Фановите на Барса првин викаа дека ќе дојдат во Милано да не победат (двете кладби што ги имам ми дадоа фора ако интер победи или игра нерешено јас да им одберам аватар по желба). Сега откако заврши натпреварот викаат дека имале подобра игра, поседот бил на нивна страна и бла бла бла.
Јас од како памтам во последните 5-6 години ретко која екипа имала посед поголем од Барса. Реал проба да се надигрува со Барса и попи шест комада. На Барса може да и се парира само како Челзи што одигра лани и Интер во првиот дел. Со дисциплинирана игра цврста одбрана и смирени напади.
Ми се темни од оној Мунтари и киксовите што ги направи. На дуелот со Јунајтед го имавме Ривас, сега Мунтари ја доби таа улога. Уште повеќе ми се темни од судиите. Имаа грешки на двете страни но во повеќе случаеви Интер беше оштетен. Првата шанса на Ибра беше апла офсајд, Мунтари воопшто не беше во офсајд при шансата кога тој беше уфрлен на левата страна а двајца утрчаа во шеснаесетникот.
Во глобала земено во подредена улога бевме во последниот половина час. Сепак има уште многу за воигрување на тимот а мислам и дека премногу ги преценивме Барса и играчите имаа многу страв, иако Каталонците на моменти под притисок изгледаа изгубени (како што Пујол се чудеше кај е топката и ја бараше лево десно).
Сега многу клучно ќе биде гостувањето кај Рубин Казан, мораме да победиме во Русија зошто во спротива ќе имаме уште едно повторување на ситуацијата од минатата година.