Многу сум итар
Поранешниот директор на Јувентс, Лучијано Моџи во едно интервју промовирајќи ја својата книга ја објаснува целата ситуација околу минатогодишниот скандал кој го потресе италијанскиот фудбал.
Во текот на интервјуто, водителката се обидуваше да го испровоцира Моџи да даде што повеќе детали за аферата, но стариот волк. Моџи елегантно ескивираше.
"Во фудбалот потребна е итрина, кој раководи со голем клуб потребно е да си го чува грбот. Италијанскиот телеком и Масимо Морати ме шпионираа во корист на Интер. Сум зборувал со луѓето кои ги одредуваат судиите, а тоа не само што не е забрането туку некои многу повеќе контактирале со нив, а тоа се луѓето од Интер", вели Моџи.
Тој се пофали дека успеал да создаде моќен тим, дека дури девет фудбалери кои тој ги ангажирал настапиле во финалето на Светскиот куп во Германија и дека тоа е мајсторство кое треба да се почитува.
Водителката го цитираше голманот Анџело Перуци, кој своевремено изјавил:
"Моџи беше овчар со свое стадо. Ние пасевме не прашувајќи дали тревата е забранета или, но се едно ние бевме задоволни".
На ова Моџи едноставно одговори:
"Перуци не е во состојба да состави таква реченица"
- ОН НЕТ
http://on.net.mk/default-MK.asp?ItemID=1496886BA374AE4794151EB0A435E361