Па овој Бесими го склучи договорот за продажба на ЕСМ во време на владеењето на СДС и ДУИ. Сигурно има добиено и некоја провизија, сеа му се јавиле и за 500 евра ја добил и оваа работна задача, да биде против сопствената држава. Жално. Секој гледа што е негово, а заборавивме дека има некои работи што се наши.
ЕВН поднесе жалба до скопска Апелација
Австриската ЕВН вчера до Апелациониот суд ја достави жалбата на донесената првостепена судска пресуда во корист на ЕЛЕМ, која компанијата веќе ја оцени за скандалозна.
Во меѓувреме, правни експерти интензивно ја подготвуваат и тужбата на ЕВН против државата Македонија, која се очекува набрзо да се достави до Меѓународниот суд во Вашингтон. Во компанијата речиси се сигурни дека ќе излезат како победници, односно дека судот во Вашингтон ќе донесе пресуда во нивна корист, како по основ на актуелниот спор со државната ЕЛЕМ, која со судска пресуда од ЕВН побарува 6,5 милијарди денари или 107 милиони евра, односно уште толку со камати, така и поради повеќе пречки во досегашното работење на ЕВН.
Колкава ќе биде сумата која ќе се бара како отштета се' уште не се обелоденува. Но, со оглед на големиот број забелешки на ЕВН во изминатите три години и штетите кои ги претрпе, според некои експертски толкувања,
можно е Македонија да треба да исплати дури и една милијарда евра, што би било приближно колку половина буџет.
Пред се', ЕВН ќе ја тужи државата поради прекршување на Договорот за поттикнување и заштита на инвестициите меѓу Македонија и Австрија, потпишан меѓу двете влади во 2002 година. Во него државава се обврзува дека ќе ги поддржува австриските инвестиции, ќе го избегнува дискриминаторското однесување, нема да спроведува експропријација, ќе гарантира фер судски постапки и нема со свои постапки да го нарушува имиџот на компанијата.
Директорот на ЕЛЕМ, Влатко Чинговски, на последниот прес, отворено рече дека доколку ЕВН не ја плати бараната сума, таа ќе биде наплатена со извршители, а ако не може и така, ќе се конфискува имотот на ЕВН. Со други зборови, државата повторно ќе ја врати во своја сопственост „Дистрибуција“.
Околу спорот, вчера повторно се огласи и ЕЛЕМ, која нагласи дека „било каква манипулација да смисли ЕВН против ЕЛЕМ и нашето судство, тоа нема да и' помогне да ја одбегне обврската за плаќање на долгот“.
Според ЕЛЕМ, ЕВН ги злоупотребила шесте амбасади во Македонија, давајќи им улога на адвокати во судскиот процес.
„Како поинаку да се протолкува тврдењето на ЕВН дека е запознат со писмото испратено од страна на амбасадите до Владата, кога истото не е јавно објавено“, велат од ЕЛЕМ. Според нив, невистинито е и правно несериозно тврдењето дека постоело некакво старо ЕСМ, кое не било предмет на приватизација, кое сега веќе не постои. „ЕСМ е еден правен субјект, кој никогаш не бил стар или нов, туку едно друштво, во кое со приватизацијата е сменет само сопственикот, а потоа и името “, тврдат од ЕЛЕМ.
Изминатите две години Владата отворено ја обвинува ЕВН дека нема толку инвестиции колку што се обврзала со купопродажниот договор, а премиерот Никола Груевски дури рече дека ЕВН е пример за досега најлошиот инвеститор во земјава.
Очигледно е дека речиси сите наведени одредби од Договорот во судскиот процес со ЕЛЕМ се нарушени, велат во ЕВН, а особено потенцираат дека во судскиот процес кон нив имало дискриминаторски однос и не биле земени предвид документите кои ЕВН сакала да ги приложи. Од адвокатски извори дознаваме дека доказите на ЕВН во судот биле сместени во 10 кутии, но судијата одбил да ги прими и да ги разгледа. Тоа го забележале и амбасадорите, а дел од нив и изјавија дека ЕВН имал целосно нефер третман.
Дополнително, тужбата на ЕВН ќе ги содржи и забелешките на досегашните одлуки на Регулаторна комисија за енергетика за зголемување на цената на електричната енергија, кои ЕВН ги цени за некоректни, затоа што ниту еднаш не ги доби бараните проценти на корекција, туку многу помалку, за разлика од државните ЕЛЕМ и МЕПСО. Во тужбата ќе се спомне и за измените во Законот за енергетика, за кои имаше и има реакции од Брисел, во смисла дека Законот е спротивен на ЕУ регулативата и на меѓународните договори за заеднички енергетски пазар, кои ги има потпишано Македонија. Според овие измени, на ЕВН и' се дозволи само 11 отсто од техничките загуби да ги купува по регулирани цени, а остатокот, од приближно уште толку проценти, да ги набавува по пазарни, повисоки цени, за што компанијата има високи, непланирани трошоци.
Линк
Сеуште наивно мислиш дека ЕВН ќе тужи само за да не го плати наводниот долг од околу 107 милиони евра ?
Ти мириса ли ситуацијава на нова Окта ?
