Д
Демијан
Гостин
Да и ја се сложувам дека теоретски ти го отвара патот.Ама додека јас ти или било кој учи,некој друг тоа време го користи да добие некој вид на животна пракса.Сепак ќе се сложам дека дипломата е важна ама не и пресудна за да успееш во животот.Секако човек со диплома е посигурен,се има исполнето на некој начин со тоа што има високо образование.Генерално не би ни реплицирала на некој кој користи зборови како нарочито, ама ајде, интересен ми е муабетот кој го начна.
Многу ми е забавен твојот став во кој велиш дека високото образование се добива на тацна и уште позабавен е делот во кој ме убедуваш дека теориите кои се учат на факултет некој ги учи од животот. Пробуваш да звучиш искусно и паметно а тоа го правиш неуко како дете кое после три часа балет пробува да покаже како знае да прави Сисон каков што има видено на телевизија.
Нејсе, ти ја разбрав целта на муабетот и затоа нема да влегувам во помалите или поголемите бесмислености кои ги кажа, како ни на сите делови кои би се окарактеризирале како неписмени... Значи, според тебе не е факултетот она кое ја прави личноста, нели? Во ред, да кажеме дека не е САМО факултетот она кое ја прави. Ама, а ова е важно ама - факултетот покажува колку си издржлив, колку можеш или сакаш да жртвуваш од времето кое ти велиш дека ти носи животно искуство, колку си подготвен да се бориш против конкуренцијата. И тоа не е се, затоа што со факултетот си го поплочуваш патот кон она кое треба да го работиш еден ден, кон финансиските можности кои ќе ги имаш и според тоа за потенцијалната ти конзумација, а секако и на кругот луѓе со кои ќе бидеш опкружен...
Не негирам дека искуството е неопходно, ама твојот став дека кој учи е дома меѓу 4 ѕида и нема никакво искуство, а кој не учи - задолжително е борец кој низ сито и решето врви за да направи нешто за себе - е пред се смешен. Зашто знам еден куп кои имаат финансиски можности, па одбраа да „го уживаат животот“. Знам уште еден куп на луѓе кои решија да студираат и покрај тешката финансиска состојба. Не сакам да судам кој направил попеметно. Ама од старт во главата си ја имам претставата кои сакам да ми бидат во опкружување...
Следно, два пати ги спомна Спилберг и Гејтс. Во ред, сфатив - сметаш дека може да се успее и без диплома. Можно е, да... Ама ако не те мрзи најди статистики и провери колкав е бројот на такви како нив кои успеале, во споредба со „оние со диплома“.
Не мислам дека ќе ме направи поинтелигена дипломата, од било кој. Ама, теоретски, ми го отвара патот за да бидам поуспешна од оние кои ја немаат. А како ќе го искористам тоа - не зависи само од неа...
п.с. Абе, на македонски е конЗумација или конСумација? Се задумав сега