Де, де... свашта
Се изназборевте сите и готово. Почнавте да се докажувате кој е во право кој не е. Како тоа сите сега ги омаловажувате протестите? А ние кога касневме во школо затоа што на млекарите им текнало да штрајкуваат? А кога цела улица пред Собрание беше блокирана кога штрајкуваа оние кои останаа технолошки вишок? (и не сакам да слушнам дека на тие луѓе им зависел животот од платата, кога и мене ми пропаѓа во вода цела година активна работа затоа што некој сака да ме испита само технички а не и по критериуми кои влегуваат во оцена: редовност на часови, активност на часови, изработување проекти итн. кои лично јас сум ги исполнувал во текот на целата година).
А кога губевме настава затоа што професорите не беа задоволни од своите плати?
Мислите дека целта на протестиве е да губиме часови? Ние ако сакаме да губиме, може секој од нас да остане дома, и многу лесно да си извади оправдание од лекар.
Овде станува збор за бунење против непраливно донесени одлуки. Ајде да заборавиме на нас средношколците и да видиме што е со основците. Побогу, полагаат од 20 до 30 мај, а одлуката на Уставниот ќе се донесе на 31ви. И што ако на Уставен паднат? За џабе сите полагања и спремања.
Денес во Јосип Броз - Тито беа собрани претседателите на сите класови од трета година и беше пренесено што и како се планира. Ете за прв пат по почнувањето на протестите, денес седнавме на маса и како луѓе напишавме барање кое го потпишавме сите претставници на класовите. Во барањето имавме наброено повеќе причини поради кои бараме укинување на овие тестови. Што значи, покрај револтот, покрај правото за бунт, сега имаме и барање кое е веќе испратено (или е на својот пат) до Министерството. Што значи смееме да си дозволиме блокирање на улици, па макар тоа било и во најстрогиот центар на градот. Кој к*р од протести ако си идеме на настава во редовно време, а протестираме качени на тротоари? Што е тука протестот? Ниту настава се прекинува, ниту циркулација на градот. Само на тој начин може да се докаже дека сме сериозни во нашите барања. Дека не можат сите да бидат на исто интелектуално ниво кога протестираат, не можат. Едни ќе маваат со јајца додека други пред камерите ќе ги изјаснуваат причините за протестите.
Како и да е, протестиве се повеќе од оправдани. Можеби не започнаа во најдобро светло, но право на секој човек е да го искаже своето незадоволство преку организирани бунтови и протести.
