НОВА СЕЗОНА НА СИТЕЛ
ФАРМА
Фарма е реално шоу каде учесниците во него живеат на еден селски имот. Имотот изгледа како пред 100 години. Нема струја, водата се зема од бунар, нема електронски уреди, тутунот се витка, се спие на дрвени кревети со постелнина од сено, има полски тоалет, нема бања и туш...
На Фарма влегуваат 17 познати личности, тие таму ќе живеат и ќе работат, а гледачите постојано ќе ги следат. Местото е целосно изолирано и нема луѓе ви близина. Секоја недела ќе се бира газда на фармата кој ќе управува со нив, потоа се бираат двајца слуги кои понатаму одат во дуел за исфрлање. Секако секоја недела по еден учесник ќе излегува од Фармата.
Условите за живот се тешки, но тие со тек на време ќе се навикнат на него и може да го унапредат.
Овој телевизиски формат е на шведската продуцентска куќа Стрикс која досега го има продадено во преку 40 земји низ светот.
Досега ова реално шоу ги има соборено сите рекорди на гледаност.
Водители на Фарма се: Александра Јефтановиќ и Огњен Амиџиќ.
Емитување на Сител:
ОД ПОНЕДЕЛНИК ДО ПЕТОК 20:50
САБОТА 21:00 ВО ЖИВО
СИТЕЛ 3 ВО ЖИВО СЕКОЈ ДЕН
10:00 до 11:00
16:00 до 16:45
00:00 до 01:00
ГРДАТА БЕТИ
Грдата Бети е популарна и една од најгледаните амерински серии. Оваа серија освои многу Еми и Златен Глобус награди, како за најдобра серија и најдобра главна актерка, која ја доби Америка Ферера. Римејк на колумбиската теленовела Јас сум грдата Бети, која постигнала невиден успех. Продуцент на серијата е познатата американска актерка, Селма Хајек.
БЕГСТВО ОД ЗАТВОР
Бегство од затвор е најгледната светска серија која има милиони обожаватели ширум светот. Серијата за првпат се прикажа во средината 2005 година и досега има освоено неколку награди како и номинации. Дејството на серијата се одвива во затворот во кој еден човек е осуден на смртна казна за убиство кое не го направил. Неговиот брат кој исто така е затворен во затворот поради вооружен грабеж на банка, крои план за бегство од затворот, но за тоа да му успее потребно е да се здружи со неколку затворски банди да се помеша во војна на затворениците, да се спријатели со повеќе луѓе кои на крајот ќе мора да ги изнесе надвор од затворот, и да ги киднапира управникот на затворот и капетанот на полицијата.
НАЈДОБРИ ГОДИНИ
Оваа сезона Сител ви ја преставува и новата хрватска серија Најдобри години. Главен лик во серијата е градската девојка Лорена која по игра на случајот ќе се најде во една селска средина. Лорена своето ново место и неговите жители ќе ги запознава заедно со гледачите на серијата кое сигурно ќе им влезе под кожа. Гледачите така ќе добијат прилика да бидат сведоци на животните подеми и падови на луѓето кои не потсетуваат на нашите соседи, роднини, родители, пријатели па дури и нас самите.
Главните улоги им се доверени на популарната Зона Замфирова или актерката Катарина Радивојевиќ и Јанко Поповиќ Волариќ.
SURVIVOR
Ова е реално шоу кое со голем успех се прикажува во голем број земји. Натпреварувачите се наоѓаат на оддалечен остров овојпат на Филипини. Се натпреваруваат за голема парична награда. Ова шоу користи прогресивна елиминација на натпреварувачите, со што натпреварувачите добиваат можност секоја недела да исфрлат некого од племето и последниот всушност станува победник.
Во ова реално шоу оваа година покрај натпреварувачите од Србија, Босна и Херцеговина и Црна Гора учествуваат и натпреварувачи од Словенија и Македонија.
ЛАС ВЕГАС
Лас Вегас оваа година се враќа на програмата на Сител со четвртата и петтата сезона и повторно се уживаме со јунаците кои работат во фиктивното казино Монтесито во Лас Вегас. Тие се справуваат со проблеми во работната средина, како што е сигурноста во казиното. Серијата се емитува во повеќе од 70 земји.
НАЈГОЛЕМИ ФИЛМСКИ ХИТОВИ
Оваа сезона на Сител филмските љубители ќе уживаат во големиот избор на мега хитови кои Сител ги откупи од големите филмски компании, DISNEY, FOX, UNIVERSAL, SONY PICTURES и многу други.