваат бла бла, се појавил од Марс... И да, не верува младината. Има некој показател што би ја разубедил на спротивното? Сори, немет.