Менаџерот на Манчестер Јунајтед, Сер Алекс Фергусон призна дека не знае што може да направи со монгуте повреди во тимот пред дуелот со Волфсбург во Лигата на Шампионите.„Црвените ѓаволи“ излегоа со многу изменета дефанзивна линија против Вест Хем вчера, а го завршија натпреварот со нестандарден вид на одбрана, откак и Гери Невил се повреди. Така, централна двојка во одбраната беа Мајкл Керик, кој најверојатно ќе игра на истата позиција и против шампионот на Германија во ЛШ, а до него беше и левиот бек, Патрис Евра.
„Не знам на чив грб можам да се потпрам за вторник ПОвредите во одбраната стануваат вистинска главоболка за нас. Мајкл Керик влезе и се справи многу добро во одбраната. Патрис Евра најверојатно беше најмалиот централен стопер во светот, но многу добро ја чита играта. Многу е брз и поврзан кон тимот. Очекувам против Волфсбург дасе врати Видиќ кој има грип и да игра заедно со Мајкл Керик во одбраната.“ - рече Ферги.